មហារីកផ្លូវអាហារក៏ហៅថាមហារីកបំពង់អាហារ គឺដុំសាច់ប្រភេទកាចដែលកើតនៅលើសរិរាង្គស្បែកលើនៃបំពង់អាហារ។ ការកើតមហារីកបំពង់អាហារមានទំនាក់ទំនងនឹងការប៉ះពាល់សារធាតុនីត្រូសាមីណាអស់រយៈពេលយូរ ការបរិភោគអាហារក្តៅរលាកជ្រុល ខ្វះសារធាតុតិចតួចនៅក្នុងអាហារ និង បន្លែ។ ជាមួយគ្នានោះការស្រាវជ្រាវកាន់តែច្រើនបង្ហាញថា ការបរិភោគអាហារក្តៅខ្លាំង មានទំនាក់ទំនងយ៉ាងល្អិតរមួតជាមួយការកើតនៃមហារីកបំពង់អាហារ។

ដោយសារតែភ្នាសបំពង់អាហារ កើតចេញពីស្រទាប់ស្អិតមានលក្ខណៈទន់ស្តើង អាចទ្រាំទ្រកម្តៅ ៥០ទៅ៦០អង្សារប៉ុណ្ណោះ បើហួសពីកម្តៅនេះ ភ្នាសនៃបំពង់អាហាររលាក។ ប្រសិនបើតែងតែបរិភោគអាហារដែលក្តៅជ្រុលដូចជា ស៊ុបឆ្នាំងដី ស៊ុបមានជាតិហិលខ្លាំង-ល- នឹងអាចធ្វើអោយ មាត់ បំពង់អាហារ ស្រទាប់ក្នុងក្រពះ-ល- ផ្នែកទាំងនេះត្រូវរបួសយ៉ាងធ្ងន់ធ្ងរ នៅពេលដែលស្រទាប់ដែលត្រូវរបួសមិនទាន់សះស្បើយក៏ត្រូវរលាកម្តងទៀត ជាច្រើនលើកច្រើនសារអាចបង្កជាដំបៅរលួយ ធ្វើអោយកា្លយជាជម្ងឺដូចជា ៖ រលាកស្រទាប់មាត់រ៉ាំរ៉ៃ ច្រាំងស្រទាប់ក្នុងមាត់ រលាកបំពង់អាហារ រលាកក្រពះបែបរួញតូច-ល-។ ប្រសិនបើមានសភាពបែបនេះយូរៗទៅ នឹងអាចបង្កអោយសាច់នៃស្រទាប់ស្បែកប្រែប្រួល ហើយកា្លយជាមហារីក។

ជាកាពិតណាស់ បច្ចុប្បន្នក្នុងវិទ្យាពេទ្យបានបង្ហាញថា សារធាតុគីមីប្រភេទនីត្រូសារមីនឺ នៅក្នុងនោះមានសារធាតុធ្វើអោយកើតជាមហារីកយ៉ាងខ្លាំង។ តំបន់មហារីកបំពង់អាហារដែលកើតច្រើនជាងគេតែងតែកើតមនុស្សដែលចូលចិត្តបរិភោគអាហារដែលមានអំបិលផ្ទុកសារធាតុនីត្រូសារមីនឺដូចជា៖ គ្រឿងប្រលាក់ផ្អាប់ ចំហុយ ត្រាំទុក-ល- ។

ដូចនេះ អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកបានដាស់តឿនថា ៖ ត្រូវជៀសអោយឆ្ងាយពីជម្ងឺមហារីកបំពង់អាហារ គ្រប់គ្រងមាត់ខ្លួនឯងអោយបានល្អជាវិធីការពារល្អបំផុត។ ដូចនេះ ប្រជាជនទាំងអស់ត្រូវកែប្រែទំលាប់អាហារមិនល្អរបស់ខ្លួន តមស្រាផ្តាច់បារី មិនបរិភោគអាហារក្តៅខ្លាំងពេក កាត់បន្ថយការបរិភោគអាហារមានរសជាតិខ្លាំង កុំសូវបរិភោគស្ពៃជ្រួក អាហារដែលដុះផ្សិត។ ត្រូវបរិភោគបន្លែផ្លែឈើស្រស់ៗ បង្កើនសារធាតុចិញ្ចឹមក្នុងសារពាង្គកាយ វីតាមីនA វីតាមីនC វីតាមីនE សារធាតុកង់នេតាល់រឹស អាស៊ីតហ្វលីក-ល-។

ការពិសោធន៍ផ្ទាល់បង្ហាញថា ប្រៀបនឹងមហារីកផ្សេងទៀត មហារីកបំពង់អាហារដំណាក់កាលដំបូងមានប្រសិទ្ធភាពព្យាបាលល្អជាង បើដំណាក់កាលចុងក្រោយនោះមិនសូវល្អឡើយ។ ដូចនេះ ចំពោះក្រុមមនុស្សដែលមានអត្រាគ្រោះថ្នាក់ដូចជា ៖ អ្នកជក់បារីអស់រយៈពេលយូរ ញៀនស្រា ឬ រលាកបំពង់អាហាររ៉ាំរ៉ៃហើយមានការរីកធំធាត់មិនប្រក្រតី (ជាពិសេសគឺការរីកធំធាត់មិនប្រក្រតីមានភាពធ្ងន់ធ្ងរ) នៅពេលកើតមានសភាព ពិបាកលេបអាហារ អួលអាហារ ឬ មានអារម្មណ៍ណែនដើមទ្រូងតិចតួច នៅពេលលេបអាហារមានអារម្មណ៍ឈឺចាប់ នៅក្នុងបំពង់អាហារមានវត្ថុចំលែក -ល- នៅពេលមានអាការៈបែបនេះត្រូវប្រុងប្រយ័ត្នថានឹងអាចកើតមហារីកបំពង់អាហារ។