ការឈឺចាប់នៃមហារីកជាបញ្ហាទូទៅដែលកើតមានលើអ្នកជម្ងឺមហារីក។ ការស្រាវជ្រាវក្នុងវិទ្យាពេទ្យបង្ហាញថា ៖ អ្នកជម្ងឺមហារីក៣០%ទៅ៧០% តែងមានការឈឺចាប់ដែលគ្រាន់តែមានកំរិតឈឺមិនដូចគ្នា។ ការឈឺចាប់អាចមានប្រតិកម្មប៉ះពាល់ដល់រាងកាយមនុស្សយ៉ាងខ្លាំង ធ្វើអោយសរសៃឈាមពេញសារពាង្គកាយរួមតូច និង មុខងារក្រពះដំណើរការមិនល្អ ធ្វើអោយប្រព័ន្ធការពាររាងកាយធ្លាក់ចុះ។ ចំពោះអ្នកជម្ងឺដែលព្រោះតែការឈឺចាប់ពិបាកបរិភោគអាហារ និង គេងតាមធម្មតា មិនត្រឹមតែប៉ះពាល់ស្ថានភាពជម្ងឺរបស់ពួកគេ កាន់តែអាចដោយសារការឈឺចាប់មកយាយីហើយបាក់ទឹកចិត្តប្រយុទ្ធនឹងមហារីក ធ្វើអោយពួកគាត់បាត់បង់ជំនឿចិត្តព្យាបាល។

ប៉ុន្តែដោយសារអ្នកជម្ងឺជាច្រើនមានទឹកចិត្តភ័យខ្លាចនៅក្រោយប្រើប្រភេទថ្នាំ ម៉ាល់ហ្វី បំបាត់ការឈឺចាប់ហើយកា្លយជាញៀន សុខចិត្តទ្រាំនឹងការឈឺចាប់ក៏មិនព្រមប្រើថ្នាំបំបាត់ការឈឺចាប់ដែរ។ អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកបង្ហាញថា ៖ ការបំបាត់ភាពឈឺចាប់មានសារៈសំខាន់ដូចព្យាបាលដុំសាច់ ប្រើប្រាស់វិធីបំបាត់ការឈឺចាប់ដែលត្រឹមត្រូវហើយ អ្នកជម្ងឺប្រហែល៨០% មានភាពធូរស្រាល។ ក្រោយពេលកាត់បន្ថយការឈឺចាប់ដែលបំបាក់ផ្លូវចិត្តអ្នកជម្ងឺហើយ គុណភាពជីវភាពអ្នកជម្ងឺក៏ទទួលបានការកែតម្រួល ខណៈនោះក៏ជាជំនួយយ៉ាងធំចំពោះការព្យាបាល។

តើធ្វើការបំបាត់ការឈឺចាប់ ជាទូទៅយ៉ាងដូចម្តេច?

ជាដំបូង ត្រូវលើកទឹកចិត្តអ្នកជម្ងឺអោយនិយាយចេញការឈឺចាប់នៃមហារីក

អ្នកជម្ងឺជាច្រើនយល់ថា ការឈឺចាប់ជារឿងធម្មតា ស៊ូទ្រាំបន្តិចនឹងកន្លងហួសទៅហើយ មិនចាំបាច់ប្រាប់ទៅដល់គ្រូពេទ្យ។ ប៉ុន្តែការពិតវាមិនដូច្នេះឡើយ អោយតែអ្នកជម្ងឺនិយាយពីកំរិត បែបបទ ទីតាំង និង អារម្មណ៍នៃការឈឺចាប់អោយបានច្បាស់លាស់ នោះគ្រូពេទ្យ និង បុគ្គលិកតំហែទាំអាចបំបាត់ការឈឺចាប់អោយអ្នកតាមលក្ខណៈផ្ទាល់របស់អ្នក។ អ្នកជម្ងឺទាំងអស់ត្រូវយល់ច្បាស់ពីការធ្វើអោយធូរស្រាល អាចទទួលបាននូវការកែតម្រូវគុណភាពរស់នៅ និង ធ្វើអោយប្រសិទ្ធភាពព្យាបាលកាន់តែល្អ។

ក្រៅពីនេះ លើកទឹកចិត្តអ្នកជម្ងឺអោយធ្វើការបំបាត់ឈឺចាប់ដែលសមស្រប

ដោយសារតែអ្នកជម្ងឺមិនសូវយល់ដឹងពីថ្នាំបំបាត់ការឈឺចាប់ ធ្វើអោយភ័យខ្លាចក្រោយពេលលេបហើយញៀន ក៏មិនទទួលយកវិធីបំបាត់ការឈឺចាប់ដោយថ្នាំ។ នេះធ្វើអោយប៉ះពាល់ចំពោះការព្យាបាលភាពឈឺចាប់នៃមហារីក រហូតដល់ប៉ះពាល់ការព្យាបាលមហារីកទាំងមូល។ នៅសម័យឆំា្ន៩០ នាសតវត្សមុន អង្គការអនាម័យពិភពលោកបានបញ្ចូលការឈឺចាប់ដោយមហារីកចូលក្នុងការព្យាបាលមហារីក ៤ ចំនុចចំបង។ នៅលើពិភពលោកគេផ្សព្វផ្សាយ “ផែនការបំបាត់ការឈឺចាប់បីលំដាប់”យោងតាមកំរិតនៃការឈឺចាប់បីលំដាប់មិនដូចគ្នា ផ្តល់ថ្នាំបំបាត់ការឈឺចាប់ផ្សេងគ្នា។ ដោយអ្វីដែលអ្នកជម្ងឺចង់បានគឺប្រសិទ្ធភាពបំបាត់ការឈឺចាប់ នៅក្រោមគោលដៅបំបាត់ការឈឺចាប់ធ្វើការព្យាបាល តាមការពិតការពឹងពាក់លើថ្នាំបំបាត់ការឈឺចាប់ខ្លាំងដល់ញៀនមានអត្រាត្រឹមតែ១ម៉ឺនភាគមួយ ជាអត្រាដែលទាបបំផុត បុគ្គលិកមន្ទីរពេទ្យត្រូវប្រាប់ដល់អ្នកជម្ងឺមិនចាំបាច់ព្រួយបារម្ភពីរឿងនេះឡើយ។