មហារីកបំពង់បង្ហូរទឹកប្រមាត់ជាមហារីកកាចដែលមានប្រភពពីទងប្រម៉ាត់ រួមមានមាត់ថ្លើមទៅចុងទងប្រម៉ាត់។ ជាង១ទសវត្សកន្លងមកនេះ អត្រាកើតជម្ងឺមហារីកបំពង់បង្ហូរទឹកប្រមាត់បានកើនឡើង មានតំបន់ខ្លះអត្រាកើតមហារីកនេះបានកើនឡើងទ្វេរដង។ មហារីកបំពង់បង្ហូរទឹកប្រមាត់មានកម្រិតកាចខ្លាំង រោគសញ្ញាចំបងគឺមិនស្រួលក្នុងពោះ ឆ្អល់ពោះ ខ្លួនប្រាណឡើងលឿង។ ខាងក្រោមនេះនឹងណែនាំលំអិតអំពីរោគសញ្ញាមហារីកបំពង់បង្ហូរទឹកប្រមាត់ ៖
1.ខ្លួនប្រាណឡើងលឿង ៖ អ្នកជម្ងឺមហារីកបំពង់បង្ហូរទឹកប្រមាត់ដំណាក់កាលដំបូងមានសញ្ញាណមិនច្បាស់លាស់ អ្នកជម្ងឺមួយចំនួនធំមកពិនិត្យព្យាបាលដោយខ្លួនប្រាណឡើងលឿង វាជារោគសញ្ញាដែលសំខាន់និងដំបូងបំផុតរបស់មហារីកបំពង់បង្ហូរទឹកប្រមាត់ ប្រហែល៩០%ទៅ៩៨%នៃអ្នកជម្ងឺមហារីកបំពង់បង្ហូរទឹកប្រមាត់មានអាការៈស្បែកខ្លួនប្រាណឡើងលឿងក្នុងកម្រិតផ្សេងគ្នា។ លក្ខណៈពិសេសគឺកាន់តែធ្ងន់កាន់តែលឿងខ្លាំង ហើយមិនមានការឈឺចាប់ អ្នកជម្ងឺភាគតិចដែលមានអាការៈឡើងលឿងជាអន្លើរៗ។ មហារីកបំពង់បង្ហូរទឹកប្រមាត់ខាងលើចេញអាការៈឡើងលឿងបានលឿន ឯមហារីកទងប្រម៉ាត់កណ្តាលឬខាងក្រោមដោយសារមានថង់ប្រម៉ាត់សម្រួលនោះរោគសញ្ញានេះចេញយឺត។
2.ចុកពោះ ៖ អ្នកជម្ងឺប្រមាណពាក់កណ្តាលមានអាការៈចុកហើមឬមិនស្រួលខាងស្តាំលើពោះ ទម្ងន់ស្រកចុះ មិនឃ្លានអាហារ។ល។ រោគសញ្ញទាំងនេះត្រូវបានចាត់ជារោគសញ្ញាដំណាក់កាលដំបូងនៃមហារីកបំពង់បង្ហូរទឹកប្រមាត់ ។ តាមការអង្កេត មហារីកបំពង់បង្ហូរទឹកប្រមាត់កើតមានត្រឹម៣ខែនិងចេញរោគសញ្ញាចុកពោះ។
3.រមាស់ស្បែក ៖ រមាស់ស្បែកដោយមូលហេតុក្នុងឈាមមានបរិមាណទឹកប្រម៉ាត់កើនឡើង រំញោចដល់សរសៃប្រសាទស្បែក វាអាចកើតមានមុនឬក្រោយខ្លួនប្រាណឡើងលឿង ក៍មានរោគសញ្ញាបន្ថែមដូចជាបេះដូងលោតញាប់ពេក ឈាមហូរលំអៀង ស្មារតីទ្រុឌទ្រោម អស់កម្លាំងឬហើមពោះ។ល។
4.ផ្សេងៗ ៖ អ្នកជម្ងឺមហារីកបំពង់បង្ហូរទឹកប្រមាត់ក្រៅពីមានអាការៈខ្លួនប្រាណឡើងលឿងនិងចុកពោះ នៅមានអាការៈឆ្អល់ពោះ ក្អួតចង្អោរ ចុះស្គម ទឹកនោមពណ៍លឿងខ្លាំងដូចទឹកសៀងឬតែចាស់ លាមកពណ៍លឿងខ្ចីឬដូចពណ៍ដី។ ដំណាក់កាលចុងក្រោយមហារីកបែកខ្ញែក អាចមានចេញឈាមតាមប្រម៉ាត់ លាមកពណ៍ខ្មៅឬលាយឈាមពិសោធន៍ជាវិជ្ជមាន ធ្ងន់ធ្ងរអាចមានអាការៈខ្វះឈាម។ បើរាលដាលដល់ថ្លើមអាចធ្វើអោយថ្លើមរីកហើមធំ ក្រិនថ្លើម។ល។
