នៅមន្ទីរពេទ្យក្វាងចូវផ្នែកមហារីកជាន់ទី៨ មានអ្នកជម្ងឺមហារីកសុដន់ម្នាក់មកពីទីក្រុងចាកាតាប្រទេសឥណ្ឌូនេស៊ី គាត់ឈ្មោះស៊ូម៉ា(NURUSIAH BINTI SUMAR)ឆ្នាំនេះទើបតែអាយុ៣២ឆ្នាំ គឺជាស្ត្រីវ័យក្មេងដ៏ស្រស់ស្អាតម្នាក់។ នៅពេលពួកយើងបានជួបគាត់ ស្នាមញញឹមដ៏កក់ក្តៅរបស់គាត់ធ្វើអោយពួកយើងគ្មានអារម្មណ៏ដឹងថាគាត់ជាអ្នកជម្ងឺមហារីកម្នាក់សោះ។ ទោះបីគាត់បាត់បង់សុដន់ខាងស្តាំរបស់គាត់ តែគាត់គ្មានអារម្មណ៏ថាពិបាកចិត្តនិងអស់សង្ឃឹមបន្តិចទេ ប្រហែលដោយសារថ្ងៃស្អែកអាចចេញពីមន្ទីរពេទ្យត្រលប់ទៅមាតុប្រទេសជួបជុំគ្រួសារវិញបាន។

ប្រឆាំងជាមួយមហារីកសុដន់ពិតជានឿយហត់ណាស់

ប្រធានគិលានុបដ្ឋាយិកាប្រាប់ពួកយើងពីទិដ្ឋភាពដែលអ្នកជម្ងឺស៊ូម៉ា(NURUSIAH BINTI SUMAR)ទើបចូលមន្ទីរពេទ្យដំបូង។ នៅថ្ងៃទី៨ ខែវិច្ឆកា ឆ្នាំ២០១២ ពេលបានជួបស៊ូម៉ា លើកទីមួយ គាត់មានការឈឺចាប់និងពោរពេញដោយទុក្ខសោកយ៉ាងខ្លាំង។ លើមុខនារីវ័យក្មេងម្នាក់ចេះតែចងចិញ្ចើម និងស្រែកថ្ងូរថាឈឺមិនឈប់។ ការពិត សុដន់ខាងស្តាំរបស់ គាត់បានចាប់ផ្តើមរលួយ ហូរចេញនូវទឹកខ្ទុះពណ៌លឿង ព្រមទាំងមានក្លិនស្អុយទៀត។

ការឆ្លងកាត់ការឈឺចាប់ធ្វើអោយស៊ូម៉ានឹកឃើញឡើងវិញ គាត់ថានៅឆ្នាំ២០១១ ក្នុងពេល ពិនិត្យសុខភាពគាត់បានដឹងថាខ្លួនឯង មានដុំសាច់មួយទំហំ២សង់ទីម៉ែត្រនៅសុដន់ខាង ស្តាំរបស់ខ្លួន លទ្ធផលពិនិត្យបង្ហាញអោយឃើញថា គឺមហារីកសុដន់ខាងស្តាំព្រមទាំង បង្វែរជាដុំពកកូនកណ្តុរនៅក្រោមក្លៀក។ គាត់បានមកទទួលការព្យាបាលនៅមន្ទីរពេទ្យនៅ ម៉ាឡេស៊ី។ ពេលនោះ ប្រតិកម្មក្រោយពេលព្យាបាលដាក់គីមីធ្វើអោយគាត់ឡើងពងទឹកលើ អណ្តាត ហូរឈាមច្រមុះ។ ទោះបីការព្យាបាលទាំងនេះធ្វើអោយគាត់បានធូរស្រាលមួយរយៈ កូនកណ្តុរនៅក្រោមក្លៀកក៏រលាយបាត់ ប៉ុន្តែពាក់កណ្តាលឆ្នាំក្រោយក៏លេចចេញ កូនកណ្តុរដ៏ធំនៅក្រោមក្លៀកគាត់ម្តងទៀត ម្យ៉ាងទៀតការឈឺចាប់សុដន់គឺកាន់តែធ្ងន់ធ្ងរ ឡើង ក្បាលដោះលិបចុះ ចាប់ផ្តើមករខ្ទុះ។ សុខភាពនិងផ្លូវចិត្តស៊ូម៉ាទទួលការវាយប្រហារ យ៉ាងធ្ងន់ធ្ងរម្តងទៀត។ គាត់ខ្លាចបាត់បង់ជីវិត ខ្លាចមិនអាចឃើញកូនអាយុ៣ឆ្នាំរបស់គាត់ ធំដឹងក្តី គាត់នៅមានការមិនដាច់ចិត្តនិងស្តាយស្រណោះយ៉ាងខ្លាំងចំពោះជីវិត។

