អ្វីទៅជាជំងឺមហារីកមាត់?

មហារីកមាត់ជាពាក្យពេញនៃដុំកោសិកាមហារីកដែលកើតនៅក្នុងមាត់ រួមមាន មហារីកបបូរមាត់ មហារីកអញ្ចាញធ្មេញ មហារីកអណ្តាត មហារីកក្រអូមមាត់ មហារីកថ្គាម មហារីកបាតមាត់ មហារីកក្រពេញទឹកមាត់ មហារីករន្ធឆ្អឹងថ្គាមលើ និងមហារីកដែលកើតនៅលើស្បែកមុខ។ល។

តើការកើតជំងឺមហារីកមាត់មានអត្រាប៉ុន្មាន?

ក្នុងចំនោមមហារីកទាំងអស់អត្រានៃជំងឺមហារីកមាត់មានពី1.45%ទៅ5.6% ហើយបុរសមានអត្រាកើតជំងឺច្រើនជាងស្ត្រី។

តើមូលហេតុនៃការកើតជំងឺមហារីកមាត់មានអ្វីខ្លះ?

១. ការញៀនស្រា បារីរយៈពេលយូរឆ្នាំ ៖ អ្នកជំងឺមហារីកមាត់ភាគច្រើនមានប្រវត្តិញៀន ស្រា ញៀនបារីរយៈពេលវែងហើយអ្នកជំងឺមហារីមាត់ដែលមិនញៀនស្រាបារីមាន ភាគតិចណាស់។

២. មិនសូវមានអនាម័យក្នុងមាត់ ៖ ទំលាប់មិនសូវមានអនាម័យក្នុងមាត់ធ្វើឲ្យមេរោគ ល្អិតនិង កើតផ្សិតក្នុងមាត់បង្កើតឱកាសឲ្យវារីកធំធាត់ក្លាយជាមេរោគ។

៣. ការទទួលរងភាពរំញោចពីវត្ថុប្លែកៗ ៖ រឹសធ្មេញ រឺធ្មេញស្រួចមិនសមស្របនឹងការប៉ះពាល់របស់ធ្មេញក្លែងក្លាយនោះឡើយ។ យូរៗទៅអាចបង្កទៅជាដំបៅ ហើយក្លាយជាដុំសាច់មហារីក។

៤. បរិភោគអាហារមិនអំណោយផល ៖ ការស្រូបវីតាមីនA1 A2 និងសារធាតុស័ង្កសី សារធាតុមេកានិចមិនគ្រប់គ្រាន់ នាំឲ្យកើតជាជំងឺមហារីក។

៥. អុជស និង អុជក្រហមក្នុងមាត់ ៖ ជាទូទៅអុជស និងអុជក្រហមដែលកើតក្នុងមាត់គឺជារោគសញ្ញាដំបូង នៃជំងឺមហារីកមាត់។

៦. កាំរស្មីយូវី ៖ អ្នកធ្វើការនៅក្រោមពន្លឺព្រះអាទិត្យដែលបញ្ចេញកាំរស្មីយូវីមានអត្រា កើតជំងឺនេះខ្ពស់។

៧. វិទ្យុសកម្មក្នុងអគ្គិសនី ៖ វិទ្យុសកម្មក្នុងអគ្គិសនីអាចបណ្តាលឲ្យមានការផ្លាស់

ប្តូរ DNA ធ្វើឲ្យកើតមហារីកមាត់ ដែរ។

៨. ផ្សេងៗ ៖ រលាកថ្លើមរ៉ាំរៃ និងគ្រិនថ្លើមធ្វើឲ្យប្រព័ន្ធការពារធ្លាក់ចុះ ក៏អាចបណ្តាលឲ្យកើត ជំងឺមហារីកមាត់ផងដែរ។

