មានជម្ងឺគឺជាការធម្មតារបស់មនុស្ស ពេលដែលជម្ងឺកើតមាន ពួកយើងត្រូវការបន្ថែមគឺភាពរឹងប៉ឹង ស្រស់ថ្លា សុទិដ្ឋិនិយម ទោះជាមេឃបាក់រលំមកក៏គ្មានភាពភ័យព្រួយឡើយ។ វេជ្ជបណ្ឌិតនៃមន្ទីរពេទ្យក្វាងចូវទំនើបផ្នែកមហារីកសូមក្រើនរំលឹកថា ៖ បើឃើញអ្នកជម្ងឺមហារីកធុញថប់មិនសប្បាយចិត្ត ស្ងប់ស្ងៀមមិនហាស្តី ទឹកចិត្តធ្លាក់ចុះក្រៀមក្រំ ជាដំបូងត្រូវផ្តល់ការលើកទឹកចិត្តគាំទ្រ ពេលចាំបាច់ត្រូវជួបពេទ្យចិត្តសាស្ត្រឬស្វែងរកជំនួយផ្លូវចិត្តផ្សេងទៀត។

អ្នកស្រីសៀ អាយុ៦០ឆ្នាំហើយនៅតែបន្តគ្រប់គ្រងពាណិជ្ជកម្មរបស់គ្រួសារ សុខភាពគាត់ពីដើមមកល្អណាស់ ស្មារតីកម្លាំងពលំខ្លាំងក្លា ងប់ងុលការងារ បងប្អូនញាតិមិត្តនិងអ្នកក្រោមឱវាទសុទ្ធតែចាត់ទុកគាត់ជានារីក្លាហាន ចិត្តមានះចង់ឈ្នះខ្លាំង។ ប៉ុន្មានឆ្នាំនេះ គាត់ឃើញថាប្រដាប់ភេទគាត់មានចេញឈាម ទៅពិនិត្យនៅមន្ទីរពេទ្យ ទើបរកឃើញថាជាមហារីកមាត់ស្បូន។ ដំបូងអ្នកស្រីសៀដាច់ខាតមិនជឿខ្លួនឯងមានជម្ងឺមហារីក ពិតជាមិនអាចទទួលយកបានទេ។ កំលុងពេលទទួលការព្យាបាលនៅមន្ទីរពេទ្យក៏ស្ងប់ស្ងៀមមិនហាស្តី ទឹកមុខស្រពោនឥតវិញ្ញាណ គ្មានចំណង់អាហារឡើយ។ ក្រោយចេញពីមន្ទីរពេទ្យ មិនបានកន្លះឆ្នាំផង អ្នកនាងបានសម្រេចចិត្តគិតខ្លី ចាកចេញពីក្រុមគ្រួសារជាទីស្រឡាញ់របស់គាត់និងមុខជំនួញដែលគាត់តស៊ូខិតខំពេញមួយជីវិត។

វេជ្ជបណ្ឌិតប្រចាំមន្ទីរពេទ្យក្វាងចូវទំនើបផ្នែកមហារីកបង្ហាញថាមនុស្សអត្តចរិតកាន់តែចង់ឈ្នះ រឹតតែមិនអាចទ្រាំទ្រការវាយប្រហារដោយសារជម្ងឺ មានពេលជាច្រើន អ្នកជម្ងឺមហារីកពេលដឹងពីការពិតរួច ទឹកចិត្តក្រៀមក្រំ ព្រួយបារម្ភ ប្រព័ន្ធការពារាងកាយចុះខ្សោយ ដូច្នេះមានពាក្យនិយាយថា អ្នកជម្ងឺមហារីកតែងតែមិនមែនស្លាប់ដោយសារមហារីក អាចស្លាប់ដោយសារសម្លាប់ខ្លួនឬដោយសាររោគជម្ងឺបន្ទាប់បន្សំផ្សេងៗ។ មានការស្រាវជ្រាវព្យាបាលបង្ហាញថា អ្នកជម្ងឺមហារីកមានបញ្ហាអារម្មណ៍ផ្លូវចិត្តក្នុងកម្រិតខុសៗគ្នា ដោយភាពខុសគ្នារវាងអាយុ អាជីពមុខរបរ កម្រិតវប្បធម៌ ឋានះតួនាទីក្នុងសង្គម ស្ថានភាពគ្រួសារ និងអត្តចរិត បង្ហាញនូវអាការៈខុសៗគ្នា។ និយាយជារួម ចាប់ពីជម្ងឺមហារីកកើតមាន១ថ្ងៃទៅ១ឆ្នាំ មានប្រមាណ៩០%នៃអ្នកជម្ងឺមានទំនោរទៅអារម្មណ៍ព្រួយបារម្ភ ក្រៀមក្រំ ភ័យរន្ធត់ អស់សង្ឃឹម សឹងតែចង់សម្លាប់ខ្លួន។ ធ្វើការថែទាំទឹកចិត្តអ្នកជម្ងឺមហារីកអោយបានល្អ ធ្វើអោយការក្រៀមក្រំឃ្លាតឆ្ងាយពីអ្នក ក្នុងកម្រិតខ្លះវាសំខាន់ជាងវិធានការណ៍សះស្បើយផ្សេងៗរបស់អ្នកជម្ងឺមហារីកទៅទៀត។ អាចតាមរយៈវិធីខាងក្រោមនេះមកកែលំអអារម្មណ៍ដ៏យ៉ាប់យ៉ឺនរបស់អ្នកជម្ងឺ ធ្វើការថែទាំទឹកចិត្តជម្ងឺមហារីកកាន់តែមានប្រសិទ្ធភាព។

