ជម្ងឺមហារីកសុដន់គឺជាដុំសាច់ប្រភេទកាចមួយដែលឧស្សាហ៍ជួបប្រទះនៅលើស្រ្តីភេទ ហើយអត្រាកើតជម្ងឺនេះមានការកើនឡើងជារៀងរាល់ឆ្នាំ។ យោងតាមស្ថិតិបង្ហាញថា អត្រាកើតមានជម្ងឺមហារីកសុដន់ឈានទៅដល់៧ទៅ១០ភាគរយក្នុងអត្រាអ្នកមានដុំសាច់ប្រភេទកាចទាំងអស់។ ជាពិសេសក្នុងចន្លោះអាយុពី៤០ដល់៦០ឆ្នាំ ស្រ្តីដែលមុននិងក្រោយអស់រដូវមានអត្រាអាចកើតជម្ងឺនេះកាន់តែខ្ពស់។
អ្នកឯកទេសនៃមនី្ទរពេទ្យកា្វងចូវទំនើបផ្នែកមហារីកបានបង្ហាញថា អ្នកជំងឺដែលបានធ្វើរោគវិនិច្ឆយឃើញថាមានជម្ងឺមហារីកសុដន់ភាគច្រើន គឺបានសិ្ថតក្នុងដំណាក់កាលកណ្តាលនិងចុងក្រោយ ក្នុងនោះមូលហេតុចំបងគឺមកពីស្រ្តីភាគច្រើនបានមើលរំលងអាការៈជម្ងឺមហារីកសុដន់ក្នុងដំណាក់កាលដំបូង ។ ដូច្នេះ តើជម្ងឺមហារីកសុដន់ដំណាក់កាលដំបូងមានអាការៈដូចមេ្តច? ខាងក្រោមនេះ អ្នកឯកទេសនឹងផ្តល់ព័ត៌មានលំអិត បកស្រាយជូនអ្នកទំាងអស់គ្នា។
១. ផ្នែកសុដន់មានភាពឈីចុកចាប់ ៖ អ្នកជំងឺមហារីកសុដន់ដំណាក់កាលដំបូងថ្វីត្បិតតែមិនអាចស្ទាបចំដុំសាច់ច្បាស់លាស់ ប៉ុនែ្តអាចនឹងមានអាការៈដូចជា សុដន់មានការឈឺសើរៗ ឈឺចុកចាប់ រឺហើមឡើង។ល។ ប្រសិនជាមានអាការៈដូចការណែនំាខាងលើនេះ យើងផ្តល់យោបល់អោយអ្នកទៅកាន់មន្ទីរពេទ្យដើម្បីអោយវេជ្ជបណ្ឌិតធ្វើការពិនិត្យដោយស្ទាប បើចាំបាច់ត្រូវតែធើ្វរោគវិនិច័្ឆយតាមការឆ្លុះអេកូបង្ហាញរូបភាព។
២. សុដន់ទំាងសងខាងមិនសមាមាត្រ ៖ ដោយសារមានដុំសាច់ឬដុំសាច់ភ្ជាប់នឹងសាច់ទ្រូង ធ្វើអោយទំហំនិងទ្រង់ទ្រាយរបស់សុដន់មានការប្រែប្រួល អ្នកចាំបាច់ត្រូវតែប្រយ័ត្ន ព្រមទាំងទទួលការពិនិត្យ។
៣. ក្បាលសុដន់ហៀរទឹករងៃ៖ លក្ខណៈចំបងគឺក្បាលសុដន់ហៀរទឹករងៃពណ៌ស ពណ៌លឿងថ្លា ពណ៌ឈាម ហើមឡើងនិងឡើងកន្ទួលជាដើម។
៤. កូនកណ្តុររីកធំ ៖ ភាគច្រើនអ្នកជម្ងឺមហារីកសុដន់ដំណាក់ដំបូងមានអាការៈកូនកណ្តុររីកធំនៅក្រោមក្លៀក។
៥. ភាពប្រែប្រួលនៃក្បាលសុដន់ ៖ នៅពេលដុំសាច់រាតត្បាតដល់ក្បាលសុដន់ឬផ្នែកខាងក្រោមនៃសុដន់ វាធ្វើអោយក្បាលសុដន់វៀចមួយចំហៀង និងមានភាពរួមចូលឬផតចូល។
៦. ដុំសាច់ក្នុងសុដន់ ៖ នៅពេលសង្កត់សុដន់អាចប៉ះត្រូវដុំសាច់ វាអាចជាគ្រាប់មួយៗ មានភាពមិនទៀងទាត់ ជាដុំរឹងដែលមានអាចចល័ត ជាធម្មតាមិនបង្ហាញចេញនូរការឈឺចាប់ទេ។ យើងខ្ញុំផ្តល់យោបល់អោយអ្នកទៅមន្ទីរពេទ្យដើម្បីធ្វើរោគវិនិច័្ឆយតាមរយៈការឆ្លុះអេកូ ដើម្បីវិនិច្ឆយពីទំហំ ទ្រង់ទ្រាយ លក្ខណៈនៃដុំសាច់។
៧.ស្បែកលើផ្ទៃសុដន់មានភាពប្រែប្រួល៖ ស្បែកលើផ្ទៃសុដន់មានពណ៌ដូចសំបកក្រូច ហើមឡើង ព្រមទាំងនៅរន្ធរោមស្តែងចេញនូវភាពផតចូលក្នុង។ ផ្ទៃសុដន់មានលក្ខណៈផតចុះនិងប៉ោងឡើងមិនស្មើ ដូចសំបកក្រូច។
អ្នកឯកទេសនៃមន្ទីរពេទ្យកា្វងចូវទំនើបផ្នែកមហារីកផ្តល់យោបល់ដល់ស្រ្តីទាំងឡាយ៖ ប្រសិនជាមានអាការៈណាមួយស្តែងចេញដូចបានរៀបរាប់ខាងលើ ត្រូវប្រញប់មកកាន់មន្ទីរពេទ្យដើម្បីធ្វើរោគវិនិច្ឆ័យសុដន់អោយបានល្អិតល្អន់។ ស្របពេលនេះដែរ ក្នុងការរស់នៅប្រចាំថ្ងៃ ស្រ្តីខ្លួនឯងក៏អាចពិនិត្យមើលការប្រែប្រួលទ្រង់ទ្រាយរបស់សុដន់ដោយខ្លួនឯងបាន។
