យើងខ្ញុំសូមសា្វគមន៍ដល់ការចូលទទួលព្យាបាលក្នុងមន្ទីរពេទ្យយើងខ្ញុំ។ ដើម្បីធានាដល់ការព្យាបាលដែលធ្វើអោយអ្នកពេញចិត្ត និង បានជោគជ័យ ពួកយើងបានផ្តល់សេវាកម្មជូនដល់អ្នក និង ក្រុមគ្រួសាររបស់អ្នកដូចខាងក្រោម ៖

១. សេវាកម្មចុះឈ្មោះសា្នក់នៅបណ្តោះអាសន្នសំរាប់អ្នកជម្ងឺមកពីបរទេស

យោងតាមច្បាប់នៃប្រទេសចិន 　អ្នកដំណើរបរទេសទាំងអស់នៅក្នុងរយៈ២៤ម៉ោង ត្រូវទៅកាន់ទីសា្នក់ការប៉ូលីសប្រចំាតំបន់ចុះឈ្មោះចូលក្នុងតារាងសា្នក់នៅបណ្តោះអាសន្ន។

ដូច្នេះ ពេលដែលអ្នក និង ក្រុមគ្រួសារមកដល់ប្រទេសចិន ក្រោយពេលមកដល់មន្ទីរពេទ្យមុនពេល២៤ម៉ោង សូមអ្នកទៅកាន់មជ្ឈមណ្ឌលបំរើសេវាកម្មអ្នកជម្ងឺអន្តរជាតិជាន់ផ្ទាល់ដី ប្រគល់លិខិតឆ្លងដែនរបស់អ្នក។ ពួកយើងនឹងជួយចុះឈ្មោះជូនអ្នក។ ប្រសិនបើមានការខកខានការទៅចុះឈ្មោះនឹងត្រូវចោទប្រកាន់ថាចូលមករស់នៅមិនស្របច្បាប់ ត្រូវទទួលបន្ទុកទាំងអស់។

២. សេវាកម្មពន្យា រយៈពេលទិដ្ឋាកា(Visa)

ប្រសិនបើការព្យាបាលរបស់អ្នកមិនអាចបញ្ចប់ក្នុងថ្ងៃកំនត់នៃការ Visa បានទេ មានន័យថា អ្នកត្រូវពន្យា រយៈពេល Visa។ សូមផ្តល់ដំណឹងដល់យើងខ្ញុំមុនរយៈពេលផុតកំណត់៧ថ្ងៃ ដោយរាប់គិតតែថ្ងៃធ្វើការ ដូចនេះគឺ៩ថ្ងៃ។ យោងតាមច្បាប់ឆ្លងដែន ប្រសិនបើអ្នកដំណើរក្រៅប្រទេសមិនបានពន្យាពេល Visa ដែលផុតកំនត់ជាថ្មីនោះ នឹងត្រូវផាកពិន័យក្នុងមួយថ្ងៃ៥00យេន។ ប្រសិនបើមានបង្ហាញធ្ងន់ធ្ងរអាចធ្វើទោសទៀតផង។ ដូចនេះ សូមលោកអ្នកចាប់អារម្មណ៍លើកាលបរិច្ឆេទនៅលើ Visa។ ប្រសិនបើផុតកំនត់ ប៉ុន្តែមិនបានពន្យាបន្ត សូមលោកអ្នកទទួលលទ្ធផលចុងក្រោយដោយខ្លួនឯង។ (សំគាល់ ៖ ដោយសារតែការពន្យាពេល Visa អ្នកជំម្ងឺមា្នក់អាចមានអ្នកកំដរបានតែម្នាក់គត់)។

៣. ខណៈនោះ យើងខ្ញុំមានផ្តល់ជូនសេវាកម្មកកក់សំបុត្រយន្តហោះ និង កែថ្ងៃខែចេញដំណើរ។ ប្រសិនបើអ្នកត្រូវការ សូមទៅការមជ្ឈមណ្ឌលបម្រើសេវាកម្មអ្នកជម្ងឺអន្តរជាតិ។

៤. ប្រសិនបើអ្នកមានបញ្ហាទាក់ទងនឹងសំបុត្រយន្តហោះ ឬ Visa ផ្សេងៗ សា្វគមន៍ទៅកាន់ជាន់ផ្ទាល់ដីសាកសួរព័ត៌មាននឹងយើងខ្ញុំ។ ប្រសិនបើសំបុត្រយន្តហោះមានបញ្ហា យើងខ្ញុំនឹងទាក់ទងទៅកាន់ការិយាល័យក្រុមហ៊ុនអាកាសចរណ៍ដែលនៅទីក្រុងក្វាងចូវ។ ផ្នែករបស់យើងខ្ញុំនៅជាន់ផ្ទាល់ដី ៖ មជ្ឈមណ្ឌលបម្រើសេវាកម្មអ្នកជម្ងឺអន្តរជាតិ។ ពេលវេលាធ្វើការងាររបស់យើងខ្ញុំគឺ៖ ពេលព្រឹកម៉ោង 8:30ដល់12:00 ល្ងាចម៉ោង 14:00ដល់ 17:30។ លេខទូរស័ព្ទទំនាក់ទំនងរបស់យើងខ្ញុំគឺ៖86-20-22221111-1005។

៥. ដើម្បីមានភាពងាយស្រួលចំពោះអ្នក និង សមាជិកក្រុមគ្រួសារ យើងខ្ញុំនឹងប្រឹងអស់ពីសមត្ថភាពជួយក្នុងបញ្ហាសំបុត្រយន្តហោះ និង Visa។ ប៉ុន្តែប្រសិនបើសេវាកម្មត្រូវបានផ្អាកដោយកត្តាដែលមិនបានដឹងមុនខ្លះៗនោះ ពួកយើងក៏សូមអ្នកមានការអធ្យាស្រ័យ និង សហការណ៍។

សូមអរគុណចំពោះទំនុកចិត្តរបស់អ្នក! យើងខ្ញុំក៏មានការសង្ឃឹមយ៉ាងស្មោះសរសូមអោយអ្នកឆាប់ជាសះស្បើយ! មានពរជ័យសេរីសួស្តីយ៉ាងប្រសើរ!

ផ្នែកអន្តរជាតិ

មន្ទីរពេទ្យកា្វងចូវទំនើបផ្នែកមហារីក ប្រទេសចិន។