យោងតាមស្តង់ដាព្យាបាលមានភាពរីកចំរើននិងច្នៃប្រឌិតថ្មីឥតឈប់ឈរ នៅពេលបច្ចុប្បន្ន មានការបន្ថែមវិធីពិនិត្យយ៉ាងច្រើន វិធីប៉ុន្មានប្រភេទខាងក្រោមនេះអាចមានប្រសិទ្ធភាពធ្វើរោគវិនិច្ឆ័យមហារីកក្រពះច្បាស់លាស់ ព្រមទាំងធ្វើការវិភាគវាយតម្លៃស្ថានភាពជម្ងឺបានគ្រប់ជ្រុងជ្រោយ និងអាចជួយអ្នកជំងឺក្នុងការជ្រើសរើសវិធីព្យាបាលកាន់តែល្អប្រសើរ។ អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកបានរំលឹកថា ៖ ប្រសិនបើអ្នកជម្ងឺមានមន្ទិលសង្ស័យពីអាការៈនៃជម្ងឺមហារីកក្រពះ ត្រូវតែទៅមន្ទីរពេទ្យពិនិត្យអោយបានជាប្រញាប់។

វិធីសាស្ត្រក្នុងការធ្វើរោគវិនិច្ឆ័យនៃជំងឺមហារីកក្រពះ

១. ការធ្វើរោគវិនិច្ឆ័យតាមការសុងក្រពះ ៖ ការពិនិត្យតាមការសុងក្រពះគឺជាវិធីសាស្ត្រដ៏ល្អបំផុតក្នុងការការធ្វើរោគវិនិច្ឆ័យជម្ងឺមហារីកក្រពះ ហើយក៏អាចធ្វើវិភាគប្រភេទកាចស្លូតនិងដំបៅរលួយ ជាក់ច្បាស់ប្រភេទមហារីកក្រពះនិងបរិវេណជាលិកាជ្រួតជ្រាប។ អ្នកជម្ងឺដែលមានអារម្មណ៍ក្រហាយក្នុងក្រពះនិងមានជាតិអាស៊ីតច្រើន ជាដំបូងអាចធ្វើការពិនិត្យបែបនេះ។

២.ការធ្វើរោគវិនិច្ឆ័យនៃការថតកាំរស្មីអ៊ិច ៖ ការធ្វើរោគវិនិច្ឆ័យនៃការថតកាំរស្មីអ៊ិចអាចជួបប្រទះកោសិកាមហារីកនៅត្រឹមស្រទាប់ស្អិតរបស់ក្រពះឬខាងក្រោមស្រទាប់។ បើធ្វើការពិនិត្យចំពោះដំណាក់កាលវិវឌ្ឍ អាចរកឃើញនូវរោគសញ្ញា និងប្រភេទជំងឺ

មហារីកក្រពះមានទំនាក់ទំនងគ្នាយ៉ាងជិតស្និទ្ធ។

៣.ការពិនិត្យដោយស្កែន ៖ ការវិនិច្ឆ័យជំងឺមហារីកក្រពះដោយការស្កែនអាចបង្ហាញ

យ៉ាងច្បាស់នូវកោសិកាមហារីករាលដាលជញ្ជាំងក្រពះ និងបរិវេណកោសិកាមហារីកលូតលាស់ក្នុងនិងក្រៅស្រទាប់ក្រពះ ហើយកោសិកាមហារីកក្រពះមានបាតុភាពរីករាលដាលឬទេ។ ក៏អាចបង្ហាញមហារីកមានរាលដាលតាមរយៈចរន្តសរសៃឈាមឬទេ។ អ្នកជម្ងឺដំណាក់កាលកណ្តាលនិងដំណាក់កាលចុងក្រោយអាចជ្រើសរើសការពិនិត្យបែបនេះមកធ្វើរោគវិនិច្ឆ័យពីបាតុភាពការរាលដាល។

៤. ការឆ្លុះអេកូអង់ដូស្កុប ៖ នេះគឺជាឧបករណ៍បច្ចេកទេសពិនិត្យដ៏ថ្មីស្រឡាងមួយប្រភេទ ពេលអ្នកជម្ងឺមហារីកក្រពះធ្វើការត្រួតពិនិត្យអាចឃើញផ្ទាល់នូវគ្រប់ស្រទាប់នៃជញ្ជាំងក្រពះ យល់ច្បាស់នូវរូបរាងដុំមហារីកទាំងមូល ជួយដល់ការវិនិច្ឆ័យរោគនិងបែងចែកដំណាក់កាលនៃជំងឺមហារីកក្រពះ ជួយអោយគ្រូពេទ្យកំណត់នូវវិធីព្យាបាលដ៏ស័ក្តិសមដល់អ្នកជម្ងឺ ធ្វើអោយអ្នកជម្ងឺទទួលបានប្រសិទ្ធភាពព្យាបាលដ៏ល្អបំផុត។

