អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកបានបង្ហាញថា ៖ កើតមានជម្ងឺមហារីកលំពែង ដាច់ខាតមិនត្រូវអន្ទះសារ និង ភិតភ័យឡើយ។ ជាដំបូង អ្នកជម្ងឺមហារីកលំពែងត្រូវធ្វើការស្វែងយល់ពីស្ថានភាពជម្ងឺរបស់ខ្លូនសិន ថែមទាំងយោងទៅតាមស្ថានភាពជម្ងឺរបស់ខ្លូនគួបផ្សំការព្យាបាលជាមួយនឹងគ្រូពេទ្យបានទាន់ពេល ដើម្បីជៀសវាងនូវកំហុសក្នុងការចំនាយពេលវេលាព្យាបាលដ៏ល្អនេះ។ ដូច្នេះ តើជម្ងឺមហារីកលំពែងមានវិធីសាស្រ្តព្យាបាលយ៉ាងដូចម្តេចខ្លះ?
ការវះកាត់គឺជាវិធីសាស្ត្រមួយដែលតែងតែប្រើប្រាស់ទៅលើអ្នកជម្ងឺមហារីកលំពែង ។ វិធីវះកាត់នោះរួមមានកាត់ផ្នែកខ្លះ និង កាត់លំពែងទាំងមូលតែម្តង( Pancreaticoduodenal resection, Expand pancreaticoduodenal resection, Pylorus-preserving pancreaticoduodenectomy)។ល។ ប៉ុន្តែដោយសារការធ្វើរោគវិនិច្ឆ័យមហារីកលំពែងដំណាក់កាលដំបូងមានភាពលំបាក អត្រានៃការវះកាត់ក្នុងដំណាក់កាលដំបូងមានកំរិតទាប រីឯអត្រានៃអ្នកជម្ងឺក្រោយការវះកាត់ដែលអាចរស់បានរយៈពេល5ឆ្នាំមានកំរិតទាប។ ចំពោះជម្ងឺខាន់លឿនដែលបណ្តាលមកពីការស្ទះទឹកប្រមាត់ដោយសារមហារីកលំពែងត្បៀតលើថង់ទឹកប្រមាត់ គេអាចជ្រើសរើសនូវការព្យាបាលជម្ងឺខាន់លឿងតាមរយៈការតភ្ជាប់រវាងបំពង់បង្ហូរទឹកប្រមាត់ជាមួយនឹងពោះវៀនតូច តាមរយៈនេះធ្វើឱ្យគុណភាពជីវិតអ្នកជម្ងឺមានភាពល្អប្រសើរឡើង។ គេក៏អាចជ្រើសរើសនូវវិធីទល់ឡើងនូវទីតាំងដែលស្ទះរបស់ប្រមាត់ធ្វើឱ្យជម្ងឺខាន់លឿងមានភាពធូរស្បើយ។
1. លក្ខខ័ណ្ឌក្នុងការវះកាត់សំរួលអាការៈ ៖ អ្នកជម្ងឺមហារីកលំពែងប្រហែល88%ដោយសារតែដុំមហារីកបានធ្វើការរុករាននូវជាលិកាជុំវិញវា និងបានរីករាលដាលទៅកន្លែងដទៃទៀតឆ្ងាយពីទីតាំងដើមរបស់វា ហើយមិនអាចធ្វើការវះកាត់ឱ្យបានស្អាតអស់ ឬក៏ដុំមហារីកមិនអាចធ្វើការវះកាត់ចោលទាំងមូលបាន ពេលនោះវេជ្ជបណ្ឌិតផ្នែកវះកាត់នឹងជ្រើសរើសយកនូវវិធីការវះកាត់ដើម្បីសំរួលអាការៈដូចជា ខាន់លឿង ឬក៏ការស្ទះពោះវៀនតូច។ ក្រៅពីនេះ គេនៅត្រូវការរួមផ្សំជាមួយការព្យាបាលដទៃទៀតដើម្បីព្យាបាលខាន់លឿង ការឈឺចាប់ ការស្រកទម្ងន់ មុខងាររបស់លំពែងមិនពេញលេញ។ គេនៅមានវិធីផ្សេងទៀតគឺការទល់ឡើងនូវបំពង់ទឹកប្រមាត់ធើ្វឱ្យវាហូរបានលឿន ឬនៅពេលដែលដាក់ទល់ឡើងនូវបំពង់នោះម្តងទៀត វាអាចកើតមានបញ្ហារលាគបំពង់បង្ហូរទឹកប្រមាត់ ពេលនោះគឺត្រូវការវះកាត់ហើយ។
2. វិធីសាស្ត្រក្នុងការវះកាត់សំរួលអាការៈ ៖ ចំពោះករណីជម្ងឺដែលមិនស័ក្តិសមក្នុងការប្រើប្រាស់ការវះកាត់ចោលនូវដុំមហារីកទាំងមូលនិងសំអាតជាលិកាជុំវិញវាឱ្យបានស្អាតអស់ គេតែងតែធ្វើការវះកាត់ផ្នែកខ្លះនៃដុំមហារីកដើម្បីសំរួលដល់ការកើតខាន់លឿងដែលបណ្តាលមកពីការស្ទះថង់ទឹកប្រមាត់ ជាទូទៅគេតែងតែធ្វើការតភ្ជាប់បំពង់ទឹកប្រមាត់ទៅពោះវៀនតូច។ ចំពោះអ្នកដែលអត់មានលក្ខខ័ណ្ឌធ្វើនូវវិធីដូចរៀបរាប់នៅខាងលើគឺអាចតភ្ជាប់បំពង់បង្ហូរទឹកប្រមាត់នៅខាងក្រៅ( អាចតភ្ជាប់ពីក្រោម ឬតភ្ជាប់តាមបំពង់ដើម្បីហូរក៏បាន) ដើម្បីកាត់បន្ថយការកើតខាន់លឿង។ ភាគច្រើននៃអ្នកជម្ងឺមហារីកលំពែងអាចកាត់បន្ថយនូវអាការៈក្នុងរយៈពេលខ្លី អាចធ្វើឱ្យរាង្គកាយជុំវិញមានការប្រែប្រួល ជាទូទៅ ពេលវេលានៃការរស់នៅមានជីវិតមានរយៈពេលប្រហែលជាកន្លះឆ្នាំ។
ដោយសារតែជម្ងឺមហារីកលំពែងប្រភេទកាចមានកំរិតខ្ពស់ អត្រានៃការវះកាត់ទាប ការព្យាករណ៍មិនល្អ។ ទោះបីជាការវះកាត់នៅតែជាវិធីសាស្ត្រព្យាបាលដំបូងបង្អស់ក៏ដោយ ប៉ុន្តែដោយសារតែមហារីកលំពែងតែងតែជួបប្រទះនៅដំណាក់កាលចុងក្រោយ ក៏បាត់បង់ឱកាសក្នុងការជាសះស្បើយ ដូច្នេះចាំបាច់ត្រូវធ្វើការសំយោគព្យាបាលដល់អ្នកជម្ងឺមហារីកលំពែង។ រហូតមកដល់បច្ចុប្បន្ននេះ ដូចគ្នានឹងមហារីកផ្សេងៗទៀតអញ្ចឹង នៅមិនទាន់មានប្រសិទ្ធភាពខ្ពស់ និងអាចជ្រើសយកគំរោងក្នុងការសំយោគព្យាបាលនៅឡើយទេ។ ឥលូវនេះការសំយោគព្យាបាលនៅតែជាគោលដៅដ៏សំខាន់ក្នុងការវះកាត់។ ការបាញ់កាំរស្មី ការប្រើគីមីសាស្ត្រជាជំនួយក្នុងការវះកាត់ និង មានការរុករកនូវមធ្យោបាយថ្មីនៃការព្យាបាលដោយការលើកកំពស់មុខងារប្រព័ន្ធការពាររាង្គកាយ និង ការព្យាបាលតាមបែបជីវសាស្ត្រ។
