ថ្ងៃទី24 ខែសីហា ឆ្នាំ2013 ការិយាល័យតំណាងរាជធានីភ្នំពេញនៃមន្ទីរពេទ្យក្វាងចូវទំនើបផ្នែកមហារីកបានរៀបចំសិក្ខាសាលាស្តីពីសុខភាពនៅសាកលវិទ្យាល័យBBUខេត្តសៀមរាបក្រោមប្រធានបទ “ស្រលាញ់ជីវិត ស្រលាញ់សុខភាព”ដែលមានគោលបំណងដើម្បីផ្សព្វផ្សាយពីចំនេះដឹងសុខភាពសំរាប់មនុស្សជំនាន់ក្រោយនិងលើកកម្ពស់ការយល់ដឹងអំពីការការពារនិងការប្រឆាំងជម្ងឺមហារីកសំរាប់អ្នកទាំងអស់គ្នា។ សិក្ខាសាលាលើកនេះមានការទាក់ទាញចូលរួមពីសិស្សនិស្សិតនិងសាស្ត្រាចារ្យពីសាកលវិទ្យាល័យBBUរាប់រយនាក់ ក្នុងចំនោមនោះ អាណាព្យាបាលសិស្សលឺសូរមានសិក្ខាសាលាក៏មានការត្រេកអរមកចូលរួមជាមួយគ្នាផងដែរ។

សិក្ខាសាលាសុខភាពបានចាប់ផ្តើម លោកសាស្រ្តាចារ្យ ស ស៊ីថេង ប្រធានការិយាល័យសិក្សានៃសាកលវិទ្យាល័យBBUមានប្រសាសន៍បង្ហាញនិងថ្លែងអំណរគុណថា ៖ “នេះគឺជាលើកដំបូងហើយដែលសាកលវិទ្យាល័យBBUនៅខេត្តសៀមរាបបានរៀបចំកម្មវិធីសិក្ខាសាលាស្តីពីសុខភាព កម្មវិធីនេះជាចម្បងធ្វើឡើងសំរាប់អោយសិស្សនិស្សិតយល់ដឹងពីចំណេះដឹងអប់រំផ្នែកជម្ងឺមហារីក។ សាកលវិទ្យាល័យBBUបានថ្លែងអំណរគុណជាពិសេសដល់មន្ទីរពេទ្យក្វាងចូវទំនើបផ្នែកមហារីកដែលបានផ្សព្វផ្សាយពីចំណេះដឹងស្តីពីសុខភាព ផ្តល់ឱកាសសិក្សាកាន់តែល្អប្រសើរដល់ប្រជាពលរដ្ឋកម្ពុជា។” ទន្ទឹមនឹងនោះ ការិយាល័យតំណាងរាជធានីភ្នំពេញនៃមន្ទីរពេទ្យក្វាងចូវទំនើបផ្នែកមហារីកក៏បានព្យាយាមឆ្លើយតបសំណួរទាក់ទងនឹងសិក្ខាសាលាស្តីពីសុខភាពដល់សិស្សនិស្សិតBBU និងបានបង្ហាញពីការថ្លែងអំណរគុណយ៉ាងជ្រាលជ្រៅទៅដល់សាកលវិទ្យាល័យBBUដែលបានផ្តល់នូវទីកន្លែងធ្វើសិក្ខាសាលានេះផងដែរ។ ការិយាល័យតំណាងរាជធានីភ្នំពេញនៃមន្ទីរពេទ្យក្វាងចូវទំនើបផ្នែកមហារីកបានលើកឡើងថា មន្ទីរពេទ្យក្វាងចូវទំនើបផ្នែកមហារីកនិងសាកលវិទ្យាល័យBBU ប្រឹងប្រឹងនិងសង្ឃឹមថារួមគា្នសម្រេចគោលដៅនាំយកចំណេះដឹងផ្នែកមហារីកផ្សព្វផ្សាយដល់ប្រជាពលរដ្ឋ។ សង្ឃឹមថាអ្នកដែលចូលរួមក្នុងសិក្ខាសាលាមិនត្រឹមតែក្រេបជញ្ជក់ចំណេះដឹងបង្ការនិងប្រឆាំងមហារីកទេ ម្យ៉ាងទៀតនៅអាចយកចំណេះដឹងទាំងនេះទៅចែករំលែកជាមួយមិត្តរួមថ្នាក់ គ្រួសារ និងមិត្តភក្តិ ព្រមទាំងស្រលាញ់សុខភាពនិងយល់ច្បាស់ពីជម្ងឺមហារីក។

នៅក្នុងសិក្ខាសាលាសុខភាពនោះ លោកវេជ្ជបណ្ឌិតSU TI អ្នកឯកទេសផ្នែកមហារីកនៃការិយាល័យតំណាងរាជធានីភ្នំពេញរបស់មន្ទីរពេទ្យក្វាងចូវទំនើបផ្នែកមហារីកបានពន្យល់រៀបរាប់ប្រាប់ដោយប្រើប្រាស់វិធីងាយយល់ដល់អ្នកចូលរួមដើម្បីអោយពួកគេយល់ដឹងពីមហារីក ក្នុងនោះមានវិធានការនៃរោគសាស្ត្រ មូលហេតុ ការការពារនិងការថែទាំ-ល-។ នៅពេលដែលអ្នកទាំងអស់គ្នាបានស្តាប់នូវការរៀបរាប់ពីមូលហេតុរស់នៅមិនល្អ និង ខ្វះទម្លាប់អនាម័យសុខភាពក៏បណ្តាលអោយកើតមានជម្ងឺមហារីក គឺកាន់តែធ្វើអោយពួកគេមានអារម្មណ៍ងឿងឆ្ងល់និងមិនយល់ ព្រមទាំងលើកឡើងនូវសំណួរផ្ទាល់ខ្លួនរបស់ពួកគេមិនឈប់ឈរ ដើម្បីទទួលបានចម្លើយបន្ថែមទៀត។

ក្រោយពេលសិក្ខាសាលាបានបញ្ចប់ សិស្សនិស្សិតBBUជាច្រើនបានចោទសួរលោកវេជ្ជបណ្ឌិត SU TI នូវសំណួរគ្រប់ផ្នែកដែលទាក់ទងនឹងជម្ងឺមហារីក។ ក្នុងក្រសែភ្នែករបស់ពួកគេបង្ហាញអោយឃើញនូវការយកចិត្តទុកដាក់និងស្រលាញ់ចំពោះចំណេះដឹងសុខភាពយ៉ាងពិតប្រាកដ នេះគឺជាកាយវិការដែលមានតម្លៃមិនអាចកាត់ថ្លៃបាន។ សិស្សនិស្សិតក៏បានបង្ហាញថា លើកក្រោយពួកគេនឹងនៅតែមកចូលរួមសិក្ខាសាលាស្តីពីសុខភាពផ្នែកជម្ងឺមហារីកទៀត។

រៀបរាប់ប្រាប់ពីបច្ចេកវិទ្យាព្យាបាលជម្ងឺមហារីកដ៏ទំនើបឈានមុខ

លោកវេជ្ជបណ្ឌិតSU TIពន្យល់បកស្រាយចំណេះដឹងទាក់ទងនឹងជម្ងឺមហារីក

សិស្សនិស្សិតខ្នះខ្នែងព្យាយាមចោទសួរពីចំណេះដឹងការការពារនិងការប្រឆាំងជម្ងឺមហារីក