មហារីកប្លោកនោមគឺជាមហារីកប្រភេទកាចដែលសំដៅកើតឡើងនៅភ្នាសប្លោកនោម គឺជាមហារីកប្រភេទកាចដែលតែងតែជួបប្រទះច្រើនជាងគេនៃប្រព័ន្ធទឹកនោម ជារៀងរាល់ឆ្នាំនៅលើពិភពលោកមានមនុស្សប្រហែល15ម៉ឺននាក់បានស្លាប់ដោយសារមហារីកប្លោកនោម ក្នុងនោះអត្រាកើតមានជម្ងឺចំពោះមនុស្សប្រុសគឺមានចំនួន 3ដល់4ដងនៃមនុស្សស្រី ភាគច្រើនកើតមានចន្លោះអាយុពី40ឆ្នាំទៅ70ឆ្នាំ។ ការនោមឈាមដែលមិនមានការឈឺចាប់គឺជារោគសញ្ញាមហារីកប្លោកនោមសំខាន់បំផុតដែលឧស្សាហ៍ជួបប្រទះច្រើនជាងគេ មានអ្នកជម្ងឺមហារីកប្លោកនោមស្ទើរតែទាំងអស់គ្នាសុទ្ធតែលេចចេញនូវអាការៈដូចនេះ។ ប្រសិនបើអាចចាប់ឱ្យជាប់នូវរោគសញ្ញានេះ ប្រញាប់ធ្វើការពិនិត្យឱ្យបានទាន់ពេលវេលាគឺអាចនៅពេលដែលជួបប្រទះជម្ងឺមហារីកប្លោកនោមភ្លាម ធ្វើរោគវិនិច្ឆ័យភា្លម និងធ្វើការព្យាបាលភ្លាម។
1. ការនោមឈាម ៖ ការនោមឈាមគឺបណ្តាលមកពីកើតដុំគីសដំបៅរលួយចេញឈាម កំរិតនៃការចេញឈាមជួនច្រើនជួនតិច ពេលដែលចេញឈាមច្រើនអាចមើលដោយភ្នែកទទេបាន ពេលដែលចេញឈាមតិចមានតែមើលក្រោមអតិសុខុមទស្សន៍ទើបអាចមើលឃើញកោសិកាក្រហមៗនៅក្នុងទឹកនោមបាន។
ការនោមឈាមនៃមហារីកប្លោកនោមមានចំនុចពិសេសៗពីរយ៉ាងគឺ ៖ ចំនុចទីមួយគឺមិនមានការឈឺចាប់ ពេលដែលជួបប្រទះការនោមឈាមភ្លាម អ្នកជម្ងឺមិនមានការឈឺចាប់ និង មានអាការៈមិនស័ក្តិសមណាមួយឡើយ ក្នុងផ្នែកវេជ្ជសាស្ត្រប្រសិទ្ធនាមថា ការនោមឈាមដោយមិនមានការឈឺចាប់។ ចំនុចទីពីរគឺបញ្ហាមានឈប់ៗ គឺលេចចេញនូវការនោមឈាមមានឈប់ៗ ពេលខ្លះអាចបញ្ឈប់ឬបន្ធូរបន្ថយ ការនោមឈាមពីរដងអាចមានរយៈពេលពីពីរបីថ្ងៃ ឬពីរបីខែ អាចនឹងកន្លះឆ្នាំក៏មាន។
2. អាការៈក្រហាយប្លោកនោម ៖ ដុំមហារីកកើតឡើងនៅតំបន់បីជ្រុងនៃប្លោកនោម ទំហំនៃជម្ងឺរីកធំ ឬ ពេលខ្លះឆ្លងអាចនឹងក្រហាយដល់ប្លោកនោម លេចចេញនូវបាតុភាពនោមញឹកញាប់ និង នោមជាបន្ទាន់។
3. អាការៈនៃឧបសគ្គផ្លូវទឹកនោម ៖ ដុំមហារីកកាន់តែធំ ដុំមហារីកនៅកន្លែងប្លោកនោម និង ឈាមរាំងស្ទះអាចបណ្តាលពិបាកនោម ឬក៏ស្ទះនោម។ ដុំមហារីកជ្រៀតចូលរន្ធនោមអាចមានឧបសគ្គក្នុងការបត់ជើងតូច ហើយក៏លេចចេញនូវអាការៈឈឺចង្កេះ រោគតំរងទឹកនោមហើម និង បំផ្លាញដល់មុខងារតំរងនោម។
4. អាការៈបញ្ជាក់ពីការរាលដាលរបស់ជម្ងឺមហារីក ៖ នៅពេលដែលជម្ងឺមហារីកដំណាក់កាលចុងក្រោយបានរីករាលដាលទៅដល់ប្លោកនោម សរីរាង្គនានា ឬក៏កូនកណ្តុរនៃពោះផ្នែកខាងក្រោម ពេលនោះវាបណ្តាលឱ្យឈឺនៅបរិវេណប្លោកនោម ផ្លូវទឹកនោមធ្លាយចូលទៅក្នុងយោនី និង ហើមអវៈយវៈខាងក្រោម-ល-។ ប្រសិនបើរាលដាលទៅដល់សរីរាង្គដែលស្ថិតនៅទីតាំងឆ្ងាយពីវា ពេលនោះវានឹងធ្វើឱ្យមុខងាររបស់សរីរាង្គនោះមានភាពខុសប្រក្រតី ឈឺឆ្អឹង និងអាការៈផ្សេងៗទៀត។
ខាងលើនេះជារោគសញ្ញាមហារីកប្លោកនោមដែលតែងតែជួបប្រទះ អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកបានរំលឹកលោកអ្នកថា ៖ ប្រសិនបើមានលេចចេញនូវរោគសញ្ញាមហារីកប្លោកនោមប្រភេទណាមួយ ពេលវេលាដំបូងបំផុតគួរតែទៅទទួលការពិនិត្យនៅមន្ទីរពេទ្យជំនាញដែលត្រឹមត្រូវតាមស្តង់ដា។
