ជម្ងឺមហារីកសុដន់ជាជម្ងឺលើប្រព័ន្ធបង្កកំណើតរបស់ស្រ្តីដែលគេច្រើនជួបប្រទះ នេះបណ្តាលមកពីប្រតិកម្មនៃការមករដូវជាធម្មតាដែលធ្វើអោយសុដន់កើតមានសភាពឡើងហើមដោយទៀងទាត់ និង មានការឈឺចាប់។ ដោយឃើញដូចនេះ ការកើតឡើងនៃមហារីកសុដន់មានទំនាក់ទំនងនឹងប្រព័ន្ធបង្កកំណើតព្រមទាំងប្រព័ន្ធអង់ដូគ្រីន។ ដូច្នេះ មិត្តយុវតីទាំងអស់ត្រូវមានការការពារពីជម្ងឺមហារីកសុដន់ចាប់ពីណាទៅ? ខាងក្រោមនេះ អ្នកឯកទេសនៃមន្ទីរពេទ្យក្វាងចូវទំនើបផ្នែកមហារីកមានការវិភាគណែនាំយ៉ាងជាក់លាក់ពីការការពារពីជម្ងឺមហារីកសុដន់។

ផ្នែកថែរក្សាសុខភាព

១. ស្រូបយកកាំរស្មីព្រះអាទិត្យបានគ្រប់គ្រាន់ អាចធ្វើអោយរាងកាយទទួលបានវីតាមីនD ដែលវាត្រូវការ ហើយវីតាមីនD រួមមានប្រសិទ្ធភាពការពារពីមហារីកសុដន់។ ធានាបានការត្រូវកម្តៅថ្ងៃពី១០ទៅ១៥នាទីក្នុងមួយថ្ងៃ អាចការពារពីការកកើតនៃមហារីសុដន់។

២. ជៀសវាងពីការរំជួលអារម្មណ៍ខ្លាំង រក្សាសា្មរតីនឹងនរ អប់រំសុខភាពផ្លូវចិត្តអោយបានល្អ អាចបង្កើនសមត្ថភាពប្រឆាំងមហារីកក្នុងសារពាង្គកាយ។ ក្រៅពីនេះ មានលំហាត់ប្រាណសមរម្យ នៅអាចកាត់បន្ថយឱកាសកើតមហារីកសុដន់ផងដែរ។

៣. ការត្រួតពិនិត្យដោយខ្លួនឯង ៖ ឈរមុខកញ្ចក់ យកដៃទាំង២ដាក់លើផ្នែកចង្កេះទាំងសងខាង បង្រួញសាច់ដុំទ្រូង រាងកាយទៅមុខ ពិនិត្យបម្រែបម្រួលទ្រង់ទ្រាយសុដន់ ក្បាលសុដន់ ។ ជាពិសេសត្រួតពិនិត្យកត់សំគាល់លើទ្រង់ទ្រាយទាំងសងខាងនៃសុដន់ មើលថាវាស៊ីគ្នាឬអត់ មានសាច់ស្បែកដែលពកឡើងឬផតចុះ និង ឡើងគ្រើមដូចផ្លែក្រូចឬអត់ ព្រមទាំងស្បែកស្រទាប់លើសុដន់មានអាការៈក្រហម ហើម ក្តៅ ឈឺឬអត់។ បន្ទាប់មកសង្កេតក្បាលសុដន់ទាំងសងខាងថាវាមានលក្ខណៈដូចគ្នាឬទេ មានកន្លែងផតចុះ ស្បែកគ្រើម និង រិតក្បាលសុដន់តិចៗសង្កេតថាមានសារធាតុរាវឬអត់-ល-។

