ការក្អួតចង្អោរគឺជារោគសញ្ញាទូទៅ អ្នកជំងឺភាគច្រើនតែងតែកើតមានបញ្ហានេះ។ ពីព្រោះក្នុងដំណាក់កាលព្យាបាលជំងឺមហារីក អាចមានការប៉ះពាល់ដល់ ប្រព័ន្ធរំលាយអាហារ ជាពិសេសមហារីកផ្នែកប្រព័ន្ធរំលាយអាហារវិញកាន់តែមានការប៉ះពាល់ខ្លាំង។ មានអ្នកជំងឺមហារីកខ្លះដោយសារបាញ់កាំរស្មី ឬចាក់ថ្នាំគីមីធ្វើអោយមានការក្អួតចង្អោរ។ ដោយសារតែ ក្អួតចង្អោរធ្វើអោយអ្នកជំងឺមិនឃ្លានអាហារ ខ្វះជាតិទឹក អេទ្បិចត្រូលីតមិនមានតុល្យភាព ព្រមទាំងគ្រោះថ្នាក់ច្រទ្បំស្រូបកំអួតចូលទៅក្នុងបំពង់ដង្ហើម។ ម្យ៉ាងវិញទៀត ដោយសារក្អួតចង្អោរ អ្នកជំងឺមួយចំនួនអាចមានភាពតប់ប្រមល់ ក្រៀមក្រំនិងអារម្មណ៍ភ័យខ្លាច។ ដូច្នះ កាត់បន្ថយប្រតិកម្មក្អួតចង្អោររបស់អ្នកជំងឺ ជួយអ្នកជំងឺអោយមានរាងកាយ និងស្មារតីល្អប្រសើរក្នុងអំទ្បុងពេលថែទាំគឺជាការចំបាច់បំផុតសំរាប់ការព្យាបាល។

ការកាត់បន្ថយប្រតិកម្មនៃការក្អួតចង្អោរដោយអាចប្រើវិធីសាស្ត្រការពារដូចខាងក្រោម៖

១. អាចញ៉ាំថ្នាំពេលពោះទទេរ ឬមុនពេលគេង។ បើយើងប៉ាន់ប្រមាណថា ក្រោយពេលចាក់ថ្នាំគីមីអាចនឹងមានការក្អួតចង្អោរ ល្អបំផុតយើងគួរអត់អាហារប៉ុន្មានម៉ោងមុនពេលព្យាបាល។ បើសិនគ្រាន់តែមានអារម្មណ៍ចង់ក្អួតនោះ ការញ៉ាំចំណីបន្តិចមុនពេលព្យាបាលអាចកាច់បន្ថយរោគសញ្ញាក្អួតចង្អោរបានដែរ។

២. អ្នកជំងឺគួរខិតខំកាត់បន្ថយការគិតច្រើន អ្នកជំងឺដែលមានសំពាធខ្លាំងខាងស្មារតី ភ័យខ្លាច ធ្វើអោយក្រពះនិងពោះវៀនមានប្រតិកម្ម។

៣. គួរមានទំលាប់ញ៉ាំតិចតែច្រើនពេល ទំពារចំនីអោយម៉ត់មុននឹងលេបវា ទោះបីត្រូវញ៉ាំអោយបានច្រើនមែន តែក៏មិនត្រូវបង្ខំខ្លួនឯងអោយញ៉ាំនោះដែរ។

៤. បើសិនសុខភាពរបស់អ្នកជំងឺមានអំណោយផល អាចដើរហាត់ប្រាណមុន និងក្រោយពេលបាយ ឬក៏អាចសំរាកនៅក្នុងបរិយាកាសស្ងប់ស្ងាត់ ស្តាប់ចំរៀងតន្រ្តី មើលទូរស្សន៍ ឬជជែកកំសាន្តជាមួយអ្នកផ្ទះដើម្បីបំបាត់អារម្មណ៍ទៅលើជំងឺ។ ពេលមានអារម្មណ៍ចង់ក្អួតចង្អោរ ត្រូវសំរួលអារម្មណ៍ព្រមទាំងដកដង្ហើមវែងយឺតៗ។

៥. ក្អួតចង្អោរនៅពេលគេងលើគ្រែ គួរផ្អៀងចំហៀងការពារកំអួតត្រូវបានស្រូបចូលក្នុងបំពង់ដង្ហើម ពេលក្អួតចង្អោររួច អ្នកមើលថែត្រូវជួយអ្នកជំងឺខ្ពុរមាត់ ដើម្បីរក្សាអនាម័យមាត់ធ្មេញ។ ព្រមទាំងកត់សំគាល់និងកាត់ត្រាទៅលើបរិមាណនិងលក្ខណះកំអួត ក្នុងករណីចាំបាច់អាចរក្សាកំអួតបន្តិចបន្តួចសំរាប់ធ្វើការពិនិត្យពិសោធន៍។

