មហារីកត្រសាល់គូទជាមហារីកប្រភេទកាចដែលកំរឃើញ ភាគច្រើនកើតនៅលើបង្ហួរត្រសាល់គូទ ឬ ស្បែកលើគែម(ផ្លូវ)នៃត្រសាល់គូទ។ អាការៈដែលគួរអោយកត់សំគាល់មានដូចជា ៖ ផ្នែកខ្លះនៃត្រសាល់គូទមានលក្ខណៈមិនស្រួល និង រមាស់ ប្រែប្រួលទំលាប់បន្ទោរបង់ នៅបរិវេណត្រសាល់គូទមានដុំសាច់តូចៗ-ល-។ ប៉ុន្តែវាសុទ្ធតែជាអាការៈមហារីកត្រសាល់គូទដំណាក់កាលចុងក្រោយ។ ដោយសារតែអាការៈជម្ងឺនេះនៅដំណាក់កាលដំបូងមិនច្បាស់លាស់ ហើយនៅពេលប្រទះឃើញមហារីកត្រសាល់គូទតែងតែជាដំណាក់កាលកណ្តាល ឬ ចុងក្រោយទៅហើយ ធ្វើអោយខកខានឱកាសព្យាបាលដែលល្អបំផុត។ ដូចនេះតើមានវិធីអ្វីខ្លះអាចអោយប្រទះឃើញមហារីកត្រសាល់គូទ?
ពេលខ្លះឆ្លងកាត់ការពិនិត្យសុខភាពអាចប្រទះឃើញមហារីកត្រសាល់គូទដំណាក់កាលដំបូង ហើយអាចចាប់ផ្តើមឈានចូលការព្យាបាលជម្ងឺនេះតែម្តង។ ដូចជា ៖ ការពិនិត្យសុខភាពពេញទាំងសារពាង្គកាយ ឬ នៅពេលធ្វើការវះកាត់ឬសដូងបាត គ្រូពេទ្យអាចប្រទះឃើញមហារីកត្រសាល់គូទ ការពិនិត្យពោះវៀនក៏អាចប្រទះឃើញមហារីកនេះដែរ។ ប៉ុន្តែដោយសារតែគ្រូពេទ្យមិនអាចមើលឃើញដុំសាច់ផ្ទាល់ ប្រសិនបើអ្នកមានអាការៈ ឬ គ្រូពេទ្យសង្ស័យថាអ្នកមានកើតជម្ងឺមហារីកត្រសាល់គូទ ចាំបាច់ត្រូវប្រើប្រាស់ការពិនិត្យតាមលំដាប់ផ្សេងៗទៀត។
1.កញ្ចក់ឆ្លុះក្នុង(Endoscopy) ៖ រួមមានកញ្ចក់ឆ្លុះត្រសាល់គូទ និង កញ្ចក់ឆ្លុះពោះវៀនធំប្រភេទB។ កញ្ចក់ឆ្លុះក្នុង(Endoscopy) ជាបំពង់ដែលនៅខាងចុងមានកញ្ចក់ឬកាមេរ៉ាថត។ នៅពេលដែលអ្នកជម្ងឺធ្វើការពិនិត្យតាមកញ្ចក់ឆ្លុះក្នុង(Endoscopy) អាចគេងបញ្ឆិតខ្លួន ហើយ រួមជង្គង់កោងចូលគ្នាទល់នឹងផ្នែកទ្រូងរបស់ខ្លួន ឬ ដាក់សារពាង្គកាយផ្ងាលើតុអោនទៅមុខ ដើម្បីងាយស្រួលស្វែងរកទីតាំងជម្ងឺត្រសាល់គូទ ។
2.ការពិនិត្យសុខភាពពេញទំាងសារពាង្គកាយ ៖ រួមមានការពិនិត្យដោយចាក់ម្ជុល និង ការពិនិត្យកូនកណ្តុរនៅផ្នែកខាងមុខ។ គ្រូពេទ្យប្រើប្រាស់ម្ជុល កូនកាំបិត ឬ ដង្កៀបកាត់យកដុំសាច់មួយដុំ បន្ទាប់មកបញ្ចូនទៅអោយអ្នកជំនាញពិនិត្យជម្ងឺប្រើកញ្ចក់ឆ្លុះមើលថាសរិរាង្គមួយនេះមានសារធាតុមហារីកឬអត់។
3.ការឆ្លុះកាំរស្មីXលើផ្នែកទ្រូង ៖ នេះជាជំហានទី១នៃការពិនិត្យមហារីកត្រសាល់គូទ ថាមានបំលាស់ទីទៅផ្នែកខាងក្រៅឬអត់។
4.CTស្កេន ៖ នៅមុនការពិនិត្យនេះត្រូវលេប ឬ ចាក់បញ្ចូល“ទឹកថ្នាំបង្ហាញរួបភាពក្នុងសរសៃឈាម”ដើម្បីជាជំនួយបង្ហាញទំរង់រូបរាងនៃសារពាង្គកាយ។ ឆ្លងកាត់ការពិនិត្យ CTស្កេន អាចពិនិត្យឃើញទំហំធំតូច រូបរាង និង ទីតាំងរបស់ដុំសាច់ ហើយអាចមើលឃើញកូនកណ្តុររីកធំ និង មេរោគជម្ងឺដែលមានការបំលាស់ទី។
អ្នកជំនាញនៃមន្ទីរពេទ្យក្វាងចូវទំនើបផ្នែកមហារីកសូមដាស់តឿនថា ៖ ប្រសិនបើឆ្លងកាត់ការពិនិត្យហើយប្រទះឃើញថាកើតជម្ងឺមហារីកត្រសាល់គូទ សូមកុំភ័យខា្លចត្លុកស្លុត ហើយត្រូវទៅកាន់មន្ទីរពេទ្យដែលមានជំនាញច្បាស់លាស់ធ្វើការព្យាបាល។