អាការៈដែលគួរឲ្យសង្ស័យរបស់ជំងឺមហារីកមាត់មានដូចជា៖

១. ប្រែពណ៌ ៖ ផ្នែកមាត់ប្រែពណ៌ជាស ពណ៌ត្នោត រឺ ពណ៌ខ្មៅ មានន័យថាកោសិកាប្រអប់មាត់មានការប្រែប្រួល ជាពិសេសគឺម៉ាសភាពស្អិតនៃមាត់ឡើងក្រាស់ហើយរឹង។ ឃើញមានស្នាមអុជស ក្រហមអាចជារោគសញ្ញានៃការកើតជំងឺមហារីកដែរ។

២. ដំបៅមាត់មានរយៈពេលយូរតែមិនជា ៖ ជាធម្មតាការកើតសាច់ដំបៅមិនលើសពីពីរ សប្ដាហ៍ទេ។ ប្រសិនបើមានអារម្មណ៍ក្ដៅ ហើយឈឺលើសពីពីរសប្ដាហ៍មិនទាន់ជាសះស្បើយនោះអាចជាកើតជំងឺមហារីកមាត់ហើយ។

៣.កើតមានការឈឺចាប់ ៖ ពេលដំបូងគ្មានការឈឺចាប់ គ្រាន់តែផ្សាៗប៉ុណ្ណោះ តែពេលដំបៅបែកនោះ និងមានការឈឺចាប់ខ្លាំង ហើយស្របតាមការវិវត្តន៍នៃដុំសាច់អាចបណ្ដាលឲ្យឈឺបំពង់ក និង ត្រចៀកផងដែរ។

៤.ក្រពេញហើមធំ ៖ កោសិកាមហារីកមាត់តែផ្លាស់ទីទៅតាមកៀនកនាំឲ្យក្រពេញហើមធំ។

៥. មុខងារត្រូវរាំងស្ទះ ៖ ដុំសាច់អាចនៅបំផ្លាញសាច់ដុំបើកបិទមាត់ធ្វើមានការពិបាកហារមាត់។

ការពិនិត្យមើលពីជំងឺមហារីកមាត់ដោយខ្លូនឯង

១. ត្រួតពិនិត្យផ្នែកក និងមុខ ៖ ពេលត្រួតពិនិត្យត្រូវព្យាយាមងើយក្បាលទៅខាងក្រោយ។ ពិនិត្យមើលឆ្អឹងថ្គាម និងផ្នែកកមានភាពប្រក្រតីឬអត់។

២. ត្រួតពិនិត្យបបូរមាត់ ៖ ក្រឡេកមើលផ្នែកក្រៅនៃមាត់ជាមុនសិន បន្ទាប់មកស្ទាបមើលមាត់ ហើយយកមេដៃ និង ម្រាមចង្អុលទាញបបូរមាត់ រួចត្រួតពិនិត្យផ្នែកខាងក្នុងនៃមាត់។

៣.ត្រួតពិនិត្យអញ្ចាញធ្មេញ៖ ទាញបបូរមាត់ចេញដើម្បីស្ទាបអញ្ចាញធ្មេញ។ មើលថាការពិនិត្យម្តងនេះអញ្ចាញធ្មេញមានសភាពដូចមុនឬអត់។

៤.ត្រួតពិនិត្យថ្ពាល់ ៖ បិទមាត់ថ្នមៗយកម្រាមដៃមេ និង ដៃចង្អុលដាក់ចុងមាត់ដែលទាញចេញ។ពិនិត្យមើលដោយភ្នែក ក្នុងខណៈពេលនោះយកដៃស្ទាបថ្ពាល់ទាំងសងខាងមើលថាមានលក្ខណៈខុសប្រក្រតីឬអត់។

៥.ត្រួតពិនិត្យអណ្ដាត៖ លានអណ្ដាតចេញក្រៅយកដៃខ្ចប់ក្រណាត់ចាប់ជាប់អណ្ដាត ហើយធ្វើការពិនិត្យ និង ស្ទាបសាច់របស់អណ្ដាត ហើយទាញវាទៅឆ្វេងស្ដាំទៅវិញទៅមក ដើម្បីពិនិត្យមើលអណ្ដាតទាំងសងខាង។

