អ្វីទៅជាជម្ងឺឆ្អឹងភ្លៅខ្វះឈាមខូចស្លាប់?

ជម្ងឺឆ្អឹងភ្លៅខ្វះឈាមខូចស្លាប់ គឺដោយសារមូលហេតុជាច្រើនបណ្តាលអោយផ្នែកឆ្អឹងភ្លៅចរន្តឈាមមិនល្អ បណ្តាលអោយប្រែប្រួលទៅជាកោសិកាឆ្អឹងខ្វះឈាម ខូចស្លាប់ ឆ្អឹងធ្នឹមតូចបែកប្រេះ ឆ្អឹងភ្លៅបាក់ស្រុត។ វាជាបញ្ហា១ក្នុងចំនោមបីធំសម្រាប់វិស័យសុខាភិបាល ក៏ជាជម្ងឺរ៉ាំរ៉ៃមួយប្រភេទដែលឧស្សាហ៍ជួបប្រទះក្នុងជម្ងឺផ្នែកឆ្អឹង។ ការព្យាបាលល្អបំផុតសម្រាប់ជម្ងឺឆ្អឹងភ្លៅខ្វះឈាមខូចស្លាប់គួរនៅដំណាក់កាលដំបូង បើចាត់វិធានការមានប្រសិទ្ធភាពបានឆាប់រហ័ស អាចទប់ស្កាត់ឆ្អឹងភ្លៅបាក់ស្រុត ថែរក្សាមុខងារសន្លាក់ឆ្អឹង។

អត្រាកើតជម្ងឺឆ្អឹងភ្លៅខ្វះឈាមខូចស្លាប់

ចាប់ពីឆ្នាំ១៨៨៨មក ជម្ងឺឆ្អឹងភ្លៅខ្វះឈាមខូចស្លាប់ក្លាយពីជម្ងឺកម្រជួបទៅជាជម្ងឺឧស្សាហ៍ជួបប្រទះ។ ជាពិសេសពេលអ័រម៉ូនចាប់ផ្តើមកើតមាននិងប្រើប្រាស់យ៉ាងទូលំទូលាយ អត្រាកើតជម្ងឺនេះកើនឡើងជាលំដាប់។ បូករួមគ្រោះថ្នាក់ចរាចរណ៍កើនឡើង ការកែប្រែទម្លាប់រស់នៅរបស់មនុស្ស សុទ្ធតែធ្វើអោយចំនួនអ្នកជម្ងឺកើនឡើងយ៉ាងគំហុក។

មូលហេតុបណ្តាលអោយកើតជម្ងឺឆ្អឹងភ្លៅខ្វះឈាមខូចស្លាប់

មូលហេតុជម្ងឺឆ្អឹងភ្លៅខ្វះឈាមខូចស្លាប់ច្រើនប្រភេទនិងស្មុគស្មាញ ពិបាកបែងចែកជាប្រព័ន្ធអោយគ្រប់ជ្រុងជ្រោយ។ វេជ្ជបណ្ឌិតក្នុងការស្រាវជ្រាវប្រភេទជម្ងឺរយៈពេលយូរនិងការពិនិត្យព្យាបាលបានសរុបកត្តាកើតជម្ងឺ១០យ៉ាងដែលឧស្សាហ៍ជួប។

១. របួសបណ្តាលអោយមានជម្ងឺឆ្អឹងភ្លៅខ្វះឈាមខូចស្លាប់។ ដូចជាប៉ះទង្គិចពីខាងក្រៅបណ្តាលអោយឆ្អឹងកភ្លៅបាក់ គ្រេចថ្លោះគន្លាក់ឆ្អឹងត្រចៀក និងគន្លាក់ឆ្អឹងត្រគៀករងរបួស។ល។

