យើងបានដឹងទាំងអស់គ្នាថា អាវទ្រនាប់ជាសំភារៈប្រើប្រាស់ក្នុងជីវភាពប្រចាំរបស់ស្រី្ត នៅពេលដែលបង្ហាញពីលក្ខណៈស្រស់ស្អាតរបស់ស្រី្ត អាវទ្រនាប់អាចបង្កើនកំរិតនៃភាពទាក់ទាញ។ ប៉ុន្តែតើអ្នកដឹងទេថា ប្រសិនបើពាក់ទ្រនាប់ជាប់អស់រយៈពេលយូរក៏អាចធ្វើអោយកើតជម្ងឺលើសុដន់ដែរ ហើយអាចឈានដល់មហារីកសុដន់ទៀតផង។

ការកើតជម្ងឺមហារីកសុដន់អាចមានទំនាក់ទំនងនឹងកត្តាខ្លះដូចជា ៖ ពូជសាសន៍ តំណពូជ រដូវ ការបំបៅដោះកូន របបអាហារ-ល-។ ប៉ុន្តែនៅថ្មីៗនេះឆ្លងកាត់ការស្រាវជ្រាវបង្ហាញថា ការកើតថជម្ងឺមហារីកសុដន់ក៏មានទាក់ទងនឹងការពាក់អាវទ្រនាប់ដែលមិនសមរម្យដូចជា ៖ អ្នកដែលពាក់ទ្រនាប់ជាប់លើសពី១២ម៉ោងក្នុងមួយថ្ងៃមានអត្រាកើតជម្ងឺមហារីកសុដន់ច្រើនជាងអ្នកដែលពាក់ក្រោម១២ម៉ោង ប្រៀបជាមួយអ្នកដែលមិនពាក់សោះគឺមានអត្រាច្រើនជាងរាប់រយដង។ មូលហេតុមកពីការពាក់អាវទ្រនាប់អស់រយៈពេលវែងអាចរឹតសង្កត់ដើមទ្រូង ធ្វើអោយដំណើរនៃកូនកណ្តុរមានការរំាងស្ទាក់ បណ្តាលអោយសារធាតុដែលអាចបង្កជាមហារីកមិនអាចបញ្ចេញមកក្រៅទាន់ពេលវេលា។

ដូចនេះ អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកឱ្យយោបល់ថា ៖ ស្រ្តីភេទយល់ល្អកុំសូវពាក់អាវទ្រនាប់ ប្រសិនបើពាក់កុំអោយលើសពី១២ម៉ោង។ ពេលនៅផ្ទះ ពេលសំរាក ពេលចូលដំនេកគួរតែដោះចោល។ អាវទ្រនាប់គូរតែមានរាងធំកុំអោយតឹងពេក សាច់ក្រណាត់គួរតែជាក្រណាត់ធម្មជាតិ កុំយកសារធាតុសាច់ក្រណាត់ដែលមានជាតិគីមី។

មូលហេតុសំខាន់ដែលធ្វើឱ្យដើមទ្រូងឡើងហើម

តាមដែលដឹងថាជម្ងឺដើមទ្រូងឡើងហើមមួយភាគធំសុទ្ធតែបណ្តាលមកពីអាវទ្រនាប់ដែលមិនស័ក្តិសម។ ពីព្រោះនៅលើសុដន់មានបំនែងចែកសរសៃឈាម និង សរសៃប្រសាទកូនកណ្តុរយ៉ាងច្រើន ពួកវាមានប្រយោជន៍ដឹកនាំសារជាតិចិញ្ចឹម និង ប្រតិបត្តិការដំណើររំលាយអាហារ ប៉ុន្តែប្រសិនបើអាវទ្រនាប់តូចពេក ធ្វើអោយរង្វិលនៃដំណើរឈាម និង ការផ្គត់ផ្គង់អោយសុដន់មិនគ្រប់គ្រាន់ ធ្វើអោយខ្វះឈាម រមួលក្រពើ ទីបំផុតបង្កអោយជម្ងឺដើមទ្រូងឡើងហើម។

