អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកមានប្រសាសន៍ថា ៖ អ្នកជម្ងឺមហារីកបំពង់បង្ហូរទឹកប្រម៉ាត់ត្រូវមានវិន័យក្នុងការរស់នៅ យកចិត្តទុកដាក់លើពេលវេលាធ្វើការ និង សំរាក តែងតែចូលរួមកម្មវិធីកីឡា ទទួលទានអាហារពេលព្រឹកអោយបានទៀងទាត់ ជៀសវាងការធាត់ពេក-ល- ក៏ជាវិធានការដែលសំខាន់។ ពេលយប់ពិសារទឹកដោះគោមួយកែវ ឬ មានពងទាចៀនមួយនៅក្នុងអាហារពេលព្រឹក អាចធ្វើអោយថង់ប្រម៉ាត់រីករួម និង បញ្ចេញចោលទៀងពេល កាត់បន្ថយសភាពដែលទឹកប្រម៉ាត់ផ្ទុកក្នុងប្រម៉ាត់រយៈយូរ។ នៅក្នុងជីវភាពប្រចាំថ្ងៃគួរបរិភោគបន្លែ និង ផ្លែឈើដែលសំបូរវីតាមីនA និង C។ អាហារប្រភេទត្រី និង គ្រឿងសមុទ្រសុទ្ធតែអាចជួយលាងសំអាតភាពសើមនៃប្រម៉ាត់ រំលាយសារធាតុគ្រោះ។

ការកើតជម្ងឺមហារីកបំពង់បង្ហូរទឹកប្រម៉ាត់មានទំនាក់ទំនងយ៉ាងខ្លាំងទៅនឹងទំរង់ របៀបទទួលទានអាហារ ដូចនេះ របបអាហារនៃមហារីកថង់ប្រម៉ាត់ដែលសមស្របមានការធានាយ៉ាងសំខាន់ដល់ការព្យាបាល។ ដោយសារតែការបញ្ចេញទឹកប្រម៉ាត់មានបញ្ហា ការរំលាយអាហារ និង ទទួលយកក៏មានការប៉ះពាល់ ជាពិសេសអាហារដែលមានជាតិខ្លាញ់ច្រើនកាន់តែមិនងាយរំលាយ តាមផ្នែកវេជ្ជសាស្រ្តតែងឃើញមានអាការៈដូចជាមិនសូវបរិភោគអាហារ ក្រោយពិសារអាហារហើមពោះ ណែនដើមទ្រូង-ល-។ ដូចនេះត្រូវជ្រើសយកអាហារដែលងាយរំលាយ និង ទទួលយក។ បរិភោគបន្លែផ្លែឈើស្រស់ៗអោយបានច្រើន កុំបរិភោគ ឬ កុំសូវបរិភោគប្រភេទអាហារខ្លាញ់ មានកាឡូរីខ្ពស់ នៅពេលកើតមានខាន់លឿងត្រូវហាមប្រាមមិនអោយពិសារអាហារខ្លាញ់ច្រើនឡើយ។ ធានាបាននូវការទទួលទានសារធាតុសែលុយឡូសគ្រប់បរិមាណ ចាំបាច់ត្រូវផ្តាច់ស្រាឈប់ជក់បារី ប្រសិនបើក្នុងស្ថានភាពត្រូវការកំលាំងធ្វើការ ត្រូវកែតម្រូវបរិមាណកម្តៅទទួលបានអោយមានតុល្យភាព ជាមួយគ្នានោះជ្រើសរើសផលិតផលអាហារដែលមានប្រសិទ្ធភាពប្រឆាំងមហារីកខ្លះដោយមានកំរិត ដូចជា សារាយខ្មៅ ការ៉ុត ផ្សិត ទំពាំង បន្លែផ្កាពណ៌លឿង ទទឹម។

អាហារដែលស័ក្តិសមនឹងអ្នកជម្ងឺមហារីកបំពង់បង្ហូរទឹកប្រម៉ាត់

១. គួរបរិភោគអាហារដែលមានប្រសិទ្ធភាពប្រឆាំងនឹងមហារីកបំពង់បង្ហូរទឹកប្រម៉ាត់ដូចជា ៖ ព្រុយត្រី គល់ស្លឹកគ្រៃ ស្រូវសាលី ផ្សិតក្បាលធំ-ល-។

២. គួរបរិភោគអាហារដែលមានប្រសិទ្ធភាពប្រឆាំងនឹងភាពក្លាយ មហារីកដូចជា ៖ សណ្តែកខៀវ ស្ពៃខាត់ណា ខ្ទឹមស ម្រះ ផ្កាព្រលិត ត្រីចង្វា កំពឹស ត្រីម្ជុល-ល-។

៣. គួរបរិភោគអាហារដែលមានប្រយោជន៍ដល់ប្រម៉ាត់ដូចជា ៖ ស្មៅជើងពពែ ផ្លែល្វា ល្ង ស្ពៃម្ជុល ឈ្លើងសមុទ្រ។

៤. អ្នកដែលមិនមានចំណង់អាហារគូរបរិភោគ ៖ ស្ត្រូបឺរី ដំឡូងជ្វា ស្រូវសាលី ឆាយថាវ ស្ពៃសារាយ។

អ្នកជម្ងឺមហារីកបំពង់បង្ហូរទឹកប្រម៉ាត់គួរជៀសវាងអាហារដូចខាងក្រោម ៖

១. ជៀសវាងខ្លាញ់សត្វ និង អាហារមានខ្លាញ់ច្រើន។

២. ជៀសវាងការបរិភោគអាហារឆ្អែតជ្រុល ។

៣. ជៀសវាងបារី ស្រា និង អាហារដែលហិលមានឱជាតិរសធ្ងន់។

៤. ជៀសវាងអាហារដែលដុះផ្សិត បំពងប្រេង ចំហុយ ផ្អាប់ប្រលាក់ទុក។

៥. ជៀសវាងអាហារដែលរឹង ស្អិត ពិបាករំលាយ។

អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកសូមដាស់តឿនថា ៖ ប្រសិនបើកើតជម្ងឺមហារីកបំពង់បង្ហូរទឹកប្រម៉ាត់ របបអាហារដែលត្រឹមត្រូវមានសារៈសំខាន់ ទំលាប់អាហារដែលល្អអាចជួយសម្រួលអោយសារធាតុចិញ្ចឹមអ្នកជំម្ងឺមានតុល្យភាព បង្កើនប្រព័ន្ធការពារសារពាង្គកាយ ធ្វើអោយស្ថានភាពជម្ងឺមានលក្ខណៈប្រសើរឡើង។