២. សារធាតុបណ្តាលអោយមានជម្ងឺឆ្អឹងភ្លៅខ្វះឈាមខូចស្លាប់។ ដូចជាបណ្តាលមកពីជម្ងឺរលាកបំពង់ដង្ហើម ដង្ហក់ ឈឺរលាកសន្លាក់ ឈឺក ស្មា ចង្កេះនិងភ្លៅជាដើម ប្រើប្រាស់ថ្នាំសារធាតុអ័រម៉ូនរយៈយូរបណ្តាលអោយកើតជម្ងឺនេះ។

៣.ការរំញោចជាតិអាកុលបណ្តាលអោយមានជម្ងឺឆ្អឹងភ្លៅខ្វះឈាមខូចស្លាប់។ អាការៈរោគគឺដំណើររាងទា ខ្សោយបេះដូង ខ្សោះកម្លាំង ឈឺពោះ ឆ្អល់ក្អួតចង្អោរ។ល។

៤. ថ្លើមក្រលៀនចុះខ្សោយ ឆ្អឹងរលុង ឆ្អឹងត្រគាកនិងខួរឆ្អឹងរីកលូតលាស់ខុសប្រក្រតីក៏អាចបណ្តាលអោយកើតជម្ងឺឆ្អឹងភ្លៅខ្វះឈាមខូចស្លាប់។

៥. ក្រោយការវះកាត់បណ្តាលអោយឆ្អឹងភ្លៅខូចស្លាប់។ ក្នុងការព្យាបាលវះកាត់ប្តូរឆ្អឹង ការប្តូរសរសៃឈាម៣ឆ្នាំក្រោយ ឈាមឆ្អឹងផ្គត់ផ្គង់មិនគ្រប់គ្រាន់ក៏បណ្តាលអោយឆ្អឹងភ្លៅខូចស្លាប់។

ក្នុងចំណោមកត្តាជាច្រើនខាងលើនោះ ឧស្សាហ៍ជួបប្រទះគឺរងរបួសគ្រោះថ្នាក់ ប្រើថ្នាំអ័រម៉ូនហួសកម្រិត និងសេពគ្រឿងស្រវឹងហួសកម្រិតទើបបណ្តាលអោយឆ្អឹងភ្លៅខូចស្លាប់ បញ្ហាស្នូលនៃកត្តាទាំង៣នេះបណ្តាលអោយចរន្តឈាមនៃឆ្អឹងភ្លៅរាំងស្ទះឧបសគ្គ ធ្វើអោយកោសិកាឆ្អឹងខ្វះឈាម ប្រែប្រួល ខូចស្លាប់។

រោគសញ្ញាជម្ងឺឆ្អឹងភ្លៅខ្វះឈាមខូចស្លាប់

ជម្ងឺឆ្អឹងភ្លៅខ្វះឈាមខូចស្លាប់គឺដោយសារបណ្តុំកោសិកាឆ្អឹងខូចស្លាប់ទន់ខ្សោយ ថែមទាំងសន្លាក់ឆ្អឹងត្រគៀកត្រូវការបន្ថែមបន្ទុក យូរទៅក៏បង្កជាឆ្អឹងភ្លៅបាក់ស្រុត ជះឥទ្ធិពលដល់គន្លាក់ឆ្អឹងត្រគៀកទាំងមូល។ រោគសញ្ញាគ្រប់ដំណាក់កាលមានដូចខាងក្រោម ៖

១. ជម្ងឺឆ្អឹងភ្លៅខ្វះឈាមខូចស្លាប់ដំណាក់កាលដំបូង ៖ ឈឺចង្កេះ ត្រគៀកចំហៀងកើតជម្ងឺមានការឈឺចាប់ គន្លាក់ជើងជង្គង់ចំហៀតកើតជម្ងឺមានការឈឺចាប់ ចាញ់ត្រជាក់ ពេលចលនាច្រើនគ្មានកម្លាំង ចុករោយស្ពឹក ងាយស្រួលហត់អស់កម្លាំង។ រោគសញ្ញាទាំងនេះមិនអាចលេចឡើងក្នុងពេលតែមួយទេ មានអ្នកខ្លះលេចរោគសញ្ញា១ឬ២ឬច្រើន ឬលេចចេញរយៈពេលខ្លីរួចបាត់ទៅវិញ ត្រលប់ចុះឡើងច្រើនដង។