៦. ការត្រួតពិនិត្យផ្នែកក្រោមនៃអណ្ដាត ៖ ព្យាយាមលើកអណ្ដាតឡើងឲ្យអស់។ ធ្វើការពិនិត្យ និង ស្ទាបមើលផ្នែកក្រោមនៃអណ្ដាត ដើម្បីមើលថាមានសភាពមិនប្រក្រតីរឺទេ។

៧.ពិនិត្យមើលផ្នែកបំពង់ក និង កន្លើត ៖ បញ្ចេញសំលេង<អា>។ ហើយពិនិត្យបំពង់កនៅក្រោមពន្លឺ។ បន្ទាប់មកងើយក្បាលឡើងលើ ហើយពិនិត្យ និង ស្ទាបផ្នែកលើនៃកន្លើត។

ការព្យាបាលជំងឺមហារីកមាត់តាមបែបបុរាណ

ការវះកាត់៖ វិធីនេះជាវិធីដែលគេតែងតែប្រើជាញឹកញាប់។ ជំងឺមហារីកមាត់ និងមហារីកក្រពេញកដែលមិនបានផ្លាស់ប្តូរទីតាំង អាចប្រើវិធីវះកាត់តែម្តង។

ការព្យាបាលតាមបែបគីមីសាស្ត្រ ៖ ក្នុងការព្យាបាលជំងឺមហារីកផ្នែកកកំរមានការព្យាបាលតែវិធីនេះតែមួយមុខណាស គឺគេតែងតែប្រើជាមួយការបាញ់កាំរស្មី ដើម្បីបង្កើនប្រសិទ្ធិភាពក្នុងការព្យាបាល។

ការព្យាបាលដោយកាំរស្មី ៖ ការព្យាបាលបែបនេះមិនត្រឹមតែប្រើជាមួយវិធីដទៃ ទៀត ឬប្រើវិធីនេះតែឯងទេ វាមានសារៈសំខាន់ណាស់ក្នុងការព្យាបាលជំងឺមហារីកមាត់។ វាអាចជួយរក្សាការទំពារ ការលេប ការបញ្ចេញសំលេងឲ្យនៅប្រក្រតី បង្កើន គុណភាពរស់នៅរបស់អ្នកជំងឺ។

អាចផ្តល់ជូនការព្យាបាលតាមវិទ្យាពេទ្យចិនបានទៀត

ការព្យាបាលតាមបែបវិទ្យាពេទ្យចិនអាចរក្សាតុល្យភាពសារពាង្គកាយទាំងមូលក្នុងការព្យា

បាលរួមគ្នាប្រឆាំងនឹងមហារីក។ បង្កើនលទ្ធភាពនៃប្រព័ន្ធការពារ ប្រើវិទ្យាពេទ្យចិន និង អឺរ៉ុបរួមផ្សំគ្នាធ្វើឲ្យទទួលបានលទ្ធផលកាន់តែប្រសើរឡើង គឺជារបៀបព្យាបាលជំងឺរួមផ្សំគ្នាដ៏មានប្រសិទ្ធភាពខ្ពស់។

តើគេមានវិធីដែលរក្សាសុខភាពក្រោយពេលព្យាបាលយ៉ាងដូចម្ដេចខ្លះ?

១.ក្រោយការវះកាត់អ្នកជំងឺត្រូវបរិភោគអាហាររាវសុទ្ធ។ កន្លងផុតមួយសប្ដាហ៍ទើបកែជាអាហាររាវពាក់កណ្ដាល។

២.ក្រោយការវះកាត់ ត្រូវកត់សំគាល់លើស្បែកអ្នកជំងឺ សីតុណ្ហភាព និង ភាពយឺតឬរួញ។ប្រសិនជាខ្លួនអ្នកជំងឺមានសីតុណ្ហភាពធ្លាក់ចុះ ស្បែកប្រែពណ៌ស្វាយ ហើយឡើងក្រមៅបន្តិចម្តងៗគួរទៅមន្ទីរពេទ្យវិញអោយបានរហ័ស។

