អ្នកជម្ងឹមហារីកមិនត្រឹមតែរងទុក្ខពីជម្ងឺប៉ុណ្ណោះ នៅត្រូវរងសំពាធគ្រប់បែបយ៉ាងថែមទៀត ដូចនេះនៅពេលក្រុមគ្រួសារអ្នកជម្ងឺមើលថែទាំអ្នកជម្ងឺមហារីកមិនត្រូវត្រឹមតែយកចិត្តទុកដាក់លើប្រសិទ្ធភាពព្យាបាលឡើយ ក៏ត្រូវគោរពតាមបីប្រការគឺ តំហែទាំផ្លូវចិត្ត តំហែទាំអាហារ និង តំហែទាំនៅពេលឈឺចាប់ ក្នុងការថែទាំអ្នកជម្ងឺផងដែរ ជាការគាំទ្រពួកគាត់ឆ្លងកាត់គ្រាប្រឆាំងនឹងមហារីកដ៏លំបាកនេះ។

ប្រការក្នុងតំហែទាំផ្លូវចិត្ត

ក្រុមគ្រួសារអ្នកជម្ងឺមហារីកត្រូវបង្កើនការថែទាំផ្លូវចិត្ត ធ្វើការលួងលោមផ្លូវចិត្តដល់អ្នកជម្ងឺ ជួយអោយគាត់កសាងអារម្មណ៍ព្យាយាមស្វះស្វែង បំបាត់ការភ័យពួ្រយ អារម្មណ៍ភ័យខ្លាច នៅមិនស្ងប់។ ប្រឹងប្រែងប្រើគំនិតវិជ្ជមានទៅសហការក្នុងការពិនិត្យព្យាបាលជាមួយគ្រូពេទ្យ។ ក្រុមគ្រួសារត្រូវឧស្សាហ៍នៅជាមួយអ្នកជម្ងឺ តែងតែនិយាយជជែកគ្នាលេង លើកទឹកចិត្តអ្នកជម្ងឺអោយនិយាយចេញពីគំនិតពិតប្រាកដរបស់ខ្លួន ជួយអោយគ្រូពេទ្យ និង ក្រុមគ្រួសារផ្ទាល់យល់ពីសា្ថនភាពផ្លូវចិត្តអ្នកជម្ងឺ។ ការទំនាក់ទំនង និង ជជែកគ្នាជាវិធីជួយអោយអ្នកជម្ងឺបញ្ចេញនូវសំពាធក្នុងចិត្ត។ ប៉ុន្តែនៅពេលដែលអ្នកជម្ងឺមិនព្រមធ្វើការជជែកជាមួយយើង មិនត្រូវបង្ខំឡើយ។

មានអ្នកជម្ងឺមហារីកដំណាក់កាលចុងក្រោយខ្លះ អាចកើតមានអារម្មណ៍ខ្លាចត្រូវគេព្រងើយកន្តើយ និង ខ្លាចត្រូវគេបោះបង់ ដល់ពេលយប់ឡើងអារម្មណ៍បែបនេះកាន់តែធ្ងន់ធ្ងរ នៅក្នុងស្ថានភាពបែបនេះគ្រូពេទ្យនឹងរៀបចំអោយមានអ្នកផ្ទះនៅគេងកំដរ ធ្វើអោយអ្នកជម្ងឺមានភាពទុកចិត្ត។ មិនថានៅពេលណាក៏ដោយ ក្រុមគ្រួសារត្រូវផ្តល់ការយកចិត្តទុកដាក់ និង គាំទ្រដល់អ្នកជម្ងឺ។ ការគ្រាំទ្រនេះជាប្រភពកំលាំងដ៏ធំបំផុតរបស់អ្នកជម្ងឺ។