៤. មិត្តនារីដែលនៅក្នុងកំឡុងពេលបំបៅទឹកដោះកូន នៅក្នុងរយៈដែលសុដន់ឡើង គួរតែបញ្ចេញទឹកដោះឲ្យបានច្រើនតាមលទ្ធភាព។ ម្យ៉ាងវាអាចបង្កើនសារធាតុទឹកដោះ និង ម្យ៉ាងវិញទៀតអាចកាត់បន្ថយរយៈពេលដែលទឹកដោះសល់ពីមួយលើកមុនស្តុកនៅក្នុងសុដន់យូរពេក ធ្វើអោយវាអាចការពារការកើតមហារីកសុដន់បាន។

 ផ្នែករបបអាហារ

១. គួរបរិភោគអាហារដែលផ្ទុកវីតាមីនD អោយបានច្រើន

យោងតាមការស្រាវជ្រាវបង្ហាញថា ៖ រាងកាយមនុស្សដែលស្រូបយកវីតាមីនD កាន់តែច្រើន អត្រាដែលកើតជម្ងឺមហារីកសុដន់កាន់តែទាប។ វីតាមីនD សំខាន់មាននៅក្នុង ត្រីសមុទ្រ ថ្លើម គ្រឿងក្នុងសត្វ ស៊ុតនៅផ្នែកដែលមានពណ៌លឿង និង សាច់សុទ្ធ។

២. អាហារដែលសំបូរវីតាមីន A

មានការស្រាវជ្រាវដែលទាក់ទងបង្ហាញថា ៖ ប្រសិនបើមិត្តនារីទទួលទានវីតាមីនA មិនគ្រប់គ្រាន់ អត្រាកើតជម្ងឺមហារីកសុដន’អាចកើនឡើង២០%។ ប្រសិនបើស្រី្តតែងទទួលទានវីតាមីន A ដូចជា ការ៉ុត សណ្តែកដី សណ្តែកគួ ល្ពៅ ប៉េងបោះ ខ្លឹមស ទំពាំង ជីវ័នសុយ ស្ពៃខ្មៅ ស៊ុតលឿង ថ្លើមពពែ សណ្តែកបាយ ក្រូចឆ្មារ ស្រូវសាលី ប្រេងរុក្ខជាតិ-ល- គឺអាចមានប្រសិទ្ធភាពការពារពីជម្ងឺមហារីកសុដន’។

៣. អាហារដែលផ្ទុកជាតិយ៉ាអួ (ទឹកដោះគោជូរ)

សារជាតិយ៉ាអួភាគច្រើនមាននៅក្នុងទឹកដោះគោជូរ មិនត្រឹមតែប៉ុណ្ណោះនៅក្នុងទឹកដោះជូរមានសារធាតុជូរដូចក្នុងប័រម្យ៉ាងហៅថា ឈីសដែរ។ ហើយមេក្រូភាវរស់ទាំងអស់នេះអាចមានប្រតិកម្មដល់ដំណើររង្វិលរវាងផ្នែកពោះវៀនទៅដល់ទា្វរមាស។ មូលហេតុដែលថាវាអាចការពារពីជម្ងឺមហារីកសុដន់នោះនៅត្រង់ ជាតិខ្លាញ់ខ្ពស់នៅក្នុងរាងកាយអាចងាយបង្កជាមហារីកសុដន់ ហើយចលនារង្វិលពីផ្នែកពោះវៀនទៅទា្វរមាសមានដំណើរការល្អអាចជួយកាត់បន្ថយការស្រូបយកជាតិខ្លាញ់ ដូចនេះ ប្រសិនពិសារទឹកដោះគោជូរមួយថ្ងៃមួយកែវ គ្រោះថ្នាក់នៃការកើតជម្ងឺមហារីកសុដន់របស់ស្រ្តីក៏ត្រូវបានកាត់បន្ថយយ៉ាងច្រើនដែរ។