ជម្ងឺដើមទ្រូងឡើងហើមគឺបណ្តាលមកពីអាវទ្រនាប់ ប្រហែលស្រ្តីភាគច្រើននូវមិនអាចជឿបាន ប៉ុន្តែការពិត ធ្វើអោយអ្នកគ្មានពាក្យនិយាយ។

ការបង្កអោយមានជម្ងឺមហារីកសុដន់

ការស្រាវជ្រាវបញ្ជាក់ថា ៖ អ្នកដែលតែងតែចូលគេងដោយពាក់អាវទ្រនាប់ងាយនឹងបង្កជាមហារីកសុដន់។ ក្រុមអ្នកស្រាវជ្រាវបានធ្វើការសង្កេតលើស្រ្តីភេទចំនួន៤៧០០នាក់ក្នុងរយៈពេល២ឆ្នាំ ប្រទះឃើញ អ្នកដែលពាក់អាវទ្រនាប់លើសពី១២ម៉ោងក្នុងមួយថ្ងៃមានអត្រាកើតជម្ងឺមហារីកសុដន់ច្រើនជាងអ្នកដែលពាក់ក្រោម១២ម៉ោង ២១ដង ប្រសិនបើអ្នកដែលពាក់អាវទ្រនាប់នៅពេលគេងនោះមានអត្រាកើតជម្ងឺច្រើនជាងគេ១១៣ដង។ មានរបាយការណ៍ស្រាវជ្រាវថា ៖ មហារីកសុដន់កើនឡើងពីមួយឆ្នាំទៅមួយឆ្នាំគឺមានទំនាក់ទំនងនឹងអាវទ្រនាប់នេះឯង។

បន្ធូរការរឹបបន្តឹងដើមទ្រូង

ឆ្លងកាត់ការប្រមូលរបាយការណ៍សរុបឃើញថា ស្រ្តីមានអាយុពី២៥ទៅ៤៥ឆ្នាំ ក្នុងនោះ៤នាក់មាន១នាក់កើតជម្ងឺលើសុដន់ដោយគ្រាន់តែកំរិតធ្ងន់ស្រាលមិនដូចគ្នាប៉ុណ្ណោះ។ ធ្វើអោយគេកាន់តែភ័យខ្លាចនោះគឺអត្រាកើតជម្ងឺមហារីកសុដន់មានការកើនឡើងជាលំដាប់។ ក្នុងនោះអាវទ្រនាប់មានទោសធំជាងគេ ជាពិសេសមានការតាមដានឃើញថា ស្រ្តី៨០%ពាក់អាវទ្រនាប់មិនសមស្របហើយមិនដឹងខ្លួនទៀត។ ដូចនេះពួកយើងគួរតែផ្តល់ឱកាសអោយដើមទ្រូងមានភាពធូរស្រាលខ្លះហើយ។

ការជ្រើសរើសអាវទ្រនាប់ដែលស័ក្តិសម

ពួកយើងចង់អោយដើមទ្រូងមានសេរីភាព ព្រោះថាជាដំបូងយើងយកចិត្តទុកដាក់លើនោះគឺសុខភាព។ នៅពេលដែលជ្រើសរើសអាវទ្រនាប់គួរដឹងច្បាស់អំពីទំហំរបស់ខ្លួន កុំដោយសារតែចង់អោយដើមទ្រូងមានរូបរាងកាន់តែធំស្អាតហើយជ្រើសយកអាវដែលតូចជាងខ្លួន បែបនេះនៅក្រោមការរឹតបន្តឹងយូរទៅ កាន់តែងាយបង្កជាមហារីកសុដន់។ ការជ្រើសយកអាវទ្រនាប់សំខាន់បំផុតត្រូវមានផាសុខភាព។

អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកសូមដាស់តឿនថា ៖ ស្រ្តីទាំងអស់គួរស្រលាញ់ និង ថែរក្សាសុខភាពរបស់ខ្លួន។ ភាពស្រស់ស្អាតវាពិតជាសំខាន់ ប៉ុន្តែសុខភាពកាន់តែសំខាន់ទៅទៀត។