អ្នកជម្ងឺមហារីកថ្លើមដំណាក់កាលចុងក្រោយធ្វើទុកបុកម្នេញក្នុងចិត្ត តែងតែបង្ហាញឲ្យឃើញដូចជា ការពិសារអាហារមានការធ្លាក់ចុះ ប្រព័ន្ធរំលាយអាហារមិនល្អ ឈឺចាប់ពិបាកទ្រាំទ្រ តប់ប្រមល់ក្នុងចិត្ត-ល-។ នៅខណៈនេះ ដំណើរការព្យាបាលដោយឱសថគឺចាំបាច់មិនត្រូវខ្វះឡើយ ប៉ុន្តែការងារក្នុងការថែទាំឲ្យបានល្អក៏អាចជួយឲ្យអ្នកជម្ងឺកាត់បន្ថយភាពឈឺចាប់ដែរ លើកកំពស់ប្រសិទ្ធភាពក្នុងការព្យាបាល និងគុណភាពរស់នៅរបស់អ្នកជម្ងឺ។

1. ការថែទាំជាមូលដ្ឋាន

គួរតែរៀបចំឲ្យអ្នកជម្ងឺនៅកន្លែងដែលសុខស្រួល បរិស្ថានជុំវិញស្អាតនិងស្ងៀមស្ងាត់ ដើម្បីជួយឲ្យអ្នកជម្ងឺរក្សាខ្លួនប្រាណឲ្យបានស្អាតបាត។ ចំពោះអ្នកជម្ងឺដែលសំរាកលើគ្រែរយៈពេលយូរគួរតែបង្កើនការថែទាំឲ្យបានច្រើន ការពារកុំឲ្យស្បែករលាកដោយសារសំរានលើគ្រែយូរពេក និងកើតមានជម្ងឺផ្សេងៗ។

2. ការថែទាំទាក់ទងនឹងចិត្ត

ភាសាដែលឧស្សាហ៍និយាយ ¡¡ãធ្វើឲ្យថ្លើមខឹងខូចខាត¡¡À និយាយចំពោះអ្នកដែលឧស្សាហ៍ក្នុងចិត្តពេញដោយភាពតប់ប្រមល់ វាងាយនឹងកើតមានជម្ងឺថ្លើម ប៉ះពាល់ដល់ការព្យាបាលជាសះស្បើយ។ នេះក៏គ្រប់គ្រាន់ក្នុងការពិពណ៌នាពីអារម្មណ៍ចំពោះឥទ្ធិពលនៃជម្ងឺដែលមិនអាចប៉ាន់ស្មានបាន។ អ្នកជម្ងឺមហារីកថ្លើមដំណាក់កាលចុងក្រោយ ជាទូទៅតែងតែមាននូវភាពទុទិដ្ឋិនិយម ភាពអន្ទះសា ភាពភ័យខ្លាច ភាពអស់សង្ឃឹមនិងចរិកលក្ខណៈផ្សេងៗទៀត ប្រសិនបើមិនប្រញាប់រួសរាន់ក្នុងការដោះស្រាយ វានឹងបណ្តាលឲ្យការវិវត្តន៍នៃជម្ងឺកាន់តែធ្ងន់ធ្ងរ អារម្មណ៍អវិជ្ជមាននិងការឈឺជម្ងឺលេចចេញក្នុងពេលតែមួយ វានឹងផ្តល់ភាពអន្តរាយគឺពិតជាធ្ងន់ធ្ងរយ៉ាងក្រៃលែង។ ដូច្នេះសំនូមពរឲ្យបុគ្គលិកថែទាំ និងសមាជិកក្រុមគ្រួសារគួរតែធ្វើការងារថែទាំក្នុងចិត្តអ្នកជម្ងឺឲ្យបានល្អ។ ក្នុងការថែទាំព្យាបាលគួរតែផ្តល់នូវក្តីសង្ឃឹមដល់អ្នកជម្ងឺ លើកទឹកចិត្តអ្នកជម្ងឺព្យាយាមក្នុងការព្យាបាល។ សមាជិកក្រុមគ្រួសារគួរតែធ្វើការទំនាក់ទំនងល្អជាមួយអ្នកជម្ងឺឲ្យបានច្រើន ផ្តល់នូវការយកចិត្តទុកដាក់ និងថែទាំឲ្យបានគ្រប់ជ្រុងជ្រោយ ដើម្បីបង្កើនជំនឿចិត្តក្នុងការរស់នៅរបស់អ្នកជម្ងឺ។

3. ការថែទាំទៅលើចំណីអាហារ

អ្នកជម្ងឺមហារីកថ្លើមដំណាក់កាលចុងក្រោយ មុខងារសរីរាង្គនីមួយៗត្រូវបានចុះខ្សោយ ការពិសារអាហារមានការធ្លាក់ចុះ ប្រព័ន្ធរំលាយអាហារមិនល្អ។ នៅខណៈនេះ ការពិសារចំណីអាហារគួរតែមានការប្រុងប្រយ័ត្នចំពោះចំណីអាហារដែលគួបផ្សំបញ្ចូលគ្នា។ ផ្តល់នូវចំណីអាហារដែលងាយនឹងរំលាយ សីតុណ្ហភាពសមល្មម។ ជៀសវាងនូវចំណីអាហារដែលចៀនខ្លាញ់ និងបំពង។ ចំពោះអ្នកជម្ងឺដែលលេចចេញនូវអាការៈក្អួតចង្អោរអាចយោងទៅតាមស្ថានភាពផ្តល់នូវថ្នាំបំបាត់អាការៈក្អួត ចំពោះអ្នកដែលមានប្លាស្មាឡើងខ្ពស់គួរតែតមអាហារដែលមានជាតិប្រូតេអ៊ីន។

4. ការថែទាំការឈឺចាប់

ជម្ងឺមហារីកថ្លើមដំណាក់កាលចុងក្រោយ ការឈឺចាប់គឺជាអាការៈដ៏សំខាន់ ក៏ជារឿងដែលអ្នកជម្ងឺភ័យខ្លាចបំផុតដែរ។ ការឈឺចាប់អាចមានឥទ្ធិពលធ្ងន់ធ្ងរចំពោះជីវភាពរស់នៅ ការសំរាន្ត និងអារម្មណ៍ក្នុងចិត្តរបស់អ្នកជម្ងឺ។ ក្រៅពីឱសថដែលស័ក្តិសមក្នុងការធូរស្បើយ បុគ្គលិកថែទាំ និងសមាជិកក្រុមគ្រួសារគួរតែឧស្សាហ៍ជជែកលេងជាមួយអ្នកជម្ងឺ ដឹកនាំអ្នកជម្ងឺនឹកគិតដល់ចំណីអាហារដែលល្អៗមួយចំនួន ឬឧស្សាហ៍អានសៀវភៅ មើលកាសែត ជួយអ្នកជម្ងឺបង្វែរភាពប្រុងប្រយ័ត្ន និងលើកទឹកចិត្តអ្នកជម្ងឺឲ្យមានការទប់ស្កាត់ដោយខ្លួនឯង។