៦. បើអ្នកជំងឺមានការក្អួតចង្អោរលក្ខណះជាបន្តបន្ទាប់ឬលក្ខណះបាញ់ព្រួសចេញមក ត្រូវជូនដំណឹងវេជ្ជបណ្ឌិតជាបន្ទាន់។ ការក្អួតជាប់គ្នាជាទូទៅដោយសារស្ទះក្នុងពោះវៀន ឯក្អួតបាញ់ព្រួសចេញភាគច្រើនជាអ្នកជម្ងឺមានអាការៈស្រទាប់ខួរក្បាលទទួលរំញោច។ ករណីទាំងពីរត្រូវអញ្ជើញវេជ្ជបណ្ឌិតដោះស្រាយជាបន្ទាន់។

ការក្អួតចង្អោរ តើធ្វើដូចម្តេចដើម្បីរក្សាការស្រូបយកជីវជាតិបំប៉ន?

ការក្អួតចង្អោរនាំមកនូវបញ្ហាក្រពះនិងពោះវៀន ឬគ្មានអារម្មណ៍ឃ្លានអាហារ អ្នកថែទាំជាដំបូងត្រូវធ្វើអោយអ្នកជំងឺពុះពារអារម្មណ៍អវិជ្ជមាន តានតឹង ការបារម្ភ អស់សង្ឃឹម។ល។ យល់អំពីសារៈសំខាន់នៃការបរិភោគជីវជាតិបំប៉ន។ អ្នកជំងឺដែលរឹងមាំតែងអាចពង្រឹងស្មារតី ដើម្បីធានាការស្រូបយកជីវជាតិបំប៉នគ្រប់គ្រាន់ ធ្វើផែនការបរិភោគអាហារតាមកាលកំណត់។ ដូច្នេះទើបអាចចាប់ផ្តើមការព្យាបាលបានរលូន និងរក្សាប្រព័ន្ធការពារសេរីរាង្គមិនអោយធ្លាក់ចុះ។ ពេលបរិភោគអាហារត្រូវប្រុងប្រយ័ត្នចំណុចខាងក្រោមអាចជៀសវាង ឬកាត់បន្ថយការក្អួតចង្អោរ បង្កើនចំណង់អាហារ និងជំរុញការស្រូបយកជីវជាតិបំប៉នយ៉ាងមានប្រសិទ្ធិភាព។

1.ញ៉ាំតិចតែច្រើនពេល កាត់បន្ថយបន្ទុកនៅពេលញ៉ាំចំណីអាហារម្តងៗ។

2.ចំណីអាហារមិនត្រូវក្តៅពេកទេ បើសិនជាអ្នកជំងឺអាចទទួលយកបាន គួរញ៉ាំអាហារណាដែលត្រជាក់ ឬក្តៅល្មមដើម្បីកាត់បន្ថយក្លិនរបស់ចំណី។

3.ចំណីអាហាររាល់ពេលគួរតែខុសប្លែកគ្រប់មុខ ឬជ្រើសរើសអាហារដែលអ្នកជំងឺចូលចិត្តញ៉ាំ ដើម្បីជំរុញការញ៉ាំអោយបានច្រើន។

4.ពេលញ៉ាំអាហារក្រៀមត្រូវបំបែកចេញពីទឹកស៊ុប និងភេសជ្ជះ។

5.ល្អបំផុតគួរញ៉ាំចំណីអាហារដែលមានភាពរាវនិងសាបបន្តិច ជៀសវាងអាហារដែលផ្អែមពេក ខ្លាញ់ច្រើន ហឹរ និងមានក្លិនពិបាកទ្រាំ។

6.អាចញ៉ាំក្រូចឆ្មារ ស្ករហឹរដែលមានក្លិនក្រអូបឈ្ងុញ

7.ផឹកភេសជ្ជះថ្លាដូចជាទឹកប៉ោម ទឹកក្រូច ទឹកតែ។ល។

8.ដើម្បីធានាបរិមាណនៃការបរិភោគចំណីអាហាររបស់អ្នកជំងឺព្យាបាលដោយថ្នាំគីមី អាហារពេលព្រឹកគួរញ៉ាំមុនម៉ោង៦ ឯអាហារពេលយប់គួរញ៉ាំក្រោយម៉ោង៧យប់ ទាញគម្លាតឆ្ងាយពេលញ៉ាំថ្នាំ ជាមួយពេលញ៉ាំអាហារ អាចកាត់បន្ថយប្រតិកម្ម ជំរុញការស្រូបយកអាហារ។

9. ចំពោះអ្នកជំងឺដែលក្អួតចង្អោរញឹកញាប់ គួរបន្ថែមជាតិទឹកអោយបានគ្រប់ ករណីចំាបាច់ ត្រូវព្យួរសេរ៉ូម ដើម្បីរក្សាតុល្យភាពជាតិទឹក និងអ៊ីទ្បិចត្រូលីត។