ប្រការក្នុងតំហែទាំអាហារ

ជម្ងឺមហារីកជាប្រភេទជម្ងឺបំផ្លាញ ជាពិសេសនៅពេលធ្វើការព្យាបាលដោយវះកាត់ ដោយវិទ្យុសកម្ម ដោយតាមបែបគីមីសាស្រ្ត តំហែទាំអាហារដែលសមស្របគឺជាកត្តាចាំបាច់ក្នុងការធានាដល់ការព្យាបាលធ្វើទៅបានយ៉ាងរលូន។ ត្រូវយោងតាមស្ថានភាពជម្ងឺ និង កំលាំងដែលរំលាយ ព្រមទាំងទទួលអាហាររបស់អ្នកជម្ងឺហើយផ្តល់អាហារទៅតាមយ៉ាងសមស្រប។ អ្នកជម្ងឺដែលទទួលការព្យាបាលដោយវិទ្យុសកម្ម និង តាមបែបគីមីសាស្រ្ត អាចមិនសូវមានចំណង់អាហារ ឬ ជីវ្ហាវិញ្ញាណខុសធម្មតា។ បើបង្កើតបរិយាកាសបរិភោគអាហារដែលរីករាយ ធូរស្រាលសំរាប់ពួកគាត់ បន្ថែមគ្រឿងអោយសមរម្យទៅក្នុងអាហារ អាចជួយបង្កើនចំណងអាហាររបស់ពួកគាត់បាន។ ដោយសារតែស្ថានភាពអ្នកជម្ងឺមានលក្ខណៈខុសៗគ្នា របបអាហារមិនតម្រូវអោយដូចគ្នាឡើយ គឺត្រូវយោងតាមស្ថានភាពផ្ទាល់អ្នកជម្ងឺ សាកសួរយោបល់គ្រូពេទ្យ គិលានុប្បដ្ឋាយិកា អ្នកជំនាញថែទាំ ផ្តល់នូវអាហារដែលស័ក្តិសមធានាលើគុណភាព និង បរិមាណ។

ប្រការក្នុងតំហែទាំពេលឈឺចាប់

ការឈឺចាប់ដែលបណ្តាលមកពីជម្ងឺមហារីកមានច្រើន ដោយសារមូលហេតុមិនដូចគ្នា របៀបដោះស្រាយក៏មានភាពខុសគ្នាដែរ ដូចនេះគ្រូពេទ្យត្រូវយោងតាមស្ថានភាពផ្ទាល់អ្នកជម្ងឺសំរេចធ្វើការកាត់បន្ថយការឈឺចាប់តាមការព្យាបាលដោយវិទ្យុសកម្ម ការវះកាត់ ឬ ប្រើថ្នាំគីមី។ ប្រសិនបើអ្នកជម្ងឺមានការតក់ស្លុត ភ័យព្រួយខ្លាំងពេក តែងតែធ្វើអោយការឈឺចាប់កាន់តែខ្លាំង។ នៅពេលនោះអាចឆ្លងកាត់ការពិភាក្សារឿងដែលអ្នកជម្ងឺចាប់អារម្មណ៍ ស្តាប់តន្ត្រី មើលទូរទស្សន៍ មកបំបែកការចាប់អារម្មណ៍ បំបាត់ភាពធុញថប់ និង ព្រួយបារម្ភរបស់អ្នកជម្ងឺ។ ក្រៅពីនេះ វិធីស្អំត្រជាក់ វិធីស្អំកំដៅក៏អាចជួយបំបាត់ការឈឺចាប់ផងដែរ។

សរុបសេចក្តីមក នៅក្នុងតំហែទាំផ្លូវចិត្ត របបអាហារ និង បំបាត់ការឈឺចាប់របស់អ្នកជម្ងឺ សមាជិកក្រុមគ្រួសារមានសារៈសំខាន់ជាងគេ។ ប្រសិនបើគ្មានការថែទាំ និង មើលថែពីក្រុមគ្រួសារ អ្នកជម្ងឺមហារីកពិបាកនឹងទទួលរងការឈឺចាប់នៃជម្ងឺតែម្នាក់ឡើយ។ ដូចនេះ ក្រុមគ្រួសារអ្នកជម្ងឺត្រូវគោរពតាមប្រការតំហែទាំបីសំខាន់ រួមដំណើរជាមួយអ្នកជម្ងឺដើរឆ្លងកាត់គ្រាប្រឆាំងនឹងមហារីកដ៏លំបាកនេះ។