ពួកយើងទាំងអស់គ្នាដឹងហើយថា អ្នកជម្ងឺមហារីកត្រូវការពឹងពាក់លើផលិតផលថ្នាំយ៉ាងច្រើនមកពន្យាអាយុជីវិត។ នៅពេលមកពិនិត្យម្តងៗ គ្រូពេទ្យតែងតែបើកថ្នាំយ៉ាងច្រើន ហើយផ្តែផ្តាំអ្នកជម្ងឺអោយទទួលទានយ៉ាងដូចម្តេច។ អ្នកជម្ងឺជាច្រើនក្រោយពីបើកថ្នាំហើយ នៅមិនទាន់ដឹងច្បាស់ពីរបៀបប្រើប្រាស់ បរិមាណ និង ពេលវេលាប្រើថ្នាំទាំងនោះឡើយ ធ្វើអោយការប្រើប្រាស់មិនសមស្រប ប៉ះពាល់ដល់ប្រសិទ្ធភាពថ្នាំព្យាបាល។ អ្នកជំនាញខាងផ្នែកមហារីកអោយយោបល់ថា អ្នកជម្ងឺមហារីកត្រូវតែដឹងច្បាស់ពីផលិតផលថ្នាំដែលខ្លួនកំពុងប្រើប្រាស់ ហើយទទួលទានទៅតាមពេលវេលា អាចធ្វើអោយថ្នាំមានប្រសិទ្ធភាពល្អបំផុត។

នៅពេលប្រើថ្នាំអ្នកជម្ងឺមហារីកត្រូវយល់ដឹងច្បាស់ពីប៉ុន្មានចំនុចខាងក្រោមនេះ ៖

១. យល់ដឹងពីវិធីប្រើប្រាស់

ចំនុចនេះមានសារៈសំខាន់ណាស់។ ផលិតផលថ្នាំបែងចែកជា ៖ ថ្នាំលេប និង ថ្នាំប្រើនៅខាងក្រៅ។ អ្នកជម្ងឺត្រូវដឹងអោយច្បាស់ ជៀសវាងការប្រើថ្នាំមិនត្រឹមត្រូវបង្កជាបញ្ហាផ្សេងទៀត។

២. យល់ដឹងពីវិធីទទួលទានថ្នាំ

ចំពោះថ្នាំលេបត្រូវដឹងច្បាស់ពីបរិមាណដែលត្រូវទទួលទាន ចំនួនដង តូ្រវប្រើមុន ឬ ក្រោយបាយ តើមានបំរាមក្នុងការប្រើឬអត់? ការប្រើថ្នាំដែលសមស្រប មិនត្រឹមតែអាចបង្កើនប្រសិទ្ធភាពថ្នាំព្យាបាល នៅអាចកាត់បន្ថយផលប៉ះពាល់ដែលបណ្តាលមកពីផលិតផលថ្នាំទៀតផង ។

៣. យល់ដឹងពីផលប៉ះពាល់របស់ផលិតផលថ្នាំ

អោយតែជាថ្នាំសុទ្ធតែមានជាតិពុលបីភាគ ចំពោះផលប៉ះពាល់ដែលបណ្តាលពីជាតិថ្នាំជាចំនុចដែលអ្នកជម្ងឺយកចិត្តទុកដាក់ជាងគេ។ មានតែក្រោយពេលអ្នកជម្ងឺដឹងច្បាស់ពីផលប៉ះពាល់នៃថ្នាំហើយ ទើបអាចវិភាគយ៉ាងត្រឹមត្រូវថា អាការៈដែលកើតចេញមកជាផលប៉ះពាល់មកពីថ្នាំដែលធម្មតា ឬ ប្រតិកម្មដែលមិនធម្មតានោះ។ ដូចនេះធ្វើអោយងាយស្រួលក្នុងការគ្រប់គ្រងផលប៉ះពាល់នៃថ្នាំដោយខ្លួនឯង និង អាចទៅមន្ទីរពេទ្យសម្រួលផែនការព្យាបាលបានទាន់ពេលវេលា។