២. ជម្ងឺឆ្អឹងភ្លៅខ្វះឈាមខូចស្លាប់ដំណាក់កាលកណ្តាល ៖ រោគសញ្ញាច្បាស់លាស់ សំខាន់គឺដំណើរបាក់ខ្ញើក ឈឺចាប់ពេលដើរ មុខងារកើតមានឧបសគ្គរាំងស្ទះ។

៣. ជម្ងឺឆ្អឹងភ្លៅខ្វះឈាមខូចស្លាប់ដំណាក់កាលចុងក្រោយ ៖ អ្នកជម្ងឺដំណើរបាក់ខ្ញើកកាន់តែធ្ងន់ធ្ងរ មានអារម្មណ៍ភ្លៅកាន់តែខ្លី ពេលដើរពិបាកនិងឈឺចាប់ខ្លាំង។

វិធីរោគវិនិច្ឆ័យជម្ងឺឆ្អឹងភ្លៅខ្វះឈាមខូចស្លាប់

ជម្ងឺឆ្អឹងភ្លៅខ្វះឈាមខូចស្លាប់អាចបង្កអោយគន្លាក់ឆ្អឹងត្រគាកឈឺចាប់។ ឯជម្ងឺឆ្អឹងភ្លៅខ្វះឈាមខូចស្លាប់ជាជម្ងឺឯករាជ្យ មានលក្ខណៈពិសេសរបស់ខ្លួនវា។ វិធីខាងក្រោមនេះអាចវិនិច្ឆ័យរោគជម្ងឺឆ្អឹងភ្លៅខ្វះឈាមខូចស្លាប់។

១.ការពិនិត្យដោយស្កែន ៖ ពិនិត្យស្កែនច្រើនប្រើដើម្បីស្វែងយល់ការវិវឌ្ឍស្ថានភាពជម្ងឺឆ្អឹងខូចស្លាប់ យោងតាមរូបភាពបង្ហាញជួយអោយជ្រើសរើសវិធីព្យាបាលដែលសមស្រប។

២. ពិនិត្យដោយកាំរស្មីអ៊ិចធម្មតា ៖ ប្រើដើម្បីស្វែងយល់ការវិវឌ្ឍស្ថានភាពខូចស្លាប់នៃឆ្អឹង។ បើហ្វីលកាំរស្មីអ៊ិចបង្ហាញឃើញឆ្អឹងខូចស្លាប់ បញ្ជាក់ថាបានវិវឌ្ឍដល់ដំណាក់កាលទី២។ បើលេចចេញរាងចំណិតលោកខែ នោះគឺក្រោមឆ្អឹងទន់មានឆ្អឹងវៀច ឆ្អឹងភ្លៅចាប់ផ្តើមបាក់ស្រុត បញ្ជាក់ថាបានវិវឌ្ឍដល់ដំណាក់កាលទី៣។

វិធីព្យាបាលជម្ងឺឆ្អឹងភ្លៅខ្វះឈាមខូចស្លាប់

១. វិធីព្យាបាលវះកាត់

(១) ព្យាបាលដោយរក្សាឆ្អឹងភ្លៅ ៖ ស័ក្តិសមសម្រាប់ជម្ងឺឆ្អឹងភ្លៅខ្វះឈាមខូចស្លាប់ដំណាក់កាលដំបូង។

(២) វិធីគ្រោងសន្លាក់ឆ្អឹង ៖ ប្រើសម្រាប់អ្នកជម្ងឺឆ្អឹងភ្លៅខ្វះឈាមខូចស្លាប់ដែលគន្លាក់ឆ្អឹងបាក់ស្រុត រួមមាន៖វិធីគ្រោងសន្លាក់ឆ្អឹងទ្រទ្រង់ វិធីផ្លាស់ប្តូរផ្ទៃលើនៃគន្លាក់ឆ្អឹង វិធីផ្លាស់ប្តូរឆ្អឹងភ្លៅ និងវិធីផ្លាស់ប្តូរគន្លាក់ឆ្អឹងត្រគាកទាំងមូល។ល។

