គ្រប់ដំណាក់កាលនីមួយៗនៃរោគសញ្ញាមហារីកលំពែងសុទ្ធតែមានការបង្ហាញមិនដូចគ្នាទេ ដូច្នេះ ដាច់ខាតមិនអាចប៉ាន់ស្មាននិងរក្សាទុកនូវរោគសញ្ញាណាមួយឡើយ ពីព្រោះបើសិនជារោគសញ្ញាបានបង្ហាញច្បាស់លាស់ហើយ ដូច្នេះច្បាស់ជាអាចបញ្ជាក់ថាស្ថានភាពជម្ងឺរបស់អ្នកជម្ងឺគឺស្ថិតក្នុងដំណាក់កាលចុងក្រោយទៅហើយ។ ដូចនេះ ពួកយើងត្រូវតែចាប់ឱ្យជាប់ពីរោគសញ្ញានៅស្រាលៗមួយចំនួនរបស់ជម្ងឺមហារីកលំពែង ដើម្បីងាយស្រួលពេលដែលជួបប្រទះភ្លាម ធ្វើការព្យាបាលភ្លាម។
1. មហារីកលំពែងដំណាក់កាលដំបូងមិនមានការបង្ហាញឱ្យឃើញនូវរោគសញ្ញាច្បាស់លាស់ទេ។
2. អាការៈឈឺពោះដែលបណ្តាលមកពីជម្ងឺមហារីកលំពែងច្រើនតែលេចចេញនៅលើពោះផ្នែកខាងលើ ជុំវិញបរិវេណផ្ចិតឬក៏ពោះខាងលើផ្នែកខាងស្តាំ ដែលវាមានលក្ខណៈចុក ៗមួយភ្លែតៗ ឬចុកជាប់រហូត រួចវិវត្តន៍ទៅកាន់តែធ្ងន់ធ្ងរទៅៗ។ ហើយអាការៈនេះមានសភាពឈឺខ្លាំងក្នុងពេលយប់ និងពេលសំរាន្តនៅលើគ្រែ រួចវាមានភាពធូរស្បើយក្នុងពេលអង្គុយ ឈរ អោន ឬក៏ដើរ។
3. អ្នកជម្ងឺមហារីកលំពែងប្រហែលជា90%មានបញ្ហាស្រកទម្ងន់យ៉ាងឆាប់រហ័ស ជាធម្មតាតែងតែមានភាពរីងរៃនៅដំណាក់កាលចុងក្រោយ។
4. ដំណាក់កាលកណ្តាល និងដំណាក់កាលចុងក្រោយនៃមហារីកលំពែងអាចលេចចេញនូវជម្ងឺខាន់លឿង ជម្ងឺខាន់លឿងតែងតែកើតមានមិនចេះចប់មិនចេះហើយ និងកាន់តែជ្រៅទៅៗ បត់ជើងធំអាចមានឧបសគ្គ និងមានពណ៌ដូចដីឥដ្ឋ ស្បែកឡើងពណ៌លឿង អាចប្រែជាពណ៌ត្នោត ឬ ពណ៌លង្ហិន និងរមាស់ខ្លាំងទៀតផង។
5. អ្នកជម្ងឺមហារីកលំពែងអាចលេចចេញនូវអាការៈប្រព័ន្ធរំលាយអាហារ រួមមានរោគ មិនចង់ឃ្លានអាហារ ប្រព័ន្ធរំលាយអាហារខ្សោយ ចង់ក្អួតចង្អោរ រោគរាគរូស លាមករឹង ឬប្រព័ន្ធរំលាយមានការចេញឈាម និងកើតមានអាការៈផ្សេងៗទៀត។ ក្នុងចំនោមនោះ ភាពអស់កំលាំងខ្លាំង និង រោគមិនចង់ឃ្លាតអាហារជួបប្រទះច្រើនជាងគេ ហើយក៏នៅមានបញ្ហារាគរូស លាមករឹង ហើមពោះ ចង់ក្អួតចង្អោរ និងរោគសញ្ញាខ្យល់ក្នុងពោះវៀន-ល-។
6. អ្នកជម្ងឺមហារីកលំពែងមួយចំនួនអាចមានភាពអន្ទះអន្ទែង គ្រាំគ្រាក្នុងចិត្ត រោគដេកពុំលក់ ផ្លាស់ប្តូរឬកពារ-ល-។
7. នៅដំណាក់កាលកណ្តាល និង ដំណាក់កាលចុងក្រោយ យ៉ាងហោចណាស់ មានអ្នកជម្ងឺ10%កើតមានជម្ងឺគ្រុនក្តៅ ក្នុងវិស័យសុខាភិបាលអាចជួបប្រទះដូចជា ចុះកំដៅ ឡើងកំដៅ ឬគ្រុនក្តៅមិនទៀងទាត់-ល- មូលហេតុគឺអាចបណ្តាលមកពីការបញ្ចេញធាតុម៉្យាងដែលធ្វើឱ្យគ្រុនក្តៅជាមួយនឹងមហារីកខ្លួនឯង ឬមានការឆ្លងពីទឹកប្រមាត់។
ខាងលើនេះគឺជារោគសញ្ញាគ្រប់ដំណាក់កាលនីមួយៗដែលតែងតែជួបប្រទះ អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកបានរំលឹកដាស់តឿនអ្នកទាំងអស់គ្នាថា ៖ប្រសិនបើមានលេចចេញនូវរោគសញ្ញាប្រភេទណាមួយនោះ ពេលវេលាដំបូងគឺគួរតែទៅកាន់មន្ទីរពេទ្យជំនាញត្រឹមត្រូវតាមស្តង់ដាដើម្បីទទួលការពិនិត្យព្យាបាល។
