មហារីកក្រពេញប្រូស្តាតគឺជាជម្ងឺមហារីកប្រភេទកាចដែលតែងតែកើតមានចំពោះបុរសភេទ ហើយអាចធ្វើអោយជីវភាពនិងសុខភាពរបស់អ្នកជម្ងឺនាំមកផលប៉ះពាល់យ៉ាងធំធេង។ មូលហេតុដែលបង្កឲ្យមានការស្លាប់ដោយសារជម្ងឺមហារីកនេះនេះ ភាគច្រើនមកពីមហារីកសួត។ តាមការស្រាវជ្រាវបង្ហាញថា មហារីកក្រពេញប្រូស្តាតកើតឡើងមានការជាប់ទាក់ទងនឹងទំលាប់ជីវភាពប្រចាំថ្ងៃ ដូច្នេះការថែទាំអោយមានសុខភាពល្អ ទំលាប់នៃការរស់នៅស្អាត អាចនាំអោយយើងជៀសវាងពីមហារីកក្រពេញប្រូស្តាត។

សំរាកឲ្យបានច្រើន

តាមផ្នែកវេជ្ជសាស្រ្តបានបងា្ហញថា ភាពតានតឹងក្នុងជីវិតអាចនឹងបង្កើនឱកាសនៃការរីកធំក្រពេញប្រូស្តាត នៅពេលដែលមិនសូវមានភាពតានតឹងក្នុងជីវិត រោគសញ្ញាក្រពេញប្រូស្តាតនឹងអាចធូរស្រាល ដូច្នេះយើងត្រូវតែសំរាកឲ្យបានច្រើន។

ការងូតទឹកក្តៅ

ការងូតទឹកក្តៅអាចបន្ធូរបន្ថយភាពតានតឹងសាច់ដុំនិងក្រពេញប្រូស្តាត បើសិនយើងអាចងូតទឹកក្តៅ១-២ដងក្នុង១ថៃ្ង ក៏អាចជួយឲ្យយើងទទួលបានលទ្ធផលល្អ។

ការហាត់ប្រាណ

ការហាត់ប្រាណ ជាពិសេសការហាត់ប្រាណនៅខាងក្រៅ មិនត្រឹមតែអាចជួយបន្ធូរអារម្មណ៍ ហើយថែមទាំងអាចធ្វើឲ្យយើងមានភាពសប្បាយផងដែរ។ ការលេងកីទ្បាអាចជួយពង្រឹងរាងកាយហើយក៏ជួយពង្រឹងប្រព័ន្ធការពាររាងកាយ ជួយកែលំអឲ្យឈាមរត់ក្នុងក្រពេញប្រូស្តាតមានតំណើការល្អ។ សើ្នសុំអោយអនុវត្ត ៦ ដងក្នុងមួយសប្តាហ៍ រៀងរាល់ ៣០ នាទីម្តង។

កុំពិសារបារីឬស្រា

ការពិសារឬស្រាបារីជាកតា្តសំខាន់ដែលបង្កឲ្យកើតជំងឺមហារីក ដូច្នេះបើចង់ឃ្លាតឆ្ងាយពីជំងឺមហារីកក្រពេញប្រូស្តាត ត្រូវតែជៀសឲ្យឆ្ងាយពីបារីឬស្រា។

ការរក្សាទម្ងន់

លទ្ធផលការស្រាវជ្រាវបានបងា្ហញថា អ្នកជំងឺដែលស្រកទម្ងន់បានចាប់ពី៥គីទ្បូទ្បើងមានអត្រានៃមហារីកក្រពេញប្រូស្តាតទាបជាង៤២%បើធៀបនឹងដែលមិនស្រកទម្ងន់។ អ្នកជំងឺកើតមហារីកក្រពេញប្រូស្តាតដែលធាត់មានហានិភ័យជាងអ្នកជំងឺដែលស្រកទម្ងន់បានចាប់ពី៥គីទ្បូរហូតដល់ទៅ៧ដង។ ដូច្នេះពួកយើងត្រូវតែរក្សាទម្ងន់អោយសមសួន កុំអោយលើសទម្ងន់ពេក។

ពិសារទឹកឲ្យបានច្រើន

បើសិនជារាងកាយយើងខ្វះជាតិទឹក ការរំលាយអាហារដំណើរការយឺត បំពង់បង្ហូរទឹកនោមមានលក្ខណៈមិនប្រក្រតី ងាយនឹងកើតមានការរលាកផ្លូវនោម និងបង្កើនអត្រានៃការកើតជម្ងឺមហារីកក្រពេញប្រូស្តាតទៀតផង។ ដូច្នេះ បុរសគួរពិសារទឹកឲ្យបានច្រើនដើម្បីអោយសារធាតុដែលអាក្រក់ក្នុងរាងកាយចេញមកក្រៅខ្លួន និង ដើម្បីជៀសវាងកុំឱ្យបាក់តេរីជំរុញអោយកើតមានមហារីកក្រពេញប្រូស្តាត។

ជៀសវាងការអង្គុយយូរ

ការអង្គុយតែមួយភ្លែត ឬអង្គុយយូរម្តងម្កាលមិនមានផលប៉ះពាល់ដល់សុខភាពទេ តែដោយសារមូលហេតុការងារយើងចាំបាច់ត្រូវអង្គុយយូរ វាអាចងាយនឹងមានប៉ះពាល់ដល់សុខភាពក្រពេញប្រូស្តាត។ ពីព្រោះការអង្គុយយូរអាចធ្វើអោយកកស្ទះផ្នែកក្រពេញប្រូស្តាត ងាយស្រួលនឹងធ្វើអោយកើតមានជម្ងឺក្រពេញប្រូស្តាត។

កំនត់ពេលត្រួតពិនិត្យសុខភាព

អ្នកជំនាញបានណែនាំថា បុរសមានអាយុចាប់ពី៥០ឆំា្នទ្បើងទៅ គួរតែទៅត្រួតពិនិត្យសុខភាពពោះវៀនធំ និង សារធាតុបង្កើតភាពសុំាំក្នុងរាងកាយនៃក្រពេញប្រូស្តាតនៅមន្ទីរពេទ្យជារៀងរាល់ឆ្នាំ។ ប្រសិនបើគ្រួសារដែលមានប្រវតិ្តកើតជំងឺមហារីកក្រពេញប្រូស្តាត អ្នកគួរធើ្វការត្រួតពិនិត្យសុខភាពចាប់ពីអាយុ៤០ធំា្នទ្បើងទៅ។