៣.គួរស្រូបយកស្លះក្នុងបំពង់ខ្យល់ បំពង់អាហាររបស់អ្នកជំងឺឲ្យបានគ្រប់ពេល និងធានាបំពង់ខ្យល់មានដំណើរការល្អ។

៤.ប្រសិនបើក្រោយពេលវះកាត់ហើយអ្នកជំងឺបាត់បង់សំលេង មិនអាចនិយាយស្ដីនោះត្រូវពិនិត្យមើលថាតើអ្នកជំងឺមានអារម្មណ៍ស្មុគស្មាញ មិនស្ងប់ឬអត់ រឺ អាការ:ដែលស្ទះបំពងខ្យល់ផ្សេងទៀត។

គេអាចទទួលការគាំទ្រដូចម្ដេចខ្លះ?

ក្នុងការព្យាបាលជាក់ស្ដែងបញ្ជាក់ពីក្រុមវេជ្ជបណ្ឌិតផ្នែកវះកាត់មហារីក ផ្នែកផ្សំថ្នាំ ផ្នែកវិទ្យាពេទ្យចិន ផ្នែកពិគ្រោះរោគជំងឺ ផ្នែកថតឆ្លុះ គ្រូពេទ្យដាក់ថ្នាំស្ពឹក និង អ្នកជំនាញខាងអាហារបំប៉ន គិលានុប្បដ្ឋាយិកា-ល-។ អ្នកជំនាញជាច្រើនរូបរួមជាក្រុមផ្ដល់សេវាកម្មដ៏ល្អ ដើម្បីរៀបចំផែនការព្យាបាលដ៏មានប្រសិទ្ធភាពយ៉ាងសមស្រប តំលៃសមរម្យជូនដល់អ្នកជំងឺ។

ដោយមានការចូលរួមពីអ្នកជំនាញច្រើនផ្នែកនៃមន្ទីរពេទ្យយើងខ្ញុំ ហើយបង្កើតជាករបាយការណ៍ព្យាបាលជួនអ្នកជំងឺ　និង ផ្តល់ការត្រួតពិនិត្យនិងព្យាបាលរួមផ្សំគ្នា។ ដោយមិនបន្ថែមបន្ទុកដល់អ្នកជំងឺ។ ផ្តល់សេវាកម្មព្យាបាលយ៉ាងដិតដល់ ឯមួយផ្នែកទៀតអាចលើកបង្កើនប្រសិទ្ធិភាពក្នុងការព្យាបាលផងដែរ។ ការទំនាក់ទំនងគ្នារវាងគ្រូពេទ្យ និង អ្នកជំងឺមានច្រើនប្រភេទរួមមាន ៖ សេវាកម្មសួរពត៌មានលើបណ្តាញ អ៊ីមែល ទំនាក់ទំនងតាមទូរស័ព្ទ និង មានការជួបផ្ទាល់ផងដែរ។ ដើម្បីផ្តល់សេវាកម្មកាន់តែទូលំទូលាយ និង ជួយអ្នកជំងឺក្នុងការប្រយុទ្ធប្រឆាំង និង មហារីក។អ្នកជំងឺអាចមកជួបជាមួយក្រុមប្រឹក្សាផ្តល់យោ

បល់រួមមាន គ្រូពេទ្យគិលានុប្បដ្ឋាយិកា អ្នកជំនាញខាងអាហារបំប៉ន និង អ្នកបកប្រែ។ល។ ដើម្បីផ្តល់សេវាកម្មយ៉ាងប្រណិតដល់អ្នកជំងឺមកពីបណ្តាប្រទេសផ្សេង។ ការផ្តល់ជួនសេវាកម្មពិគ្រោះជំងឺដោយមិនគិតថ្លៃ និង ច្បាស់លាស់ អ្នកជំងឺរិតតែមានទំនុកចិត្តក្នុងការព្យាបាលជាមួយមន្ទីពេទ្យ។