ថ្មីៗនេះ កុមារីដែលកើតជំងឺមហារីកឈាមមកពីខេត្តហ៊ូណានយ៉ានជាងប្រទេសចិនបានទទួលការយកចិត្តទុកដាក់យ៉ាងខ្លាំងពីសង្គមទំាងមូល។ ឈ្មោះពេញរបស់នាង វ៉ាងជីនវិន។ ឪពុករបស់នាងដោយមិនប្រុងប្រយ័ត្នបានដួលបាក់ឆ្អឹងជើង មា្តយរបស់នាងទទួលរងនូវការឈឺចាប់ដោយសារជំងឺមហារីកសុដន់។ ចុះនាងវិញ? នាងអាយុ៤ឆ្នាំរៀនដាំបាយ ៧ឆ្នាំរ៉ាប់រងការងារផ្ទះទាំងឡាយដូចជាមនុស្សធំ។ ហើយបច្ចុប្បន្នកុមារីអាយុ៩ឆ្នាំនេះបានកើតជំងឺមហារីកឈាម ដោយរឿងអកុសលបានកើតឡើងជាច្រើនលើកធ្វើអោយក្រុមគ្រួសារមួយនេះឈឺចាប់ក្រៃលែង។
បច្ចុប្បន្ន មន្ទីរពេទ្យកា្វងចូវទំនើបផ្នែកមហារីកបានចូលរួមក្នុងពិធី “បញ្ជូនក្តីស្រលាញ់” ដើម្បីជួយឧបត្ថម្ភដល់កុមារីជីនវិន។ មន្ទីរពេទ្យកា្វងចូវទំនើបបានសហការជាមួយនឹងអង្គការអ្នកស្ម័គ្រចិត្តនៃខេត្តកា្វងចូវអំពាវនាវសុំអោយសហគមន៍នៅជុំវិញពិភពលោកជួយជាជំនួយដល់ក្រុមគ្រួសារកុមារីជីនវិនផង។
មន្ទីរពេទ្យក្វាងចូវទំនើបផ្នែកមហារីកបានប្រើប្រាស់នូវវិធីសាស្រ្តដែលជឿនលឿនតាមបែបអន្តរជាតិដែលមានស្នាមរបួសតូចបំផុតមកព្យាបាលជំងឺមហារីកសុដន់ ហើយទទូលបានប្រសិទ្ធិភាពយ៉ាងខ្ពស់ក្នុងការព្យាបាល។ ក្រៅពីនេះ មន្ទីរពេទ្យក៏បានព្យាបាលជំងឺមហារីកសុដន់ជូនម្តាយរបស់កុមារីជីនវិនដោយឥតគិតថ្លៃ ជាងនេះទៅទៀត មន្ទីរពេទ្យនិងសហការជាមួយអង្គការអ្នកស្ម័គ្រចិត្តនៃខេត្តកា្វងចូវបង្កើតពិធីប្រគុំតន្ត្រីសំរាប់កុមារីជីនវិននៅភ្នំប៉ាយអ៊ីងខេត្តកា្វងចូវផងដែរ។
រូបថតរបស់ក្រុមគ្រួសារកុមារីជីនវិននិងលោកវ៉ាងហាយចុងប្រធានមន្ទីរពេទ្យ(ខាងស្ដាំ)លោកសាស្រ្តាចារ្យផឹងសៀវឆឺ(ខាងឆ្វេង)
ព្រឹកថ្ងៃទី១៦ ខែធ្នូ ឆ្នាំ២០១៣ វេលាម៉ោង៩:៣០នាទី ពិធី“បញ្ជូនក្តីស្រលាញ់” ការជួយឧបត្ថម្ភដល់កុមារីជីនវិន នៅជាន់ទី១ហាងលក់កាហ្វេនៃមន្ទីរពេទ្យកា្វងចូវទំនើបផ្នែកមហារីកបានចាប់ផ្តើម។
ជាដំបូង ពិធីករបានធ្វើការណែនាំនិងជំរាបពីសា្ថនភាពក្រុមគ្រួសារកុមារីជីនវិន ទស្សនិកជនដែលមានវត្តមាននៅក្នុងកម្មវិធីមានអារម្មណ៍រំភើបយ៉ាងខ្លាំងនិងកោតសរសើរចំពោះគ្រួសារដែលសុទិដ្ឋិនិយមហើយរឹងមាំមួយនេះ។
ជាបន្ទាប់ លោកវ៉ាងហាយចុងប្រធានមន្ទីរពេទ្យកា្វងចូវទំនើបផ្នែកមហារីកបានថ្លែងសុន្ទរកថា បកស្រាយនិងបង្ហាញដល់អ្នកសារព័ត័មាននិងមិត្តទស្សនិកជនទំាងអស់ដែលមានវត្តមាននៅក្នុងកម្មវិធីនេះពីគម្រោងរបស់មន្ទីរពេទ្យក្នុងការជួយអោយក្តីស្រមៃរបស់កុមារីជីនវិនក្លាយជាការពិត ហើយក៏បានជូនកាដូយ៉ាងកក់ក្តៅដល់ក្រុមគ្រួសាររបស់ជីនវិនផងដែរ។
បន្ទាប់ពីនេះ លោកសាស្រ្តាចារ្យផឹងសៀវឆឺប្រធានផ្នែកមហារីករួមជាមួយនិងលោកសាស្រ្តាចារ្យវ៉ាងស៊ីងបានធ្វើការពន្យល់បកស្រាយពីអាការៈជំងឺនិងបង្ហាញពីដំណើរនៃគម្រោងព្យាបាលរបស់ម្តាយជីនវិនយ៉ាងម៉ត់ច៉ត់ជូនដល់ទស្សនិកជន។
