វេជ្ជបណ្ឌិតប្រចាំមន្ទីរពេទ្យក្វាងចូវទំនើបផ្នែកមហារីកមានប្រសាសន៍ថា ៖ នៅពេលផ្នែកពោះវៀនបត់មានដុំមហារីកនោះ មុខងារសេរីរាង្គនិងទទួលរងការបំផ្លាញ មុខងារបន្ទោបង់និងស្ថានភាពតួខ្លួនទទួលការជះឥទ្ធិពល ដូចជារាគរូស បត់ជើងពិបាក ខ្លួនប្រាណចុះស្គម។ល។ ជាពិសេសគឺមហារីកពោះវៀនបត់ក្រោយពេលវះកាត់ ថាមពលខ្លួនប្រាណបាត់បង់ជាអតិបរិមា ងាយស្រួលបង្កជាជីវជាតិបំប៉នមិនគ្រប់គ្រាន់ ការរៀបចំបរិភោគអោយសមស្របគឺជាការចាំបាច់។
ក្នុងការបរិភោគសម្រាប់មហារីកពោះវៀនបត់ក្រោយវះកាត់រួច គឺប្រុងប្រយ័ត្នទទួលទានអាហារបន្លែដែលសំបូរដោយជាតិសរសៃ បន្លែបៃតងដូចជាស្ពៃចង្កឹះ គួឆាយ ស្ពៃស ឆៃថាវ។ល។ ទទួលទានអាហារបន្លែដែលសំបូរជាតិសរសៃអាចរំញោចពោះវៀនធ្វើចលនា បន្ថែមចំនួនដងបន្ទោបង់ តាមរយៈលាមកបញ្ចេញនូវសារធាតុបង្កមហារីកនិងសារធាតុមានជាតិពុល។ បើសិនដុំមហារីកក្នុងពោះវៀនបត់លៀនចេញទៅបំពង់ពោះវៀន ធ្វើអោយពោះវៀនប្រែចង្អៀត ត្រូវគ្រប់គ្រងបរិមាណការស្រូបយកអាហារជាតិសរសៃ ព្រោះស្រូបយកអាហារជាតិសរសៃអាចបង្កអោយពោះវៀនស្ទះ។ ពេលនេះគឺផ្តល់អាហារងាយរំលាយ ទន់ល្មួតធាតុរាវ ដូចជាបបរចុងអង្ករ ស៊ុបអង្ករ បបរអង្ករឬពោត ស៊ុបស៊ុត តៅហ៊ូ។ល។ អាហារទាំងនេះអាចកាត់បន្ថយការរំញោចពោះវៀន ងាយស្រួលឆ្លងកាត់ពោះវៀន ទប់ស្កាត់កើតមានស្ទះពោះវៀន។
អ្នកជម្ងឺមហារីកពោះវៀនបត់ក្រោយវះកាត់ គួរដូចអ្នកជម្ងឺវះកាត់ពោះវៀនក្រពះដទៃដែរ ត្រូវគោរពតាមបណ្តាំវេជ្ជបណ្ឌិតផ្តល់អាហារត្រឹមត្រូវ គួរប្រុងប្រយ័ត្នមិនត្រូវបរិភោគជាតិខ្លាញ់ច្រើនពេក ត្រូវគួបផ្សំសមរម្យជាមួយអាហារមានជាតិស្ករ ខ្លាញ់ ប្រូតេអ៊ីន ធាតុរ៉ែ និងវីតាមីន រៀងរាល់ថ្ងៃត្រូវមានស្បៀងស្រូវអង្ករ សាច់សុទ្ធ ត្រី ស៊ុត ទឹកដោះ បន្លែគ្រប់មុខនិងអាហារធ្វើពីសណ្តែក បរិមាណនៃប្រភេទអាហារនីមួយៗមិនត្រូវច្រើនពេក