មនុស្សប្រុសមានអត្រាកើតជម្ងឺមហារីកសុដន់តិចណាស់ ចាត់ទុកជាជម្ងឺកំរ។ ប៉ុន្តែមើលតាមស្ថានភាពប៉ុន្មានឆ្នាំមកនេះ មនុស្សប្រុសដែលមានដើមទ្រូងធំធាត់ល្អមានការកើនឡើងរៀងរាល់ឆ្នាំ។ យោងតាមទិន្នន័យរបស់មន្ទីរពេទ្យក្វាងចូវទំនើបផ្នែកមហារីកបង្ហាញថា អត្រាកើតជម្ងឺមហារីកសុដន់របស់មនុស្សប្រុសឈានដល់០.២២%ក្នុងចំនោមមហារីកទាំងអស់ ថ្វីត្បិតតែអត្រាតិចតួច តែវាមានការកើនឡើងខ្លាំង បើប្រៀបធៀបនឹង២៥ឆ្នាំមកនេះបានកើនឡើង២៥%។

Estrogenកើនខ្លាំងបង្កជាមហារីកសុដន់លើបុរស

អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកនៅពេលសិក្សាពីអ្នកជម្ងឺមហារីកសុដន់ភេទប្រុសប្រទះឃើញថា បុរសជាច្រើនសុទ្ធតែមានប្រវត្តិប្រើប្រាស់ឱសថប្រភេទរាវ យើងអាចទាយដឹងថា នេះមានទាក់ទងនឹងបរិមាណសាធាតុEstrogenលើសចំនុះដែលនៅក្នុងឱសថប្រភេទរាវខ្លះ។ នៅពេលដែលមនុស្សប្រុសស្រូបយកសាធាតុEstrogenច្រើនហួស ធ្វើអោយដើមទ្រូងមាន “សកម្មភាព”នាំអោយដើមទ្រូងមានភាពធំធាត់។ នៅលើរាងកាយមនុស្សប្រុសក៏កើតមានលក្ខណៈពិសេសនៃរាងកាយនារី។ ដូចនេះ កំរិតសាធាតុEstrogenខ្ពស់ពេកជាកត្តាសំខាន់ដែលធ្វើអោយមនុស្សប្រុសកើតជម្ងឺមហារីកសុដន់។

មានការស្រាវជ្រាវផ្សេងទៀតបញ្ជាក់ថា នៅពេលដែលមនុស្សម្នាក់មានទំងន់លើសធម្មតា២០% កោសិកាខ្លាញ់ក្នុងរាងកាយនឹងបំលែងស្ពែម៉ាតូសូអ៊ីតទៅជាEstrogen។ ក៏អាចនិយាយបានថា នៅក្នុងរាងកាយមនុស្សប្រុសដែលធាត់ជ្រុលមានកំរិតEstrogenខ្ពស់ នេះក៏ជាឱកាសធ្វើអោយកើតមហារីកសុដន់ដែរ។

បុរសមានមហារីកសុដន់ មានគ្រោះថ្នាក់ជាងស្រ្តី

តាមទ្រឹស្តីគេនិយាយថា មូលហេតុផ្ទាល់ដែលធ្វើអោយកើតជម្ងឺមហារីកសុដន់គឺដោយសារនៅក្នុងដើមទ្រូងមានសរិរាង្គដុំសាច់មហារីកប្រភេទកាច។ បុរសក៏ដូចនារីដែរ ក៏មានសរិរាង្គដើមទ្រូង ដូចនេះក៏អាចកើតជម្ងឺមហារីកសុដន់ដែរ។ ក៏ប៉ុន្តែដោយសារទំរង់ទ្រង់ទ្រាយនៃរាងកាយមានលក្ខណៈខុសគ្នា ធ្វើអោយកំរិតអរម៉ូនមិនដូចគ្នា ដូចនេះអត្រាកើតជម្ងឺមហារីកសុដន់លើនារីធំជាងអត្រាកើតលើបុរស។