ការត្រួតពិនិត្យជំងឺមហារីកក្រពះដោយការឆ្លុះតាមថ្នាំគ្រាប់

មន្ទីរពេទ្យក្វាងចូវទំនើបផ្នែកមហារីកបាននាំចូលនូវការឆ្លុះតាមថ្នាំគ្រាប់(អាចដាក់ថ្នាំគ្រាប់ទៅក្នុងប្រព័ន្ធអង់ដូស្កុបប្រព័ន្ធរំលាយអាហារ)ដែលអាចជួយអ្នកជំងឺពិនិត្យក្រពះ

ដោយធូរស្រាល។ ការឆ្លុះតាមថ្នាំគ្រាប់ ពេលដែលអ្នកជំងឺទទួលការត្រួតពិនិត្យ គ្រាន់តែញុំាថ្នាំមួយគ្រាប់ចូលទៅវានឹងមានចលនាតាមរយៈសាច់ដុំរបស់ក្រពះ និងពោះ

វៀន ដោយចាប់ពីក្រពះទៅពោះវៀនតូចរហូតដល់ពោះវៀនត្រង់។ គ្រាប់ថ្នាំឆ្លងកាត់ផ្លូវ

រំលាយអាហារថតនូវសកម្មភាពទាំងអស់ បន្ទាប់មកធ្វើជាសញ្ញាឌីជីថលបញ្ជូនរូបភាពដល់ឧបករណ៍បំពាក់នៅជាប់ខ្លួនអ្នកជម្ងឺ វេជ្ជបណ្ឌិតយោងតាមរូបភាពដែលគ្រាប់ថ្នាំបានថតធ្វើការវិនិច្ឆ័យរោគទាន់ពេលវេលា។ ដំណើរការទាំងមូលត្រូវការប្រហែលជា៨ម៉ោងទៅ១០ម៉ោង។ ក្នុងកំលុងពេលនោះ អ្នកជំងឺអាចចាកចេញពីមន្ទីរពេទ្យទៅធ្វើការងារ ឬប្រកបជីវិតធម្មតា។ ដល់ពេលវេលាកំណត់ អ្នកជំងឺគ្រាន់តែត្រូវបញ្ជូនឧបករណ៍កត់ត្រាទិន្នន័យត្រលប់មកមន្ទីរពេទ្យវិញ វេជ្ជបណ្ឌិតយោងតាមរូបភាពជាង៨ម៉ឺនសន្លឹកនៅក្នុងឧបករណ៍កត់ត្រា ពិនិត្យស្ថានភាពជម្ងឺប្រែប្រួលនៃផ្លូវអាហារ ក្រពះ ពោះវៀនតូចធំ។ នៅពេលចប់ភារកិច្ច គ្រាប់ថ្នាំនឹងចេញមកក្រៅខ្លួនតាមរយៈលាមកដោយខ្លួនឯង។

អត្ថប្រយោជន៍នៃការត្រួតពិនិត្យជំងឺមហារីកក្រពះដោយការឆ្លុះតាមថ្នាំគ្រាប់ ៖ ផ្នែកទីមួយគឺអាចជៀសវាងការឈឺចាប់រាងកាយដោយការពិនិត្យ។ មួយផ្នែកទៀតគឺត្រូវបានគេចាត់ទុកថាដើម្បីពិនិត្យតំបន់ដែលមើលមិនឃើញ៥ទៅ៧ម៉ែត្រនៃពោះវៀនតូច ធ្វើអោយជម្ងឺនៅដំណាក់កាលដំបូងជាច្រើនអាចត្រូវបានជួបប្រទះមុន ងាយស្រួលព្យាបាលនៅដំណាក់កាលដំបូង។

អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកបានរំលឹកថា ៖ ការធ្វើរោគវិនិច្ឆ័យជម្ងឺមហារីកក្រពះដ៏ត្រឹមត្រូវជាក់លាក់អាចជួយអោយគ្រូពេទ្យកំណត់នូវវិធីព្យាបាលដ៏សមស្របមួយ និងលើកកម្ពស់ប្រសិទ្ធភាពព្យាបាលជម្ងឺមហារីកក្រពះទៀតផង។