មហារីកលំពែងបានគំរាមកំហែងមនុស្សជាតិខ្លាំងណាស់ ពីព្រោះវាបានលាតត្រដាងផ្ទៃក្រលាយ៉ាងធំ កំលាំងនៃការសំលាប់ខ្លាំងក្លា។ ដូចនេះ ពួកយើងចាំបាច់ត្រូវស្វែងយល់ពីវិធីសាស្រ្តក្នុងការធ្វើរោគវិនិច្ឆ័យមហារីកលំពែងឱ្យបានស៊ីជម្រៅ មានតែស្វែងយល់ពីការធ្វើរោគវិនិច្ឆ័យមហារីកលំពែងទេ ទើបអាចធ្វើឱ្យអ្នកទាំងអស់គ្នារក្សានៅការរស់រានមានជីវិតពេលដែលជួបប្រទះមហារីកលំពែងក្នុងដំណាក់កាលដំបូង។

វិធីសាស្រ្តក្នុងការធ្វើរោគវិនិច្ឆ័យមហារីកលំពែង

1. ការពិនិត្យអេកូ ៖ ការពិនិត្យអេកូផ្នែកពោះគឺជាវិធីសាស្ត្រដំបូងក្នុងការពិនិត្យមហារីកលំពែងទូទៅ និង ក្នុងការធ្វើរោគវិនិច្ឆ័យ។ ចំនុចពិសេសរបស់វាគឺដំណើរការបានងាយស្រួល មិនបង្កឱ្យមានស្នាកស្នាមរបួស គ្មានជាតិវិទ្យុសកម្ម អាចត្រួតពិនិត្យបានគ្រប់ប្លង់ វាអាចបង្ហាញឱ្យឃើញនូវរចនាសម្ព័ន្ធនៃលំពែង និងអាចមើលឃើញពីប្រមាត់ថាតើមានស្ទះឬអត់។ ចំនុចខ្វះខាតរបស់វាគឺរូបភាពដែលបង្ហាញនៅលើអេក្រង់តូច អាចងាយរងឥទ្ធិពល របស់ឧស្ម័ននៅក្នុងក្រពះ ក្នុងពោះវៀន និង រាង្គកាយរបស់មនុស្ស។ ម៉្យាងទៀត ភាពសុក្រិតនៃការពិនិត្យអេកូទទួលរងនូវឥទ្ធិពលយ៉ាងធំពីសំណាក់កំរិតវប្បធម៌ បទពិសោធន៍ របស់វេជ្ជបណ្ឌិត និងភាពសុក្រិតពីឧបករណ៍ ប្រសិនបើមានការចាំបាច់ត្រូវធ្វើការពិនិត្យCT ថតMRI និងការពិនិត្យឈាមដើម្បីធ្វើរោគវិនិច្ឆ័យឱ្យបានច្បាស់លាស់។

2. CTស្គេន ៖ CTស្គេនគឺជាមធ្យោបាយក្នុងការធ្វើការពិនិត្យលំពែងល្អឥតខ្ចោះដែលមិនមានបង្ករបួសស្នាម វាត្រូវបានគេប្រើប្រាស់យ៉ាងសំខាន់ទៅលើការធ្វើរោគវិនិច្ឆ័យ និង ការចែកដំណាក់កាលរបស់មហារីកលំពែង។ ការស្គេនCTធម្មតាគឺអាចបង្ហាញពីទំហំ ទីតាំងរបស់ដុំមហារីកបានយ៉ាងច្បាស់ ប៉ុន្តែវាមិនអាចធ្វើរោគវិនិច្ឆ័យជម្ងឺមហារីកលំពែងបានសុក្រិតនោះទេ ហើយវាក៏មិនអាចបង្ហាញឱ្យច្បាស់ពីរចនាសម្ព័ន្ធជុំវិញដុំបានដែរ។ ការស្គេនCTឱ្យកាន់តែច្បាស់ឈ្មោះ(Enhanced scan)អាចបង្ហាញបានយ៉ាងច្បាស់ពីរូបរាង ទីតាំង ទំហំ រចនាសម្ព័ន្ធដុំមហារីក និងទំនាក់ទំនងរវាងដុំមហារីកជាមួយនឹងរចនាសម្ព័ន្ធជុំវិញវា។ CTស្គេនអាចធ្វើរោគវិនិច្ឆ័យថាតើពីជម្ងឺមហារីកថាតើវាមានរីករាលដាលទៅដល់ថ្លើម កូនកណ្តុរឬអត់បានយ៉ាងសុក្រិត។