៤. អាហារដែលផ្ទុកសារធាតុអរម៉ូនរុក្ខជាតិ

ផលិតផលអាហារប្រភេទសណ្តែកដូចជា ទឹកសណ្តែក តាវហ៊ូ -ល- មានប្រសិទ្ធភាពការពារពីមហារីសុដន់។ នេះមកពីនៅក្នុងអាហារប្រភេទសណ្តែកទាំងនោះផ្ទុកទៅដោយសារធាតុអរម៉ូនរុក្ខជាតិដែលវាអាចធ្វើអោយអរម៉ូនមនុស្សមានតុល្យភាព និង មានប្រសិទ្ធភាពសម្រួលដណ្តើរឈាម អាចកាត់បន្ថយបរិមាណអរម៉ូននៅក្នុងរាងកាយដែលខ្ពស់ពេក។ ដូចនេះ ព្យាយាមពិសារទឹកសណ្តែកជារៀងរាល់ថ្ងៃអាចកាត់បន្ថយគ្រោះថា្នក់កើតជម្ងឺ។

៥. អាហារដែលមានជាតិអ៊ីយ៉ូត

វិទ្យាសាស្រ្តស្រាវជ្រាវឃើញថា ប្រសិនបើនៅក្នុងឈាមនៃរាងកាយមនុស្សមានជាតិអាស៊ីតច្រើនហួស អត្រាធ្វើអោយកើតជម្ងឺមហារីកក៏កើនឡើងដែរ។ ហើយអាហារដែលសំបូរនូវជាតិអ៊ីយ៉ូតមានដូចជា សារាយ ជីឆាយ-ល- អាចសម្រួល និង ធ្វើអោយបរិមាណអាស៊ីតអាកាលីនៅក្នុងឈាមមានតុល្យភាព ឆ្លងកាត់ការគាបសង្កត់អាស៊ីតក្នុងឈាមទទួលបានប្រសិទ្ធភាពការពារពីមហារីក។ ក្រៅពីនេះ ក្នុងវិជ្ជាពេទ្យចិនយល់ថា អាហារប្រភេទសារាយមានប្រសិទ្ធភាពបញ្ចុះកម្តៅបញ្ចេញជាតិពុល រឹងទន់រួមផ្សំគ្នា។ ដូចនេះ ក្នុងវិជ្ជាពេទ្យចិនវាជាអាហារដែលគេតែងតែប្រើសំរាប់ការពារមហារីកសុដន់។

៦. អាហារដែលផ្ទុកសារធាតុសេលេញ៉ូម និង ស័ង្កសី

សារធាតុសេលេញ៉ូមអាចបញ្ឍប់សារធាតុដែលបង្កជាមហារីកនិងសារធាតុ(Ribonucleic Acid)នៅក្នុងកោសិកាធម្មតារួមផ្សំចូលគ្នា។ សារធាតុសេលេញ៉ូមអាចពន្យាជីវិតអ្នកជម្ងឺមហារីកសុដន់ដែលមានប្រសិទ្ធភាពយ៉ាងជាក់លាក់។ ស័ង្កសីគឺអាចបង្រ្កាបការលូតលាស់នៃកោសិកាមហារីកដែលនៅទីតាំងខុសៗគ្នា។ អាហារដែលមានសារធាតុសេលេញ៉ូមខ្ពស់មាន ៖ ប្រភេទត្រី តម្រងនោមជ្រូក ឃីនឆាយ ខ្ទឹមស ផ្សិត ខ្ញី ប៉េងបោះ ល្ពៅ-ល-។ អាហារដែលផ្ទុកស័ង្កសីរាងច្រើនមាន ៖ ងាវសមុទ្រ ត្រីស្បៃកា ត្រីខ្ជង់ សារាយសមុទ្រ ប្រភេទសណ្តែក ល្ង ផ្លែសេដា-ល-។ មិត្តស្រ្តីទាំងអស់ ជាពិសេសគឺស្រ្តីដែលអស់រដូវ គួរគប្បីបរិភោគអាហារទាំងនេះអោយបានច្រើន។