 រូបថតរួមគ្នារវាងស៊ូម៉ា និងគ្រូពេទ្យព្យាបាលផ្ទាល់ លោកចាងអួយចុង លោកនាយកប៉ាយហាយសាន ព្រមទាំងប្រធានគិលានុបដ្ឋាយិកា

គ្រូពេទ្យដែលមានទំនួលខុសត្រូវធ្វើអោយគេមានអារម្មណ៏ទុកចិត្ត

ស៊ូម៉ាបោះបង់ការព្យាបាលនៅប្រទេសម៉ាឡេស៊ី គាត់ចង់ស្វែងរកវិធីព្យាបាលកាន់តែមាន ប្រសិទ្ធភាព។ គាត់និងគ្រួសារពិចារណាពីទីកន្លែងព្យាបាលនិងវិធីព្យាបាលគ្រប់ប្រភេទ បូករួមទាំងយោបលរបស់មិត្តភក្តិបងប្អូន ចុងក្រោយពួកគាត់បានសម្រេចចិត្តជ្រើសរើសមន្ទីរពេទ្យក្វាងចូវទំនើបផ្នែកមហារីកនិងទទួលការព្យាបាលពីក្រុមព្យាបាល។ ក្រោយពេល លោកគ្រូពេទ្យចាងអួយបានធ្វើការពិនិត្យសុខភាពអោយគាត់ ហើយដឹងពីស្ថានភាពគាត់រួច ក៏បានធ្វើការពិភាក្សាជាមួយលោកប្រធានពេទ្យប៉ាយហាយសាន និងអ្នកឯកទេសផ្សេង ទៀតបានពិភាក្សាពីវិធីព្យាបាល។ នៅទីនេះ វិធីព្យាបាលមិនមែនគ្រូពេទ្យម្នាក់ណាអាចធ្វើ ការសម្រេចដោយងាយស្រួលនោះទេ តែគឺត្រូវការប្រមូលផ្តុំប្រាជ្ញារបស់ក្រុមអ្នកឯកទេស ព្យាបាល ជ្រើសរើសវិធីព្យាបាលប្រសើរបំផុតនិងមានប្រតិកម្មប្រឆាំងតូចបំផុត។ ចុងក្រោយ អ្នកឯកទេសសម្រេចប្រើវិធីព្យាបាលកករំលាយនិងបច្ចេកវិទ្យាចាក់បញ្ចូលស្នាមរបួសតូចដំណើរការព្យាបាលបញ្ចូលគ្នា។ ទោះបីស៊ូម៉ាមិនធ្លាប់បានលឺពីបច្ចេកវិទ្យា ព្យាបាលទាំងពីរនេះពីមុនមកមែន ប៉ុនែ្តគាត់បែរជាមិនបានសម្តែងនូវភាពភ័យខ្លាចទេ។ ព្រោះគាត់ថា មុនពេលគ្រូពេទ្យធ្វើការព្យាបាលម្តងៗ គឺសុទ្ធតែធ្វើការបកស្រាយពីវិធីនិង លំដាប់លំដោយព្យាបាល ព្រមទាំងស្ថានភាពដែលអាចកើតឡើង។ ភាពស្មោះត្រង់ ការទំនាក់ទំនង និងភាពទន់ភ្លន់របស់គ្រូពេទ្យ ធ្វើអោយគាត់ស្ងប់អារម្មណ៍។ គាត់យល់ថា ក្រោមការព្យាបាលរបស់គ្រូពេទ្យដែលមានទំនួលខុសត្រូវ មានឥទ្ធិពលចំពោះការជាសះស្បើយឡើងវិញនៃជម្ងឺ។