(១) បរិយាកាសក្នុងផ្ទះកក់ក្តៅស្រស់ស្អាតមានផាសុខភាព ៖ អ្នកជម្ងឺក្រុមគ្រួសារក្រោយចេញពីមន្ទីរពេទ្យត្រលប់មកផ្ទះ ទឹកចិត្តតែងតែធ្លាក់ចុះ ពេលនោះ ក្រុមគ្រួសារញាតិមិត្តគួរអាចយោងតាមចំនង់ចំនូលចិត្តអ្នកជម្ងឺធ្វើការតុបតែងបន្ទប់ ពណ៌ស្រាលស្រទន់ សមល្មម សំខាន់សាមញ្ញទន់ភ្លន់ ដូចជាប្តូរវាំងនន និងកម្រាលពូកដែលមានពណ៌ស្រស់ថ្លា។ តាមរយៈចក្ខុវិញ្ញាណ ដើម្បីលើកទឹកចិត្តអ្នកជម្ងឺ។

(២) អាហារត្រូវចម្អិនផ្ចិតផ្ចង់បរិភោគអោយបានគ្រប់គ្រាន់ ៖ អ្នកជម្ងឺមហារីកក្នុងកំលុងពេលសះស្បើយ ជួនកាលមានអាការៈក្អួតចង្អោរ មិនឃ្លានចំនីជាដើម ក្រុមគ្រួសារត្រូវរកមធ្យោបាយបន្ថែមចំនង់អាហារ ម្ហូបអាហារត្រូវសាបត្រូវមាត់ឆ្ងាញ់ពិសារ សាច់បន្លែ តូចធំរួមផ្សំគ្នាបរិភោគទាំងអស់ មិនអាចមានតែម្ហូបមួយមុខ ឬខ្លាញ់ច្រើនពេក គួរជ្រើសរើសអាហារងាយរំលាយជាការសមរម្យ។

(៣) មិត្តភក្តជជែកកំសាន្តកំដរអារម្មណ៍ធ្វើអោយមានជំនឿចិត្តជាថ្មី ៖ អ្នកជម្ងឺមហារីកក្រោយចប់ការវះកាត់ និងចាក់ថ្នាំគីមី តែងតែសុខភាពទន់ខ្សោយ ស្មារតីមិនសូវល្អ ក្រុមគ្រួសារគួរកំដរនៅក្បែរអោយបានច្រើន។ បើសិនអ្នកជម្ងឺពេលធម្មតាមានមិត្តសំលាញ់ អាចអោយជួយកំដរអ្នកជម្ងឺបានច្រើន។ ការគាំទ្រពីមិត្តភក្តជួនកាលសំខាន់ជាងក្រុមគ្រួសារ។

(៤) អ្នកជម្ងឺដូចគ្នាជួយជម្រុញលើកទឹកចិត្តគ្នាទៅវិញទៅមក លែងឯកាទៀតហើយ ៖ អ្នកជម្ងឺមហារីកអាចចូលរួមក្លឹបសះស្បើយជម្ងឺ ទីនោះមានមិត្តអ្នកជម្ងឺដូចគ្នាជាច្រើន ផ្តល់ការគាំទ្រនិងលួងលោមគ្នាទៅវិញទៅមក នេះជួយដល់អ្នកជម្ងឺមានជំនឿចិត្តយកឈ្នះជម្ងឺកំណាចនេះ។

(៥) វេជ្ជបណ្ឌិតឯកទេសចិត្តសាស្រ្តជួយណែនាំ ៖ ពេលអ្នកជម្ងឺមានអាការៈក្រៀមក្រំធ្ងន់ធ្ងរនោះ យកល្អអាចទៅរកពេទ្យចិត្តសាស្ត្រ ទទួលការព្យាបាលប្រឆាំងសម្ពាធផ្លូវចិត្ត។

(៦) វេជ្ជបណ្ឌិតព្យាបាលជាមិត្តល្អសម្រាប់អ្នក ៖ អ្នកជម្ងឺគួររក្សាទំនាក់ទំនងយូរអង្វែងជាមួយវេជ្ជបណ្ឌិតទទួលបន្ទុកព្យាបាល ទៅពិនិត្យតាមដានអោយទៀងទាត់ ដើម្បីងាយស្រួលរកឃើញថាមានកើតឡើងវិញឬរីករាលដាល។

មន្ទីរពេទ្យក្វាងចូវទំនើបផ្នែកមហារីកយោងតាមករណីជម្ងឺព្យាបាលជាច្រើនមកប្រៀបធៀបឃើញថា អ្នកជម្ងឺមហារីកដែលទឹកចិត្តស្រស់ថ្លា រួសរាយ តស៊ូព្យាយាមសុទិដ្ឋិនិយម ហើយក្លាហានប្រឈមមុខនោះ កំលុងពេលរស់នៅបានយូរ គុណភាពរស់នៅកើនខ្ពស់ ស្ថានភាពអនាគតល្អប្រសើរ។ មានអ្នកជម្ងឺខ្លះសឹងតែបានព្យាបាលវះកាត់ ចាក់ថ្នាំគីមីបាញ់កាំរស្មីរួច ក្រុមគ្រួសារញាតិមិត្តនៅមិនដឹងថាគាត់ជាអ្នកជម្ងឺមហារីកទេ ឯអ្នកជម្ងឺមហារីកដែលរាល់ថ្ងៃក្រៀមក្រំពិបាកចិត្ត ស្ងប់ស្ងាត់ធុញថប់មិនស្បើយ តែងតែអនាគតមិនសូវជាល្អ។ សូមចងចាំថា ក្នុងពេលចាំបាច់ សម្ពាធផ្លូវចិត្តរងគ្រោះធ្ងន់ធ្ងរជាងមហារីកទៅទៀត!