ក្នុងការរស់នៅប្រចាំថ្ងៃ មនុស្សជាច្រើនដើម្បីភាពងាយស្រួល ចូលចិត្តប្រើចង្កឹះប្រើរួចបោះចោលមកញ៉ាំអាហារ ប៉ុន្តែបើប្រើវាជាប្រចាំក៍អាចកើតមហារីកសួតផងដែរ។

បច្ចុប្បន្ននៅខ្វះខាតវិធីដែលអាចជម្រុញអោយពិនិត្យនិងវិនិច្ឆ័យឃើញរោគសញ្ញាមហារីកក្នុងដំណាក់កាលដំបូង អ្នកជម្ងឺភាគច្រើនពេលពិនិត្យឃើញគឺជាដំណាក់កាលចុងក្រោយទៅហើយ។ ការដោះស្រាយបញ្ហាដើម្បីរកឃើញជម្ងឺមហារីកសួតក្នុងដំណាក់កាលដំបូងនិងព្យាបាលអោយបានក្នុងដំណាក់កាលដំបូង នៅតែជាការងារមួយដែលពិបាកនិងត្រូវការពេលយូរអង្វែង។ អាចនិយាយបានថា មហារីកសួតជាឃាតករទី១ក្នុងការស្លាប់ដោយជម្ងឺមហារីកនាពេលបច្ចុប្បន្ន កត្តាដែលធ្វើអោយមហារីកសួតកើតឡើងខ្ពស់គឺខ្លួនប្រាណមនុស្សជាអ្នកបង្កដោយខ្លួនឯង បីដូចមនុស្សបង្កើតចង្កឹះប្រើរួចបោះចោលដែលបណ្តាលអោយកើតមហារីកសួត។

ចង្កឹះប្រើរួចបោះចោលដែលត្រឹមត្រូវតាមស្តង់ដាគឺវត្ថុធាតុដើមធ្វើពីឈើប្រភេទល្អ មិនចាំបាច់ធ្វើការកែច្នៃបន្ថែមពិសេសឡើយ។ ប៉ុន្តែចង្កឹះភាគច្រើនពេលផលិតត្រូវឆ្លងកាត់ការជ្រលក់ថ្នាំអោយស ជាទូទៅមានបីប្រភេទ ជ្រលក់សដោយប្រើស្ពាន់ធ័រឌីអុកស៊ីត ប៉េរ៉ូស៊ីតឬកាល់ស្យូម(សូដ្យូម)ជាតិក្លរតិច។ ក្រោយជ្រលក់សរួច ត្រូវការទឹកក្នុងបរិមាណខ្ពស់ដើម្បីស្ងោចំហុយឬស្រុះលាងវា ពីព្រោះក្នុងស្ពាន់ធ័រមានកាកសំណល់លោហធាតុដូចជាសំណរ និងបារត។ ការផលិតចង្កឹះប្រើរួចបោះចោលនេះមិនត្រឹមតែខ្ជះខ្ជាយទឹកសាបដ៏មានតម្លៃនោះទេ ទឹកកខ្វក់ក្រោយពេលជ្រលក់ថ្នាំរួចអាចបំពុលដល់បរិស្ថាន។ ទោះបីជាក្នុងភាពជាក់ស្តែង មានផលិតករមួយចំនួនធំបានធ្វេសប្រហែសមិនធ្វើការដាំទឹកក្តៅស្រុះលាងចង្កឹះទាំងនេះ កាត់បន្ថយការបញ្ចេញទឹកកខ្វក់ ប៉ុន្តែចង្កឹះនេះមានលោហធាតុហួសកម្រិតធ្ងន់ធ្ងរក៏អាចប៉ះពាល់ផ្ទាល់ទៅអ្នកប្រើប្រាស់។ ស្ពាន់ធ័រឌីអុកស៊ីតតាមចរន្តធាតុអាកាសងាយស្រួលស្រូបចូលប្រព័ន្ធដកដង្ហើម បណ្តាលអោយមានជម្ងឺក្អក ដង្ហក់។ល។ ចុងក្រោយ ចង្កឹះដែលត្រូវបានបោះចោលជាមួយថង់ប្លាស្ទិកឬកញ្ចប់ក្រដាសក៏អាចក្លាយជាកាកសំណល់រឹងមានជាតិពុល បន្តបំពុលបរិស្ថាន។ ចង្កឹះប្រើរួចបោះចោលក្នុងពេលផលិតមិនអាចធ្វើបានដល់ថាគ្មានមេរោគនោះទេ ឯឈើនិងឬស្សីសុទ្ធតែមានជាតិទឹក ងាយស្រួលដុះផ្សិតណាស់។

ក្រៅពីនេះ ចង្កឹះប្រើរួចបោះចោលមានរយៈកាលប្រសិទ្ធភាពត្រឹមតែកន្លះឆ្នាំប៉ុណ្ណោះ អ្នកប្រើប្រាស់ទម្លាប់ប្រើចង្កឹះហួសកាលបរិច្ឆេទកំណត់ជាប្រចាំ មេរោគផ្សិតអាចចូលទៅក្នុងសួត ពីព្រោះមេរោគផ្សិតងាយស្រួលវិវត្តនៅក្នុងបរិយាកាសសំនើម នេះគឺងាយស្រួលបណ្តាលអោយអ្នកប្រើប្រាស់កើតជម្ងឺសួត ដូចជារបេងសួត ឬមហារីកសួត។

វេជ្ជបណ្ឌិតនៃមន្ទីរពេទ្យក្វាងចូវទំនើបផ្នែកមហារីកសូមក្រើនរំលឹកអ្នកថា បើអ្នកចាំបាច់ត្រូវប្រើចង្កឹះប្រើរួចបោះចោល មុនពេលប្រើត្រូវស្រុះនឹងទឹកក្តៅ ដូចនេះអាចជម្រះធូលីនៅលើផ្ទៃរបស់វា សម្លាប់មេរោគខ្លះ កាត់បន្ថយសារធាតុគីមីបំពុលដែលសេសសល់លើផ្ទៃតួចង្កឹះ។