នៅថ្ងៃទី៧ និង ថ្ងៃទី១០ ខែឧសភា ឆ្នាំ២០១៣ ទីស្នាក់ការតំណាងរបស់មន្ទីរពេទ្យក្វាងចូវទំនើប ផ្នែកមហារីកប្រចាំនៅប្រទេសកម្ពុជាបានប្រារព្ធសិក្ខាសាលាចំនួនពីរកន្លែងនៅសាកលវិទ្យាល័យ បៀលប្រាយ គោលដៅសំខាន់គឺចង់អោយសិស្សានុសិស្សនិងបុគ្គលិកស្វែងយល់និងស្គាល់ពីជម្ងឺ មហារីក ព្រមទាំងលើកកម្ពស់ស្មារតីការពារនិងប្រឆាំងជម្ងឺមហារីក។

ចាប់ផ្តើមដំបូង លោកវេជ្ជបណ្ឌិត SHU TI ដែលជាអ្នកឯកទេសផ្តល់យោបល់ប្រចាំទីស្នាក់ការ តំណាងនៅភ្នំពេញ និង លោកវេជ្ជបណ្ឌិត Lean Sopheak អ្នកឯកទេសខាងផ្នែកមហារីកបានធ្វើការ ណែនាំពត៌មានទូទៅទាក់ទងនឹងជម្ងឺមហារីក មានដូចជា៖ ប្រភេទជម្ងឺមហារីក មូលហេតុជម្ងឺមហារីក ការការពារនិងព្យាបាលជម្ងឺមហារីក-ល- ដើម្បីអោយសិស្សានុសិស្សនិងបុគ្គលិកស្គាល់ពីមូលដ្ឋាន គ្រឹះជម្ងឺមហារីក។ លោកវេជ្ជបណ្ឌិតទាំងពីរនៅបានបកស្រាយពីជម្ងឺមហារីកដែលយើងឧស្សាហ៏ ជួបប្រទះ។ សំខាន់គឺណែនាំពីវិធីបង្កានិងការមើលថែ ក្នុងនោះរួមមាន៖ ជម្ងឺមហារីកសួត ថ្លើម សុដន់ មាត់ស្បូន ច្រមុះ ពោះវៀនធំ ក្រពេញប្រូស្តាតនិងលំពែង។

ក្នុងដំណើរការសិក្ខាសាលា សិស្សនិងបុគ្គលិកបានយកចិត្តទុកដាក់ស្តាប់នូវព៌តមានដែល លោកវេជ្ជបណ្ឌិត SHU TI និង លោកវេជ្ជបណ្ឌិត Lean Sopheak ចែករំលែក។ ដល់វគ្គសួរសំណួរ សិស្សព្រមទាំងបុគ្គលិកទាំងអស់នាំគ្នាសួរសំណួរបន្តគ្នា ចំណែកលោកវេជ្ជបណ្ឌិតទាំងពីរបានធ្វើការ បកស្រាយរាល់សំណួរទាំងឡាយយ៉ាងម៉ត់ចត់។

ក្រោយពេលបញ្ចប់សិក្ខាសាលាទាំងពីរលើក សិស្សនិងបុគ្គលិកទាំងអស់សម្តែងនូវការ ពេញចិត្តយ៉ាងខ្លាំង។ សិក្ខាសាលាលើកនេះធ្វើអោយពួកគេស្វែងយល់ពីជម្ងឺមហារីក ព្រមទាំងបាន ដឹងថាត្រូវប្រយ័ត្នប្រយែងលើចំនុចអ្វីខ្លះក្នុងការរស់នៅ ទើបអាចគេចផុតពីជម្ងឺមហារីកបាន។

លោកវេជ្ជបណ្ឌិត SHU TI បកស្រាយពីចំណេះដឹងប្រឆាំងនិងបង្កាជម្ងឺមហារីក

បុគ្គលិកប្រចាំនៅសាកលវិទ្យាល័យបៀលប្រាយកំពុងយកចិត្តទុកដាក់ស្តាប់ក្នុងសិក្ខាសាលា

លោកវេជ្ជបណ្ឌិត SHU TI ឆ្លើយតបនឹងសំណួររបស់បុគ្គលិក

សិស្សទាំងអស់យកចិត្តទុកដាក់ស្តាប់ក្នុងសិក្ខាសាលា

លោកវេជ្ជបណ្ឌិត Lean Sopheak ធ្វើការបកស្រាយពីចំណេះដឹងប្រឆាំងនិងបង្កាជម្ងឺមហារីក