តាមរបាយការណ៍ថា ដោយសារនៅក្នុងដើមទ្រូងមនុស្សប្រុស ទងនិងថង់សុដន់មិនមានការធំធាត់ ដូចនេះដើមទ្រូងបុរសតូចជាងស្រ្តីយ៉ាងច្រើន ក៏ព្រោះតែសរិរាង្គសុដន់របស់មនុស្សប្រុសស្តើង បើកើតជម្ងឺមហារីកសុដន់ វាងាយនឹងរីកសាយចេញទៅក្រៅ មិនយូរប៉ុន្មានវាអាចគ្របដណ្តប់ទៅលើស្បែក និង សរិរាង្គសាច់ដុំដែលនៅជុំវិញដើមទ្រូង ធ្វើអោយមានគ្រោះថ្នាក់ដល់គ្រឿងក្នុងដូចជា ៖ បេះដូងនិងសួត-ល- ដូចនេះមនុស្សប្រុសកើតមហារីកសុដន់មានគ្រោះថ្នាក់ជាងស្រ្តីទៅទៀត។

តាមការស្រាវជ្រាវក្នុងផ្នែកវេជ្ជសាស្រ្តជាច្រើនឆ្នាំឃើញថា អាយុជីវិតមនុស្សប្រុសដែលកើតជម្ងឺមហារីកសុដន់ ខ្លីជាងស្រ្តី។ ពួកគេងាយនឹងកើតមានកោសិកាផ្លាស់ទី រីកសាយភាយ។ នេះមកពី សុដន់មនុស្សប្រុសកាន់តែខិតជិតស្រទាប់ទ្រូង ទោះបីជាដុះសាច់តូចប៉ុនគ្រាប់សណ្តែក ក៏អាចនៅក្នុងរយៈពេលខ្លីស្អិតជាប់ជាមួយស្បែក សាច់ដុំ ស្រទាប់ទ្រូងដែលនៅជុំវិញ ទៅបំផ្លាញ និង ងាយបង្កជាការផ្លាស់ទីតាមដំណើរឈាមណាស់។

មនុស្សប្រុសក៏ត្រូវត្រួតពិនិត្យដើមទ្រូងជាប្រចាំ

អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកអះអាងថា ៖ ដើមទ្រូងរបស់បុរសខុសពីស្រ្តី មហារីកសុដន់កើតលើបុរសច្រើនមានដុំសាច់តែម្ខាង ដុំសាច់រាងរឹងហើយមិនមានការឈឺចាប់ ប្រើការថតដើមទ្រូងតាមរូបភាពកំារស្មីX អាចពិនិត្យឃើញយ៉ាងមានប្រសិទ្ធភាព និង ជាវិធីងាយស្រួល។ ជាពិសេសបើនៅក្នុងគ្រួសារមានប្រវត្តិជម្ងឺ និង នៅក្នុងការធ្វើត្តេសស៊ែនរបស់មនុស្សប្រុសប្រទះឃើញមានបម្រែបម្រួលស៊ែន BRCA2 កាន់តែងាយស្រួលទៀត។

អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកសូមដាស់តឿនថា ៖ មនុស្សប្រុសជាធម្មតាគួរតែត្រួតពិនិត្យមើលដើមទ្រូងរបស់ខ្លួនបីខែម្តង នៅពេលដែលដើមទ្រូងបុរសលេចចេញស្ថានភាពដូចខាងក្រោមនេះគួរទៅមន្ទីរពេទ្យធ្វើការពិនិត្យជាបន្ទាន់ ៖ មានដុំរឹង និង ឡើងហើម ស្បែកផតចុះនិងជ្រួញ ក្បាលសុដន់លឹបចូល ក្បាលសុដន់ ឬ ស្បែកសុដន់ឡើងក្រហម ទំហំក្បាលសុដន់មិនប្រក្រតី ក្បាលសុដន់ចេញសារធាតុរាវ-ល-។