នោះទើបអាចបង្គ្រប់ជីវជាតិបំប៉នគ្រប់បែបក្នុងខ្លួនប្រាណ។ ក្រោយវះកាត់ដំបូងមិនអាចបរិភោគតាមធម្មតា គួរប្រើសេរ៉ូមចាក់បញ្ចូលជំនួយជាចាំបាច់ តាមរយៈសេរ៉ូមអាចបំពេញជីវជាតិគ្លុយកូស អាស៊ីតអាមីណូនិងទឹកដោះជាតិខ្លាញ់ ប៉ុន្តែល្បឿនបញ្ចូលមិនត្រូវលឿនពេក បើបញ្ចូលលឿនពេកធ្វើអោយរាងកាយមិនអាចស្រូបយកបាន បែរជាបណ្តាលអោយខ្ជះខ្ជាយថាមពល ថែមទាំងធ្វើអោយក្នុងខ្លួនមានប្រតិកម្មមិនល្អ។ ក្រោយវះកាត់គួរប្រុងប្រយ័ត្នពង្រឹងអាហារជីវជាតិបំប៉ន រាងកាយរបស់អ្នកជម្ងឺនិងសះស្បើយធម្មតាជាបណ្តើរៗ ប៉ុន្តែកាន់តែសំខាន់នោះគឺក្រោយវះកាត់ត្រូវព្យាយាមវិធីព្យាបាលតាមការបរិភោគអាហារ។
គំរូមុខម្ហូបអាហារប្រចាំថ្ងៃសម្រាប់អ្នកជម្ងឺមហារីកពោះវៀនបត់(ដំណាក់កាលសះស្បើយក្រោយវះកាត់)
អាហារពេលព្រឹក ៖ បបរចុងអង្ករ(អង្ករ៥០ក្រាម) នំម្សៅពោត(ម្សៅពោត៥០កា្រម) លាយជាមួយស្ពៃស(ស្ពៃស៥០ក្រាម)
អាហារបន្ថែម ៖ ផ្លែប៉ោម១ផ្លែ(ផ្លែប៉ោម២០០ក្រាម)
អាហារថ្ងៃត្រង់ ៖ នំប៉ាវធ្វើពីស៊ុតមាន់៥០ក្រាម ស្ពៃស១០០ក្រាម ស្ពៃចង្កឹះ១០០ក្រាម ម្សៅមី១០០ក្រាម ទឹកស៊ុបមានប៉េងប៉ោះ៥០ក្រាម ត្រសក់៥០ក្រាមនិងម្សៅ១០ក្រាម
អាហារបន្ថែម ៖ ឆុងម្សៅក្រអៅឈូក១កូនចាន(ម្សៅក្រអៅឈូក៣០ក្រាម ស្កស១០ក្រាម)
អាហារពេលល្ងាច ៖ បបរអង្ករ៥០ក្រាម(អង្ករ៥០ក្រាម) នំប៉ាវ(ម្សៅមី៥០ក្រាម) លាយជាមួយតៅហ៊ូ(តៅហ៊ូ១០០ក្រាម) និងត្រប់ចិញ្ច្រាំ(ត្រប់១០០ក្រាម)
អាហារបន្ថែម ៖ ទឹកដោះគោផ្អែម (ទឹកដោះគោស្រស់២៥០ក្រាម ស្កស៥ក្រាម) និងនំពងមាន់៥០ក្រាម
ការចម្អិនម្ហូបពេញ១ថ្ងៃប្រើប្រេង១០ក្រាម និងអំបិល៦ក្រាម
វេជ្ជបណ្ឌិតឯកទេសមហារីកប្រចាំមន្ទីរពេទ្យក្វាងចូវទំនើបផ្នែកមហារីកក្រើនរំលឹកថា ៖ អ្នកជម្ងឺមហារីកពោះវៀនបត់ក្រោយវះកាត់ត្រូវបន្ថែមអាហារជីវជាតិបំប៉ន ពង្រឹងកម្លាំងប្រព័ន្ធការពាររាងកាយ មានសារៈប្រយោជន៍សំខាន់ជួយអោយស្ថានភាពជម្ងឺឆាប់សះស្បើយ។
