ក្រពេញប្រូស្តាតគឺជាសរីរាង្គដ៏សំខាន់មួយរបស់បុរស វាក៏ជាសរីរាង្គមួយដ៏សំខាន់នៃប្រព័ន្ធទឹកនោម និង ប្រព័ន្ធតំណពូជរបស់បុរស ចំណែកឯមហារីកក្រពេញប្រូស្តាតក៏ជាជម្ងឺមួយដែលឧស្សាហ៍ជួបប្រទះ ឧស្សាហ៍កើតមានទៅលើបុរស វាធ្វើអោយប៉ះពាល់យ៉ាងធ្ងន់ធ្ងរចំពោះសុខភាពផ្លូវចិត្តនិងរូបកាយរបស់បុរស។ អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកនឹងប្រាប់លោកអ្នកថាតើកត្តាអ្វីខ្លះដែលអាចបណ្តាលអោយកើតមានជម្ងឺមហារីកក្រពេញប្រូស្តាត?
កត្តាហានិភ័យដាច់ខាត
1.អាយុ
អាយុគឺជាកតា្តហានិភ័យមួយដ៏សំខាន់នៃជំងឺមហារីកក្រពេញប្រូសា្តត។ បុរសដែលមានអាយុក្រោម៤៥ឆ្នំាមិនសូវប្រឈរមុខនឹងជំងឺមហារីកក្រពេញប្រូសា្តតនោះទេ។ ប៉ុន្តែដោយសារអាយុមានការកើនឡើង អត្រាការកើតមានជម្ងឺមហារីកក្រពេញប្រូស្តាតក៏មានការកើនឡើងយ៉ាងខ្ពស់ផងដែរ ភាគច្រើនកើតនៅលើបុរសដែលមានអាយុលើសពី៦៥ឆ្នាំ។
2.តំណពូជ
នៅពេលដែលយើងមានសាច់ញាតិជាបុរសក្នុងក្រុមគ្រួសារដែលកើតជំងឺមហារីកក្រពេញប្រូសា្តត នោះអត្រានៃការកើតមានជម្ងឺទៅលើបុរសក្នុងក្រុមគ្រួសារមានអត្រាកើតមានជម្ងឺខ្ពស់។ បើសិនជាយើងមានសាច់ញាតិមា្នក់កើតមានជំងឺមហារីកក្រពេញប្រូស្តាត នោះអត្រានៃការកើតជំងឺនេះគឺខ្ពស់ជាងក្រុមមនុស្សធម្មតាចំនួន១ដង។ បើសិនមាន២នាក់ នឹងអាចខ្ពស់ដល់ទៅ៣ដង។
3.ពូជសាសន៍
អត្រាដែលអាចកើតជំងឺមហារីកក្រពេញប្រូស្តាតខ្ពស់ជាងគេគឺជនជាតិអាហ្វ្រិកសញ្ជាតិអាមេរិច(ជនជាតិអាមេរិចស្បែកខ្មៅ) បន្ទាប់មកគឺជនជាតិអេស្ប៉ាញនិងជនជាតិអាមេរិកស្បែកស។ ចំណែកអត្រានៃការកើតមានជម្ងឺមហារីកក្រពេញប្រូស្តាតរបស់ជនជាតិអាហ្វ្រិចស្បែកខ្មៅគឺមានចំនួនទាបបំផុតនៅទូទាំងពិភពលោក។
ការផ្លាស់ប្តូររោគសាស្ត្រលេចឡើងកោសិកាមិនប្រក្រតីនៅក្នុងក្រពេញប្រូស្តាត
បុរសដែលកើតមានជម្ងឺមហារីកក្រពេញប្រូស្តាតកើតមានដុំសាច់នៅលើស្បែកកម្រិតខ្ពស់ នោះអត្រានៃការកើតមានជម្ងឺមហារីកក្រពេញប្រូស្តាតមានការលេចឡើងយ៉ាងខ្ពស់។
កត្តាហានិភ័យដែលទាក់ទង
1.ចំណីអាហារ
ការស្រាវជ្រាវមួយចំនូនបានបងា្ហញថា បុរសដែលទទួលទានអាហារដែលមានជាតិខា្លញ់ខ្ពស់ចេញពីសាច់សត្វក៏ជាក្រុមមនុស្សដែលងាយកើតជំងឺមហារីកក្រពេញប្រូសា្តតដែរ។ ពីព្រោះក្នុងចំណីអាហារទាំងនេះមានជាតិអាស៊ីត និង ខ្លាញ់ច្រើន។ លទ្ធផលស្រាវជ្រាវពី៣២ប្រទេសបានប្រទះឃើញថា អត្រានៃការស្លាប់ដោយសារជម្ងឺមហារីកក្រពេញប្រូស្តាតគឺមានការជាប់ទាក់ទងនឹងកម្រិតជាតិខ្លាញ់ដែលចូលខ្លួន ចំណែកមនុស្សដែលឧស្សាហ៍ញ៉ាំចំណីអាហារដែលមានបន្លែនិងផ្លែឈើគឺមានអត្រាកើតមានជម្ងឺទាបបំផុត។
2.កម្រិតអ័រម៉ូន
កម្រិតអ័រម៉ូនក្នុងរាងកាយច្រើនក៏ជាមូលហេតុមួយក្នុងចំណោមមូលហេតុនៃការបង្កឲ្យកើតជំងឺមហារីកក្រពេញប្រូស្តាត អ័រម៉ូនអាចជម្រុញការលូតលាស់នៃជម្ងឺមហារីកក្រពេញប្រូស្តាត។