ក្រោយពេលព្យាបាលរួចត្រលប់មកមាតុភូមិជួបជុំជាមួយគ្រួសារ

ក្រោយពេលដំណើរការព្យាបាលកករំលាយ និងការព្យាបាលចាក់បញ្ចូលរួច៤ដង ដុំមហារីករបស់ស៊ូម៉ារួមតូច រង្វាស់ដុំមហារីកតូចជាង0.5 មុខដំបៅក៏កំពុងសះស្បើយ។ ទោះបីការព្យាបាលមានប្រសិទ្ធភាព ប៉ុន្តែដើម្បីអោយស្ថានភាពជម្ងឺកាន់តែប្រសើរ គ្រូពេទ្យ ផ្តល់យោបល់អោយស៊ូម៉ាទទួលការព្យាបាលដោយការវះកាត់។ ការព្យាបាលដោយការវះកាត់គឺកាត់ចោលនូវសុដន់រួមទាំងស្បែកដែលនៅជុំវិញដុំមហារីក៥សង់ទីម៉ែត្ររបស់អ្នកជម្ងឺ និងជាលិកាស្រទាប់ខ្លាញ់នៅជុំវិញសុដន់។ល។ នេះបានន័យថាស៊ូម៉ាត្រូវបាត់បង់សុដន់ខាងស្តាំរបស់គាត់។ ទោះបីនិយាយចំពោះស្រ្តីអាយុ៣២ឆ្នាំម្នាក់ ជាការសម្រេចចិត្ត ដ៏ពិបាកមួយពិតមែន ប៉ុន្តែដើម្បីពន្យាជីវិត នេះជាជម្រើសប្រសើរបំផុត។ ក្រោមការគាំទ្រពីស្វាមីនិងគ្រួសារ ស៊ូម៉ាជ្រើសរើសដំណើរការវះកាត់យ៉ាងក្លាហាន និងបន្តតតាំងជាមួយមហារីកសុដន់។

ការវះកាត់បានជោគជ័យ ថ្ងៃស្អែកស៊ូម៉ាចេញពីមន្ទីរពេទ្យត្រលប់ទៅមាតុប្រទេសវិញ គាត់ សប្បាយរីករាយណាស់ ព្រោះអាចឆាប់បានជួបកូនៗហើយ។ គាត់ខានជួបពួកគេមួយខែ កន្លះហើយ គាត់នឹកពួកគេខ្លាំងណាស់។

“ទោះបីខ្ញុំបាត់បង់សុដន់ខាងស្តាំ ប៉ុន្តែខ្ញុំទទួលបានពេលវេលាជួបជុំជាមួយគ្រួសារ ជីវិតទើបមានន័យបំផុត។ អរគុណសំរាប់ការកំដរពីស្វាមីនិងកូនៗគាត់ក្នុងការតតាំង លើកនេះ អរគុណក្រុមអ្នកឯកទេស អ្នកបកប្រែ និងគិលានុបដ្ឋាយិការរបស់មន្ទីរពេទ្យក្វាងចូវទំនើបផ្នែកមហារីក ព្រមទាំងអ្នកយកចិត្តទុកដាក់លើខ្ញុំទាំងអស់គ្នា”។