២. វិធីព្យាបាលដោយវេជ្ជសាស្ត្រចិន

វេជ្ជសាស្រ្តចិនតាមរយៈប្រើឱសថមកជួយឆ្អឹងដែលរងរបួសប្រែប្រួលខូចស្លាប់អោយឆាប់លូតលាស់ឆ្អឹងថ្មី បង្កើនល្បឿនឆ្អឹងឆាប់ផ្លាស់ប្តូរថ្មី ធ្វើអោយឆ្អឹងដែលល្អអាចលូតលាស់ជាអតិបរិមា ឆ្អឹងដែលខូចស្លាប់ទទួលបានការកែលំអដោយសារធាតុថ្នាំ។

៣. វិធីព្យាបាលផ្នែកឆ្អឹងស្នាមរបួសតូចបំផុត

វិធីព្យាបាលផ្នែកឆ្អឹងស្នាមរបួសតូចបំផុតដែលស្រាវជ្រាវបង្កើតឡើងដោយមន្ទីរពេទ្យក្វាងចូវទំនើបផ្នែកមហារីក វាសំខាន់គឺចាក់ចូលតាមស្បែកចូលទៅកន្លែងឆ្អឹងភ្លៅខូចស្លាប់ កាយចេញឆ្អឹងដែលខូចស្លាប់ឬឡើងរឹង រួមបញ្ចូលសសរឆ្អឹងដែលមានសារធាតុកើតឡើងដោយខ្លួនឯង ក្រោយការព្យាបាលសម្រេចបានគោលបំនងការឈឺចាប់រលាយបាត់ កន្លែងឆ្អឹងខូចស្លាប់ទទួលបានកែលំអ កែសម្រួលមុខងារសន្លាក់ឆ្អឹងត្រគាក។ មានគុណសម្បត្តិស្នាមរបួសតូច មិនបំផ្លាញចរន្តឈាមជុំវិញគន្លាក់ឆ្អឹងត្រគាក ឆ្អឹងដែលបញ្ចូលទៅមានអត្រារស់ខ្ពស់ និងប្រសិទ្ធភាពព្យាបាលច្បាស់លាស់។ល។

ការថែទាំជម្ងឺឆ្អឹងភ្លៅខ្វះឈាមខូចស្លាប់ក្នុងជីវភាពប្រចាំថ្ងៃ

១. ហាត់ប្រាណសមរម្យ ប៉ុន្តែគួរកាត់បន្ថយបន្ទុកធ្ងន់ កាត់បន្ថយការប៉ះទង្គិចរវាងឆ្អឹងភ្លៅនិងគន្លាក់ត្រគៀក។

២. រក្សាទម្លាប់រស់នៅអោយបានល្អ មិនជក់បារីឬផឹកគ្រឿងស្រវឹង។

៣.ប្រុងប្រយ័ត្នថែរក្សាការពារខ្លួនឯង ជៀសវាងកាយវិកាកម្លាំងបាយ កុំអោយបង្ករងរបួស។

៤. ប្រុងប្រយ័ត្នការបរិភោគជីវជាតិបំប៉ននិងការគួបផ្សំសមស្រប។ អាហារសំខាន់គឺអង្ករ ម្សៅ និងគ្រាប់ធញ្ញជាតិ។ អាហារបន្ទាប់បន្សំគួរបរិភោគអាហាសំបូរជាតិកាល់ស្យូម ដូចជាទឹកដោះគោ អាហារធ្វើពីទឹកដោះ ថ្លើមពពែ ថ្លើមជ្រូក សម្បកបង្គារ ប្រភេទសណ្តែក ប្រភេទសារ៉ាយសមុទ្រ ប្រភេទស៊ុត។ល។