CTស្គេនគឺជាវិធីសាស្ត្រមួយដែលចាប់ផ្តើមត្រូវបានគេប្រើប្រាស់យ៉ាងទូលំទូលាយបន្តិចម្តងៗនៅក្នុងការធ្វើរោគវិនិច្ឆ័យ និង ព្យាបាលជម្ងឺមហារីកនាពេលបច្ចុប្បន្នកាលនេះ វាអាចធ្វើការវាយតម្លៃពីជម្ងឺបានយ៉ាងសុក្រិត និងមានប្រសិទ្ធភាពធ្វើការបែងចែងពីដំណាក់កាល និង អាចរៀបចំជាកញ្ចប់នៃការព្យាបាលចំពោះជម្ងឺមហារីកប្រភេទកាច។

3. MRI ៖ បច្ចុប្បន្ននេះMRIមិនត្រូវបានគេប្រើប្រាស់ជាជម្រើសទីមួយក្នុងការធ្វើរោគវិនិច្ឆ័យមហារីកលំពែងទេ ប៉ុន្តែនៅពេលដែលអ្នកជម្ងឺមានប្រតិកម្មជាមួយទៅនឹងសារធាតុដែលគេចាក់បញ្ចូលក្នុងសរសៃឈាមដែលគេប្រើសំរាប់ថតCT នោះគេអាចប្រើ MRIដើម្បីជំនួសCTក្នុងការធ្វើរោគវិនិច្ឆ័យ និងបែងចែកដំណាក់កាល។ ម៉្យាងទៀត នៅពេលដែលCTមិនអាចធ្វើរោគវិនិច្ឆ័យបានច្បាស់ គេអាចប្រើMRIដើម្បីបំពេញបន្ថែមនូវភាពចន្លោះប្រហោងរបស់CT។ MRI ប្រភេទMRCPគឺអាចធ្វើរោគវិនិច្ឆ័យបានយ៉ាងច្បាស់ថាតើប្រមាត់មានស្ទះឬអត់ ប្រសិនបើស្ទះតើវាស្ថិតនៅទីតាំងមួយណា មូលហេតុអ្វី។ ប្រសិនបើប្រៀបធៀបពីសុវត្ថិភាព វាមានសុវត្ថិភាពជាងវិធី Endoscopic retrograde cholangiopancreatography (ERCP) និងវិធី Transhepatic cholangiography (PTHC or PTC)។

ការធ្វើរោគវិនិច្ឆ័យមហារីកលំពែងក្នុងវិស័យសុខាភិបាល

1. ជម្ងឺខាន់លឿងបណ្តាលមកពីស្ទះទឹកប្រមាត់

2. ស្រកទម្ងន់លើសពី10%នៃទម្ងន់ខ្លួនប្រាណដោយឥតមូលហេតុក្នុងពេលថ្មីៗនេះ ។

3. ឈឺពោះផ្នែកខាងលើ និង ឈឺចង្កេះដោយឥតមូលហេតុក្នុងពេលថ្មីៗនេះ ។

4. លេចចេញនូវអាការៈក្រពះ ពោះវៀនរំលាយអាហារមិនបានល្អដោយឥតមូលហេតុក្នុងពេលថ្មីៗនេះ ប៉ុន្តែការថតមើលក្រពះ ពោះវៀនមិនមានអ្វីខុសប្រក្រតីនោះទេ។

5. កើតមានជម្ងឺទឹកនោមផ្អែមក្នុងពេលថ្មីៗនេះដោយឥតមូលហេតុ ឧទាហរណ៍ដូចជាធាត់ខ្លំាង ឬ គ្មានប្រវត្តិក្នុងគ្រួសារធ្លាប់មានអ្នកកើតជម្ងឺទឹកនោមផ្អែម។

6. កើតមានការរាគខ្លាញ់ដោយឥតមូលហេតុ

7. លេចចេញមានូវរោគរលាគលំពែង។ ប្រសិនបើអ្នកជម្ងឺជាអ្នកដែលចូលចិត្តជក់បារីគួរតែយកចិត្តទុកដាក់ឱ្យបានខ្លាំងពីលទ្ធភាពដែលអាចកើតមានជម្ងឺនេះ។