លោកវ៉ាងហាយចុងប្រធានមន្ទីរពេទ្យថ្លែងសុន្ទរកថា
លោកវ៉ាងហាយចុងប្រធានមន្ទីរពេទ្យជូនកាដូអនុស្សាវរីយ៍ដល់កុមារីជីនវិន
ម្តាយឪពុករបស់ជីនវិនសម្តែងនូវសេចក្តីរំភើបក្រៃលែង។ នៅពេលដែលអ្នកកាសែតបានធ្វើកិច្ចសម្ភាសន៍សួរនាំពីអារម្មណ៍របស់ពួកគាត់ ឪពុករបស់ជីនវិននិយាយថា “វាកក់ក្តៅប្រៀបដូចជាគ្រួសារតែមួយ”មា្តយរបស់ជីនវិនបានបន្ថែមទៀតថា “ទេ វាកក់ក្តៅជាងគ្រួសារទៅទៀត ពិតជាមិននឹកស្មានថាអ្នកទំាងអស់គ្នាបានធ្វើនូវរឿងជាច្រើនដើម្បីពួកយើង។” ពួកគាត់សម្តែងនូវភាពភ្ញាក់ផ្អើលសប្បាយរីករាយយ៉ាងខ្លាំងដែលបានទទួលនូវការជួយឧបត្ថម្ភជាច្រើនចំពោះការធ្វើដំណើរមកខេត្តកា្វងចូវលើកនេះ។
ខណៈពេលដែលសាកសួរពីក្តីស្រមៃរបស់ក្រុមគ្រូសារដែលមានសមាជិកបីនាក់នេះ ឪពុករបស់ជីនវិនបានជំរាបអ្នកទំាងអស់គ្នាថា “ជាដំបូងត្រូវតែព្យាបាលជំងឺរបស់ម្តាយជីនវិនអោយជាសិន ពីព្រោះដើម្បីគ្រួសារមួយនេះនាងបានរ៉ាបរងនូវរឿងតូចធំជាច្រើន ហើយជំងឺរបស់កូនស្រ្តីខ្ញុំគឺកាន់តែមិនត្រូវបោះបង់ ស្របពេលនេះដែរខ្ញុំក៏សង្ឃឹមថានឹងអាចស្វែងរកគ្រូបង្រៀនតន្ត្រីដែលមានជំនាញ ដើម្បីជួយអោយក្តីស្រមៃរបស់ជីនវិនដែលចង់ចេះច្រៀងក្លាយជាការពិត។ ម្តាយជីនវិនបានបន្តនិយាយថា “មានមនុស្សជាច្រើនគាំទ្រយើង ព្រួយបារម្ភអាណិតស្រលាញ់ជីនវិន ដូច្នេះយើងមិនត្រូវអស់សង្ឃឹមនោះទេ។”ជីនវិនជាកុមារីដែលសុទិដ្ឋិនិយមបានប្រាប់ទៅអ្នកការសែតថា នៅពេលដែលខ្ញុំធំឡើយចេះរកប្រាក់ ខ្ញុំនិងជួយដល់អ្នកដែលត្រូវការជំនួយ។ ហើយឥឡូវនេះខ្ញុំសង្ឃឹមថានិងអាចច្រៀងចម្រៀងជាមួយកុមារដទៃទៀតដែលមានជំងឺដូចជារូបខ្ញុំ ដើម្បីបន្ធូរនូវភាពតានតឹងដោយសារជំងឺទាំងអស់គ្នា។
លោកសាស្រ្តាចារ្យវ៉ាងស៊ីងធ្វើការបន្សល់ពីអាការៈជំងឺរបស់ម្តាយជីនវិននិងបង្ហាញពីដំណើរនៃគម្រោងព្យាបាល។
នៅលើឆាកវេទិកា កុមារីជីនវិនបានច្រៀងចម្រៀងមួយបទដែលមានចំនងជើងថា 《លៀវយ៉ាងហ៊រ》ដែលជាបទចម្រៀងប្រពៃណីមកពីខេត្តហ៊ូណានជូនដល់ទស្សនិកជន នាងបានធ្វើអោយបរិយាកាសនៅក្នុងកម្មវិធីពោរពេញដោយក្តីសង្ឃឹមនិងសំឡេងសើចសប្បាយរីករាយ។
ទោះបីជារឿងអកុសសបានកើតឡើងលើគ្រួសារនេះជាច្រើនលើកធ្វើអោយពួកគេឈឺចាប់ទុក្ខព្រួយក្តី ប៉ុន្តែពួកគេនៅតែរឹងមាំ ក្លាហាននឹងប្រឈមមុខ ទោះបីជាក្រុមគ្រួសារមួយនេះត្រូវតស៊ូប្រឆាំងនឹងជំងឺ ប៉ុន្តែពួកគេនៅតែមានក្តីសង្ឃឹម សាមគី្តរួបរួមគ្នា ។ ចូរយើងសហការគ្នា ដើម្បីបួងសួងជូនពរដល់ក្រុមគ្រួសារបស់កុមារីជីនវិន សូមអោយក្តីស្រមៃរបស់ពួកគេកា្លយជាការពិតក្នុងពេលឆាប់ៗនេះ ហើយនិងអាចរស់នៅដោយមានសុភមង្គលជារៀងរហូត។
